Aizaya 13:21 - O̩TAKADA O̩LA O̩JO̩ 1970

²¹ Chai ame̩la oko muda adachi o̩mo̩, unyi unyi-wñ la ako̩ ñw amogugu; amobijim adodo o̩mo̩, amobuko̩ oko la alukele o̩mo̩.

Aizaya 13:21 ပူးပေါင်းရင်းမြစ်များ

O̩la E̩bite 18:2

Oñ i nʼomu ki gbo̩ka kwa kakini, I lewane̩! Babilo̩n lile le̩ lewane̩ me̩, oñ i mud ugbo kʼamebili adodo, kpʼile̩ amafu du ku ma ma de̩ hiolo n, kpʼile̩ ame̩we̩ du ku ma ma de̩ hiolo n kʼulaka-ma achʼone̩;

Aizaya 23:13

Me̩ go, ane̩ abo Kaldia! Abo-i te̩te̩do̩mo̩ n; e̩ne̩ Asiria le̩ fʼu che te̩ tod abo ku ma dodo aje̩tachi. Ma mʼodo̩go̩-ma ko dago jo̩, ma fʼunyi unyi ojima-wñ kpo̩fo̩ rinyo̩, ma mʼu du chʼalache̩ te̩.

Aizaya 32:14

Todu ma ahi unyi ojima tinyo̩, ewo kʼamone̩-wñ wewe le̩ amud achigodo; otete kpai o̩do̩go̩ ugbo ku ma dago adide achʼowo ogbegbele̩, i la achʼuyo̩ ñw amo̩ke̩ke̩te̩ efoko, kpʼokije̩ ñw ujo̩ ujo̩ ame̩wño̩re̩;

Je̩re̩maya 50:39

Todule̩ ame̩la oko kpʼamogbe-mgbem kpʼamobijim ajʼo̩mo̩; one̩ ñʼadodo o̩mo̩ gbogbo alo ge̩ n. Akwʼo̩gba nʼo̩gba-ma ma ñʼagugu o̩mo̩ n.

Maika 1:8

Todu e-le̩ oñ omi adinaku, u la akwa; nafʼe̩wñ o̩la-mi gwo̩ jʼane̩ kʼu nalo ago ofo; omi akwa dab amogbemgbem, oñ nadinaku dab amobijim.

Ze̩fanaya 2:14

Ujo̩ ujo̩ ame̩wño̩re̩ adachi jʼalumeji-wñ, owñ chʼame̩wñ iñmi chaka; utu kpʼitodobi aru jo̩ oli uro̩na-wñ; ma ajʼope ope-wñ adʼeli, alo̩na alo̩na-wñ agbe̩ te̩; todu i mʼuko̩lo̩ oli sida-wñ du tejugede.

Abo Lifai 11:16

obijim kpai aja kpai ugu o̩lʼohimini abadi kpai uche̩ uche̩ amuji du,

Aizaya 14:23

Oñ unachʼo kʼi mud unyi itodobi, kpai ite̩ ugbo oduda, uchile̩che̩ la chʼo̩wo̩ kʼu nadu gba rinyo̩, Jihofa ki nʼe̩wñ du ka-i.

Aizaya 25:2

Todu uwe̩ mʼewo du chʼugbudu, e̩ mʼewo ki nʼaku le̩ du chʼucho̩do̩; e̩ chʼunyi abo̩wo̩ ejaduña ki we echʼewo, ma ñʼadabi kʼo̩ ogbegbele̩ ge̩ n.