Aizaya 13:10 - O̩TAKADA O̩LA O̩JO̩ 1970

¹⁰ Todu awo ojale kpai ujo̩-wñ anʼugane̩ ge̩ n; olu kʼi akwane̩ odudu achubi, ochu ñʼafane̩ n.

Aizaya 13:10 ပူးပေါင်းရင်းမြစ်များ

Matiu 24:29

Oñ anubi o̩bata iko le̩ ababa olu amud e̩chubi, ochu la afane̩ n, oñ awo awo achi kwʼojale wane̩, e̩wñ ukpahiu ukpahiu efojale la amiejo.

Mark 13:24

Ama agbagba o̩jo̩ kʼa ka-i e̩gba kʼo̩bata le̩ kpoji, olu achubi, ochu afane̩ n,

Joe̩l 2:31

Olu arida e̩chubi, ochu la arida e̩bie̩, o̩gba tak o̩jo̩ lile e-Jihofa ki abailo le̩ lewa.

O̩la E̩bite 8:12

Tak onuche̩ e̩ke̩le̩ fʼo̩kakachi-wñ: oñ ma fʼukpe̩ e̩ke̩ta e-olu kpa, kpʼukpe̩ e̩ke̩ta ochu kpʼukpe̩ e̩ke̩ta awo awo; todu kʼukpe̩ e̩ke̩ta-wñ ki chubi, todu kʼukpe̩ e̩ke̩ta o̩ro̩ka ki we etejugede, kpʼodu abe̩le̩ ge̩.

Luku 21:25

Tak ujiwe ado̩mo̩ ef olu kpai ochu kpai awo; oñ ane̩-ile̩-i abo uche̩ichi ache̩kpama te̩, ma agane̩ n noj ekuku ohimini kpai akpoli-wñ;

Joe̩l 3:15

Olu kpʼochu achubi me̩, ilawo, ilawo mʼugane̩-ma du dabi tʼubi.

Aizaya 5:30

Iko kʼa ka-i ma la akwa rʼuma oji, dabe̩ne̩ kʼekuku ohimini abadi, i la che̩wñ kʼone̩ kejurʼane̩ le̩, go, e̩chubi kpʼo̩pe̩cha i che; akpa je̩ ñw ugane̩-wñ kwo chubi.

Joe̩l 2:10

Ane̩-ile̩ aga o̩gba-ma, efojale efojale agegbulu. Olu kpʼochu achubi, oñ ilawo ilawo adʼugane̩-wñ dabi.

Aizaya 24:23

Tak eju ochu aku e̩bo̩no̩, oñ anyo̩ amu olu; todu Jihofa ki nʼe̩wñ du ajʼonu-wñ oj uwo Zayo̩n kpai efu Je̩rusale̩m ojima la ate̩ eju abogijo-wñ.

Aizaya 24:21

I la awatu o̩jo̩ le̩, ku Jihofa abʼudu ñw o̩wo̩ abʼefojale ate̩, kpai amonu ile̩-i oj ane̩ ile̩-i.

E̩wñ kʼAme̩nukpuche̩ Che 2:20

Olu arida e̩chubi, ochu la arida e̩bie̩, o̩gba tak o̩jo̩ Ondu ki ñwa. Owñ chʼo̩jo̩ inaina kʼi ñʼatejugede pee le̩.

Job 9:7

kʼi añwa ñw olu, kʼi ma la akwane̩ n, kʼi la fʼilawo ilawo hiuko̩;

Ako̩la ñw Ujeju 12:2

o̩gba tak olu kpʼugane̩ kpʼochu kpʼilawo chane̩ echubi kʼomi lo̩ kʼakpa mudabiwa;

Aizaya 47:5

Chechi gugu kʼe̩ nyʼef e̩chubi, O o̩migbe̩le̩ abo Kaldia; todu ma ñʼadʼuwe̩ ko̩ odu onobule̩ ojane̩ ojane̩ ge̩ n.

Aizaya 50:3

Nakʼe̩chubi bʼo̩la efojale efojale ma, oñ nakʼe̩gbanukpo chʼe̩wñ ubʼoji-ma ma.

Emo̩s 5:20

O̩jo̩ Jihofa le̩ achʼugane̩ n chai e̩chubi, owñ achubi tabale, kʼi ma la ane̩ re n?

Nehum 1:8

I muda anʼomi ki wobi acha bʼugbo du ma kʼi chʼida uña-wñ, i ara nʼame̩nebi-wñ gbogbo nyʼef e̩chubi.

Ze̩karaya 14:6

Tak i awatu o̩jo̩ le̩, kʼugone̩ ma ade̩ n; abo ki agane̩ la afʼo̩la-ma wʼubi.