Aizaya 12:5 - O̩TAKADA O̩LA O̩JO̩ 1970

⁵ Keli do̩ Jihofa, todu i fʼe̩wñ ojima che me̩; me̩ ki je̩ ñw ma fʼe-le̩ ma ugbo du ane̩-ile̩.

Aizaya 12:5 ပူးပေါင်းရင်းမြစ်များ

Eli Eko̩ DʼO̩jo̩ 98:1

O, me̩ ki kʼeli etito̩ ñw Jihofa, todu i fʼe̩wñ aye wewe che me̩! O̩wo̩-wñ awo̩to̩ kpai ugbogbolo o̩wo̩-wñ kiafo̩ fʼujadu che todu-wñ me̩.

Akwodufu 15:1

Taku Mose̩s kpai amo̩ma Israe̩l kʼeli-i do̩ Jihofa, ma kakini, Nakeli do̩ Jihofa, todu edu i du ma; i mʼanya kpai e̩ne̩ kʼi tanʼo ko ro̩ nyʼef ohimini.

Habakuk 2:14

Todu ile̩-i ako̩ ñw ojima Jihofa ema, alu kʼomi bʼohimini abadi ma.

Aizaya 40:9

Uwe̩, Zayo̩n, uwe̩ kʼe̩ nʼakoya uche̩nyo̩ wa, mute̩gu tʼoj uwo ki gbo̩gba; uwe̩, Je̩rusale̩m, kʼe̩ nʼakoya uche̩nyo̩ ata chʼomu-we̩ nyʼate̩ taa; chi nyʼate̩ waa, e̩ ki railo n; me̩ naka ñw ewo ewo Juda kakini, Me̩ go O̩jo-me̩!

Akwodufu 15:21

Taku Miriam dohi ñw ma kakini: Me̩ keli do̩ Jihofa, todu edu i du ma i mʼanya kpai e̩ne̩ kʼi tanʼo ko ro̩ nyʼef ohimini.

O̩la E̩bite 15:3

Oñ ma nʼeli Mose̩s adu O̩jo̩ le̩ kpʼeli O̩mala ako̩, ma kakini, Uko̩lo̩-we̩ chʼelile, aye-wñ gbe̩, uwe̩ Ondu O̩jo̩ O̩dobao̩gagu! O̩na o̩na-we̩ tʼo̩kpakpa kpʼogbolo, uwe̩ Onu abo uche̩ichi du!

Eli Eko̩ DʼO̩jo̩ 105:2

Me̩ fʼeli ko̩ ñw u, me̩ keli dʼo̩, me̩ ki nʼoluka uko̩lo̩ aye-wñ chaka le̩ ache!

Eli Eko̩ DʼO̩jo̩ 72:19

Oñ odu-wñ e-ojima le̩ ki nele ogbegbele̩; ane̩-ile̩ du ki nako̩ ñw ojima-wñ! Ami kpai ami!

Aizaya 24:14

Abo-i achʼomu-ma nyʼate̩, ma akeli uyo̩; ma jʼo̩lʼohimini achʼo̩ga noj e̩gahi Jihofa.

Aizaya 42:10

Me̩ ki kʼeli etito̩ ñw Jihofa, kpai uñwulo̩-wñ kwʼukpoji ane̩ ile̩! Owñ chʼame̩ ku me̩ gwo̩ru nyʼef ohimini abadi ale, kpai e̩wñ du ki jʼef uwñ, ala ala kpai abo ku ma dodo o̩mo̩.

Aizaya 42:11

Aje̩tachi kpai ewo ewo-wñ ki nachʼomu-ma nyʼate̩, kpai adogbe adogbe ugbo ku Kedar dodo le̩; abo ku ma dodo Sela ki nakʼeli, ama ki jʼoj uwo uwo akpogu.

Aizaya 44:23

Keli, ame̩ efojale todu Jihofa che me̩; me̩ kpogu, ame̩ o̩wo̩ o̩gane̩ ile̩; me̩ mʼeli da, ame̩ uwo uwo, O efoko, kpai oli du ki jʼef uwñ! Todu Jihofa mi Jeko̩b gba tane̩ me̩, i la adʼojima ñw o̩la-wñ efu Israe̩l.

Malakai 1:11

Todu akwugbo kʼolu akwane̩ odudu gbogbo tʼugbo kʼi atunyʼane̩, odu-mi anana ef abo uche̩ichi; oñ ugbo tʼugbo du ma akʼe̩wñ ki akpo wa ñw odu-mi, kpai e̩wñ ele ki fe̩; todu odu-mi anana ef abo uche̩ichi, Jihofa ki nʼe̩wñ du ka-i.