Aizaya 19:13 - O̩TAKADA O̩LA O̩JO̩ 1970

¹³ Amagboji Zoan mud ame̩nidada, ma la gbʼamagboji Me̩mfis ibe me̩; abo ku ma chʼokuta udane̩ o̩lo̩pu o̩lo̩pu-wñ je̩ ñw Ijipti chila.

Aizaya 19:13 ပူးပေါင်းရင်းမြစ်များ

Izikie̩l 30:13

Abu kʼOndu Jihofa aka de̩ kakini: U ñʼafʼode ode-ma chile̩che̩, oñ naje̩ ñw e̩wñ o̩wai le̩ ki we jo Me̩mfis; idachi kʼi kwʼane̩ Ijipti ñʼade̩ ge̩ n; oñ nʼadʼailo te̩ ojane̩ Ijipti.

Je̩re̩maya 2:16

Amo̩ma e̩ne̩ke̩le̩ Me̩mfis kpai Tafanhes fʼakpe̩te̩ oji-we̩ kpo̩fo̩ me̩.

Ze̩karaya 10:4

Ugbo-wñ okuta ukpoji alo le̩ akwo wa, ugbo-wñ ale akwo, ugbo-wñ o̩o̩do̩ ogu la akwo, ugbo-wñ amabʼudu ñw one̩ du akwo wa e̩re̩ʼkate.

Je̩re̩maya 46:19

O uwe̩ o̩ma onobule̩ kʼe̩ gugu Ijipti, fʼe̩wñ eku amu che ñw o̩la-we̩ fʼo̩la amu-we̩ mu! Todu Me̩mfis amud e̩wñ awuwu, ma agujo rinyo̩, i anʼe̩ne̩ ki adodo ef uwñ n.

Je̩re̩maya 46:14

Me̩ dʼu kpogo Ijipti, fʼakoya-wñ ta Migdo̩l; fʼakoya-wñ ta Me̩mfis kpai Tapanhe̩s; me̩ kakini, Me̩ fʼo̩la mu dago, todu o̩kwo̩chageli lie̩ lʼuwe̩ daka me̩,

Aizaya 19:11

Amagboji Zoan chʼame̩nidada ogbolo; ohi o̩la kʼabo ki nʼibe tʼuma le ef abo̩hiala Fero ate̩ dab ibe e̩la. Abile ku me̩ ka ñw Fero kakini, O̩ma anibe u che? O̩ma amonu ki je̩ igbelegbele u che?

1 Pita 2:7

Todule̩, ugbo ame̩ ku me̩ chʼamake̩do̩nʼowñ akoko le̩ de̩. Ama ugbo abo ku ma ko̩ eke̩do̩nʼo, Okuta kʼamakunyi fʼu ñwa ka kʼi nyo̩ n, e-le̩ mud ukpoji alo,

Abo Rom 1:22

Abu ku ma jʼaka ku ma che̩nʼibe ma mud ame̩ne̩fule̩fu.

Izikie̩l 30:16

Omi la akʼuna Ijipti; Sin alʼiwo̩ nana; ma akpa No fo̩, ame̩no̩la Me̩mfis ajʼo̩la-wñ gbogbo dʼo̩jo̩.

1 Samiue̩l 14:38

Taku So̩l kakini, Me̩ te̩wʼemi, ame̩ agboji amone̩-i, chaka, kʼa ma kʼa li ugbo kʼadure-i chane̩ kwo eñini-i.

Ekaluka 24:17

U cheli owñ, i muda chʼabajo̩-i n; ego nagʼo, i muda me̩ru anane̩ n: Awo akwʼefu Jeko̩b wa, okute̩ la akwane̩ kwef Israe̩l; i akpo̩ Moab fo̩ gbogbo wa kad alo-wñ me̩le̩, i la agu amo̩ma ekuku le̩ lo̩ wane̩ chaka.

Je̩re̩maya 44:1

O̩la amaJu du ku ma gugu oj ane̩ Ijipti, ku ma gugu Migdol kpai Tapanhe̩s kpai Me̩mfis kpai oj ane̩ Patro̩s ki lewʼugbo Je̩re̩maya le̩ de̩, kakini,

Izikie̩l 30:14

Tak u nache ku Patros ki chihi rinyo̩, oñ nakʼuna Zoan, u la ache e̩wñ kʼoji ajo̩-mi ka abi No ma.

Hosiya 9:6

Todu go, ma kwo bʼe̩kpabie̩ te̩ me̩; Ijipti aya ma jo̩, Me̩mfis ako ma ji. Iñelekpe anʼe̩wñ ube̩do̩-ma e-ajifa le̩; ikeke ajʼef unyabo-ma.