Aizaya 12:4 - O̩TAKADA O̩LA O̩JO̩ 1970

⁴ O̩jo̩ le̩ me̩ la aka kakini: Me̩ gogbodo̩ Jihofa, me̩ kwado̩ odu-wñ; kʼe̩wñ kʼi che kpogo rʼef amone̩, me̩ ki ka dufu ka ku ma fʼodu-wñ hi tʼatate̩ me̩.

Aizaya 12:4 ပူးပေါင်းရင်းမြစ်များ

1 Iko Iko E̩wñ 16:8

O me̩ gogbodo̩ Jihofa, me̩ kwadʼodu-wñ, me̩ je̩ ñw amone̩ ma e̩wñ kʼi ache!

1 Iko Iko E̩wñ 29:11

Uwe̩, O Jihofa nʼunana-wñ kpʼukpahiu-wñ kpʼojima-wñ kpʼugbiñmi-wñ, kpʼe̩gahi-wñ inaina, todu uwe̩, ne̩ e̩wñ du ki jʼefojale kpʼane̩-ile̩; o̩da ojane̩-wñ uwe̩ ne̩, O Jihofa, oñ uwe̩ dʼatate̩ ñw e̩wñ du kʼe̩ chʼoji.

Nihe̩maya 9:5

Tak abo Lifai le̩. Je̩shua kpai Kadmie̩l kpai Bani kpai Hashabneya kpai She̩re̩baya kpai Hodaya kpai She̩banaya kpai Petahaya, kakini, Kwane̩ ku me̩ keli Jihofa kʼi chʼO̩jo-me̩ kwo ogbegbe-le̩ nyʼogbegbele̩; ama ki kele odu-we̩ e-ojima ki dʼatate̩ ñw ele eka du kpai uñwulo̩.

Eli Eko̩ DʼO̩jo̩ 105:1

O me̩ gogbodo̩ Jihofa, me̩ kwadʼodu-wñ, me̩ ki je̩ ñw e̩wñ kʼi che ki tejugede ef amone̩!

Eli Eko̩ DʼO̩jo̩ 107:22

Ama ki la chʼiche̩bo̩ ugwa ñw u, ku ma nʼeli uyo̩ eko̩ dʼuko̩lo̩-wñ kpogo!

Eli Eko̩ DʼO̩jo̩ 113:5

E̩ne̩ dabu Jihofa O̩jo̩-wa, kʼi dʼugugu-wñ tʼatate̩?

Eli Eko̩ DʼO̩jo̩ 148:13

Ama le̩ ki je̩nyu odu Jihofa, todu odu-wñ kate tʼo̩gba atate̩; ojima-wñ la dʼatate̩ ñw ane̩-ile̩ kpai efojale.

Eli Eko̩ DʼO̩jo̩ 18:46

Jihofa deju; okuta-mi ki nʼele, ama ki hi O̩jo̩ e-ujadu-mi ne,

Eli Eko̩ DʼO̩jo̩ 21:13

Uwe̩ ki hi o̩la-we̩ ne ef ukpahiu-we̩, O Jihofa! abe̩le̩ oñ awa akeli, a la akeli do̩ ukpahiu-we̩.

Eli Eko̩ DʼO̩jo̩ 22:31

ama le̩ awa dʼo̩kpakpa-wñ kpogo ñw amone̩ ku ma ma bi ta n, ka kʼi fʼu che me̩.

Eli Eko̩ DʼO̩jo̩ 34:3

O ame̩ ki bʼumi je̩ ñw Jihofa kʼi nana nyo̩gba, kʼa ki kpe̩re̩ adʼodu-wñ nʼoji ago!

Eli Eko̩ DʼO̩jo̩ 40:5

O Jihofa O̩jo̩-mi, uwe̩ je̩ ñw uko̩lo̩-we̩ ki fiteju kpai ibe-wa kʼe̩ kpe̩ ki nana nyʼo̩gba; i jʼacholi jo̩ ñw e̩ n! U ma dʼu kadufu, kʼu ma dʼu chʼoluka, i ma tʼekaluka le.

Eli Eko̩ DʼO̩jo̩ 46:10

We ta, ku me̩ ki ma ka kʼomi chʼO̩jo̩ Ma ahiʼumi ne ef abo uche̩ichi pio̩o̩, ma ahiʼumi ne ane̩-ile̩!

Eli Eko̩ DʼO̩jo̩ 57:5

O O̩jo̩, uwe̩ ki dʼatate̩ ñw efojale! ojima-we̩ ki dʼatate̩ ñw ane̩ ile̩ chaka!

Eli Eko̩ DʼO̩jo̩ 68:5

O̩jo̩ kʼi gugu ef unyi ugugu-wñ ki-afo̩ le̩ chʼata abo ku ma ma nʼata n kpai e̩ne̩ ki akpʼoji ajo̩ amo̩yaukuo̩ko̩.

Eli Eko̩ DʼO̩jo̩ 73:28

I muda che̩nyo̩ ñw mi kʼu te̩me̩ru O̩jo̩; u mʼOndu Jihofa du chʼokoubi-mi, todu kʼu dʼuko̩lo̩ du kʼe̩ che ka dufu.

Eli Eko̩ DʼO̩jo̩ 9:11

Me̩ ki keli do̩ Jihofa ki dodo Zayo̩n! Dʼe̩wñ kʼi che kpogo ñw amone̩ du!

