Aizaya 18:4 - O̩TAKADA O̩LA O̩JO̩ 1970

⁴ Todu abu ki Jihofa ka ñw mi de̩, kakini: Nachechi, u gugu unyi-mi ago, alu kʼolu akpa nyʼane̩, alu kʼatula ate̩ tuu iko ku ma kʼe̩wñ oko wʼunyi le̩.

Aizaya 18:4 ပူးပေါင်းရင်းမြစ်များ

Hosiya 5:15

Nalo kʼu dabi tʼe̩gu-mi, gbogbo taku ma gbalu udu ku ma fe̩ le̩ ku ma la chane̩ etejane̩ eju-mi, ma atene mi ef o̩bata-ma una una.

Aizaya 26:21

Todu go, Jihofa akwʼuña-wñ dufu kʼi fʼudu bu ñw abo ku ma dodo ile̩ tod udu ku ma fe̩, ile̩-i lañʼadʼe̩bie̩ ku ma dʼu danyʼu tejugede, i ñʼabʼabo-wñ ku ma kpa ma ma ge̩ n.

Aizaya 18:7

Iko le̩ ma anʼe̩wñ ele wa ñw Jihofa ki nʼe̩wñ du kwʼugbo amone̩ ku ma gbo̩gba kʼaño̩la-ma de̩ bo̩lo̩ bo̩lo̩ le̩, owñ chʼamone̩ ki te̩tabailo kwʼuchane̩-ma ate̩to̩gba-wñ le̩, owñ chʼabo uche̩ichi ku ma fu ñwa fu ñwa ku ma fʼe̩wñ kpetili mʼane̩, owñ chʼe-kʼohimini ohimini fʼane̩-ma kpe̩ru, ma anʼe̩ wʼuña odu Jihofa ki nʼe̩wñ du, owñ chʼuwo Zayo̩n.

Aizaya 14:32

Abʼone̩ adohi ñw amonuche̩ abo uche̩ichi ta? Jihofa mu Zayo̩n du nyane̩ me̩, e̩no̩bata ef abo-wñ achubiyʼo̩.

Aizaya 12:6

Fʼogu kpa, kwa taa, uwe̩ kʼe̩ dodo Zayo̩n le̩, todu E̩ne̩ Kiafo̩ e-Israe̩l tabale alumeji-we̩.

2 Samiue̩l 23:4

E̩ne̩ le̩ adab ane̩ ki ane̩ odudu, e̩gba kʼolu akwane̩, odudu e̩gba kʼakpa ma de̩ n, e̩gba kʼegbe tiga kwef ane̩ abu kʼomi lo̩ kʼane̩ muda jalii.

Hosiya 14:5

Omi adab eli ki achi ñw abo Israe̩l; i adikoko ododo dab ilili, i la atʼili dabu Le̩bano̩n;

Aizaya 46:13

nadʼo̩kpakpa e-mi wa me̩rʼanane̩, i ñʼadʼo̩najiji ge̩ n, ujadu-mi la ache̩du n; nadʼujadu te̩ efu Zayo̩n, todu Israe̩l ojima-mi.

Aizaya 31:9

Tak okuta kʼi lo̩nʼo le̩ alale rinyo̩ noji okpo kʼi achi, agaliga-wñ ku ma li aje̩ ñw e̩do̩ amagboji-wñ muda kpu, Jihofa, kʼuna-wñ dʼefu Zayo̩n, kʼaido-wñ la de̩ Je̩rusale̩m, aka-i.

Aizaya 26:19

Abo-we̩ ki ku adeju, oku abo-mi akwane̩. O ame̩ ku me̩ dodo jʼef ebutu, mʼolu ji ku me̩ kʼeli taa! Todu eli-we̩ ki achi chʼeli ki anyo̩ e̩wñ, tak ile̩-i akʼabo ki ku rikpolo dufu.

Eli Eko̩ DʼO̩jo̩ 72:6

I agwo̩ru wa dab omiojale kʼi ajo̩ bʼoj egbe ku ma ja etito̩ ma, alu kʼomiojale aña rʼane̩!

Joe̩l 3:17

Abe̩le̩ ame̩ ama ka kʼomi che Jihofa, O̩jo̩-me̩, kʼu nadodo Zayo̩n, uwo-mi kiafo̩ le̩. E̩gbale̩ Je̩rusale̩m afo̩ oñ ab o̩wo̩ ejaduña du ñʼalale gu ef uwñ du ge̩ n.

Ita, Ita 19:12

Uwe̩do̩ onu acho̩ko̩ dabe̩ne̩ kʼukwa idu, i muda ali one̩ eju, i dabe̩ne̩ kʼeli ki achi bʼegbe ma.

2 Iko Iko E̩wn 6:21

E̩ ki la neti o̩ko̩ kʼadu-we̩-i agbabʼe̩, kpʼe-abo-we̩ Israe̩l, e̩gba ku ma fʼadua che rʼo̩wo̩ uña-i, kʼe̩ la dʼugbo kʼe̩ gugu o̩mo̩ agbʼo̩, owñ chʼefojale; oñ e̩gba kʼe̩ gbo, e̩ ki tʼo̩la no̩ ñw a.

Aizaya 57:15

Todu abu kʼE̩ne̩ ki ne̩ atate̩ kʼi dodo ogbegbele̩, kʼodu-wñ ko̩ Efo̩ aka de̩ kakini: Omi gugu uña kiafo̩ ki dʼatate̩, kpai ugbo e̩ne̩ kʼe̩do̩-wñ kpabie̩ ki hi o̩la-wñ wane̩ ge̩, kʼu je̩ ñw afu e̩ne̩ ki hi o̩la-wñ wane̩ ki ruko, kʼu laño̩ je̩ ñw e̩do̩ ame̩ne̩do̩-kpabie̩ le̩ ki ruko.

Emo̩s 3:7

Ondu Jihofa ache e̩wñ du n tila, chai e̩gba kʼi mʼibe ki dʼef uwñ du biru amadu-wñ, amakache̩, eju.