Eli Eko̩ DʼO̩jo̩ 96:3

Dʼojima-wñ ka dufu ef abo uche̩ichi, uko̩lo̩ aye-wñ ef amone̩ amone̩ du!

Eli Eko̩ DʼO̩jo̩ 97:9

Todu uwe̩, Jihofa, chʼỌmachala atate̩ ñw ane̩ ile̩ du; ma hi uwe̩ dago tʼatate̩ tʼamo̩jo̩ chaka le̩ o̩lolololo.

Akwodufu 15:2

Jihofa che ukpahiu-mi kpai eli-mi, i laño̩ mud ujadu-mi me; O̩jo̩-mi de̩, oñ nañwulo̩-wñ, O̩jo̩ e-ata-mi i che, oñ nahi u ne tʼatate̩.

Akwodufu 33:19

Tak i kakini, Naje̩ ñw e̩nyo̩-mi chaka ki lale o̩gba-we̩, oñ nafʼodu-mi, Jihofa, do̩ o̩gba-we̩; omi la achʼufe̩de̩nyo̩ ñw e̩ne̩ ki du mi e̩do̩ kʼu chʼufe̩de̩nyo̩ ñw u, u la ali ejumomi e̩ne̩ ki du mi e̩do̩ kʼu nali ejumomi-wñ.

Aizaya 12:1

O̩jo̩ le̩ uwe̩ aka kakini: Nagogbodʼuwe̩, O Jihofa, todu dagba e̩ te̩tawe̩do̩rʼumi, uwe̩do̩-we̩ murida me̩, oñ uwe̩ anyʼumi e̩do̩-i.

Aizaya 2:11

Ma ahi eju eke e-one̩ wane̩, oñ ma adʼeñwo̩ kʼamone̩ añwo̩ oji lo; Jihofa kate la achʼe̩ne̩ kʼi adʼatate̩ o̩jo̩ kʼa ka-i.

Aizaya 2:17

Tak ehine e-one̩ adʼoji lo̩, ma la ahi eke e-amone̩ wane̩; oñ Jihofa kate chʼe̩ne̩ kʼi adʼatate̩ o̩jo̩ kʼa ka-i.

Aizaya 24:15

Todule̩, me̩ nadʼojima ñw Jihofa o̩wo̩ olodudu; owñ chʼodu Jihofa, O̩jo̩ Israe̩l le̩, oj ane̩ o̩lʼohimini.

Aizaya 25:1

O, Jihofa, uwe̩ chʼO̩jo̩-mi; nahiʼuwe̩ ne, nagogbodʼodu-we̩; todu uwe̩ fʼe̩wñ awuwu che me̩, ibe kʼe̩ ñwa igbelegbeʼe chʼokpoko kpai ochochi.

Aizaya 26:8

Jihofa, awa te̩tejʼej o̩na ugbo kʼuwe̩ akpʼoji o̩la anede we̩; odu-we̩ kpai urewa-we̩ chʼe̩wñ kʼonugo-wa añeju-wñ-i.

Aizaya 33:5

Ma fu Jihofa hi ne me̩, todu i gugu atate̩; i je̩ ñw Zayo̩n che̩ko̩ ñw ajo̩ o̩kpakpa eka kpai e̩wñ o̩kpakpa eche;

Aizaya 42:12

Ama ki dʼojima ñw Jihofa, ku ma dʼuñwulo̩-wñ ka dufu ala ala.

Aizaya 48:20

Kwo bi Babilo̩n te̩, ra bʼabo Kaldia te̩, me̩ nʼomu eli akadufu, mʼe-i du ka, ka gbogbo tʼukpoji ane̩-ile̩; me̩ ka kakini, Jihofa mʼadu-wñ, Jeko̩b, gbatane̩ me̩.

Aizaya 66:19

tak u nadʼujiwe dago efu-ma. Oñ nakʼabo-ma ku ma fʼo̩wo̩ tane̩ kpuche̩ rʼabo uche̩ichi, nyi Tarshish kpai Pul kpai Lud ku ma tʼo̩fa, kpai Tubal kpai Jafan, tʼugbo ala ala ki jʼo̩najiji, kʼama ma gbʼuwohi-mi n, ku ma ma la li ojima-mi n; tak abo le̩ adʼojima-mi ka dufu ef abo uche̩ichi.

Je̩re̩maya 50:2

Me̩ ka dufu ef abo uche̩ichi uche̩ichi, ku me̩ mʼu du kpogo, me̩ mʼagaliga-wñ du dago me̩ mʼu du kpogo, me̩ ki dʼu maja n, ka ku: Ma fu Babilo̩n du me̩, anyo̩ fu Be̩l mu, e̩do̩ Me̩rodak muda kpu. Anyo̩ fʼojibo-wñ, ojibo-wñ mu, e̩do̩ ode-wñ muda kpu me̩.

Malakai 1:11

Todu akwugbo kʼolu akwane̩ odudu gbogbo tʼugbo kʼi atunyʼane̩, odu-mi anana ef abo uche̩ichi; oñ ugbo tʼugbo du ma akʼe̩wñ ki akpo wa ñw odu-mi, kpai e̩wñ ele ki fe̩; todu odu-mi anana ef abo uche̩ichi, Jihofa ki nʼe̩wñ du ka-i.

Jo̩n 17:26

U la je̩ ñwu ma mʼodu-we̩, naño̩ je̩ ñwu ma ma ge̩; todu kʼufe̩do̩ e-kʼe̩ ne̩ fe̩do̩ mi ki nadʼef uma, kʼomi kʼu la dʼef uma ge̩.