Aizaya 11:2 - O̩TAKADA O̩LA O̩JO̩ 1970

² Tak Afu Jihofa awʼoji-wñ añmi, owñ chʼAfu ibe kpʼe-e̩wñ emʼoji-wñ, Afu ohio̩la kpai e-ukpahiu, Afu e̩wñ ema kpai e-ailo Jihofa era.

Aizaya 11:2 ပူးပေါင်းရင်းမြစ်များ

Aizaya 61:1

Afu Ondu Jihofa dʼo̩la-mi, todabu ki Jihofa fʼekpo ba tʼumi oji kʼu fʼakoya uche̩nyo̩ ta ñw ame̩na-mi; i kpʼumi uche̩ wa kʼu fʼo̩ga abo kʼe̩do̩-ma kpabie̩ che kpa, kʼu ka ñw ame̩namu kakini, Ame̩ nʼo̩la-me̩-oo! kʼu ka ñw abo ku ma ji ma jo̩ kakini, O̩na unyuga mubi me̩;

Jo̩n 16:13

Ama e̩gba du kʼe̩ne̩ kʼu ka le̩ lewa, owñ chʼAfu e-ochochi, i adʼume̩ mʼo̩na ochochi chaka; todu i agʼe̩do̩la-wñ ako̩la n, chai e̩wñ du kʼi agbo̩ oñ i aka; e̩wñ ki awa i ñʼadu ka ñwu me̩ ge̩.

2 Timoti 1:7

Todu O̩jo̩ dʼafu e-okpo ñw a n; chai e-ukpahiu kpʼe-ufydo̩ kpʼe-ibe ewane̩.

Aizaya 42:1

Go adu-mi, e-kʼu nagbʼo̩ ne̩ dago, e̩ne̩ kʼu chi kʼonugo-mi nʼuyo̩ ef uwñ le̩ de̩; omi dʼAfu-mi bʼo ma, i adʼajo̩ o̩kpakpa eka dufu ñw abo uche̩ichi.

Matiu 3:16

Oñ abu kʼi fʼiJisus che baptism, ababale̩ i mute̩gu kwef omi; me̩ la go, efojale muchite̩, oñ i li Afu O̩jo̩ abu kʼi agwo̩ru awa dab ikede, kʼi la awʼoji-wñ.

Jo̩n 3:34

Todu e̩ne̩ kʼO̩jo̩ kpuche̩ wa aka o̩la kʼO̩jo̩ ka; todu i adu Afu le̩ chele e̩ñwa-e̩ñwa n.

Jo̩n 14:17

Owñ chʼAfu e-ochochi e-kʼile̩-i ma neke gba n; todabu kʼi ma ali n, kʼi ma la amʼo̩ n; ame̩ chemʼo̩; todabu kʼi gugu ugbo me̩, kʼi la adʼef ume̩ ge̩.

Aizaya 48:16

Me̩ te̩me̩rʼumi, me̩ gbʼe-i ke: u te̩tako̩la umaja kwʼejodudu n, akwʼe̩gba ki wate̩ omi dʼane̩ o̩mo̩. Fai Ondu Jihofa kpʼAfu-wñ la fʼumi kpuche̩ wa.

1 Abo Ko̩rint 1:30

Owñ la chʼe̩te̩-me̩ efu Kraisti Jisusi kʼi mud ofili ñw wa kwugbo O̩jo̩, tʼo̩kpakpa tʼefo̩, tʼula-one̩-tane̩:

Aizaya 59:21

I la chʼe-mi, alo kʼu nakpe̩ kpʼama de̩, Jihofa ka-i: Afu-mi kʼi bʼuwe̩ ma le̩ kpai o̩la-mi kʼu du tʼuwe̩ alu anʼuda alu-we̩ n, kpai alu ugbe̩-we̩ n, kpai alu ugbe̩ ugbe̩-we̩ n, akwʼe̩gba-i tʼogbegbele̩, Jihofa ka-i.

O̩lo̩da Eduwa Onukeji 34:9

Jo̩shua o̩ma Nun la che̩ko̩ ñw Afu e-ibe; todu Mose̩s mʼo̩wo̩-wñ ko nʼo oji; abe̩le̩ amo̩ma Israe̩l ne̩tirʼo̩la-wñ, oñ ma che alu ki Jihofa ñwa ñwu Mose̩s.

E̩wñ kʼAme̩nukpuche̩ Che 10:38

alu kʼO̩jo̩ bʼAfu Kiafo̩ kpʼukpahiu ti Jisus abo Nazare̩t le̩ oji, kʼowñ la nyʼugbo du achuko̩lo̩ e̩nyo̩, kʼi laño̩ fʼo̩ga abo du kʼAbulumone̩ tʼuma ma chekpa, todu kʼO̩jo̩ dʼubi-wñ.

Jo̩n 15:26

Ama e̩gba du kʼE̩nugbe̩do̩ le̩ lewa, owñ chʼe-kʼu nakpe̩ kwʼugbo Ata wʼugbo me̩, Afu e-ochochi e-ki akwʼugbo Ata dufu, e̩ne̩ le̩ agba mi ibenu.

O̩la E̩bite 1:4

Jo̩n tʼugbo ujeju ujeju abudo̩ Ondu mebie ki jʼojane̩ Esia: Ufe̩de̩nyo̩ kpʼure̩do̩ ki kwʼugbo e̩ne̩ kʼi do̩mo̩ abajo̩-i, kʼi la do̩mo̩ akwoubi, kʼi ñʼawa ge̩, kʼi do̩mo̩ ñw me̩, kpai kwʼugbo amAfu mebie ku ma jʼo̩gba ede-wñ,

Akwodufu 28:3

Uwe̩ ki ka ñw abo du ku ma nʼibe efu, e-kʼomi mʼafu e-ibe du tʼuma efu e̩ko̩, kʼama ki fʼe̩wñ o̩la Aro̩n ga, ku ma je̩ ñw u ki nafo̩, todu kʼi chʼatama kʼi ache e̩wñ ñwu mi.

Eli Eko̩ DʼO̩jo̩ 72:2

O̩wñ anʼo̩kpakpa kpʼoj ajo̩ amone̩-we̩, i la akpʼoji ajo̩ abo-we̩ ku ma chʼame̩no̩bata!

Aizaya 9:6

Todu ma fʼo̩ma bi ñw a, ma la mʼo̩me̩ne̩ke̩le̩ du ñw a; o̩da du ajʼojika-wñ, ma la adʼodu-wñ ko̩ Awuwu, E̩no̩hiala, O̩jo̩ ki gbiti, Ata o̩gbegbele̩ le̩, Onu Ure̩do̩.

Aizaya 28:6

i ñʼamud afu ajo̩ o̩kpakpa eka ñw e̩ne̩ ki gugu akajo̩, kpai ukpahiu ñw abo ku ma rʼogu da bʼalaku te̩.

Aizaya 32:15

gbogbo taku ma dʼAfu danyʼuwa oji kwʼate̩, kʼaje̩tachi la mud ane̩ uro̩je̩, oñ ane̩ uro̩je̩ dab efoko eju-ma.

Ze̩karaya 4:6

Tak i dohi ka ñwu mi kakini, O̩la Jihofa ki awʼugbo Zerubabe̩l le̩ de̩, kakini, I lʼugbo ugbiti n, i la lʼugbo ukpahiu n, chai lʼugbo Afu-mi, Jihofa ki nʼe̩wñ du ka-i.

2 Samiue̩l 23:3

O̩jo̩ e-Israe̩l ka ñw mi, Okuta Israe̩l kakini, E̩ne̩ ki nʼo̩da amone̩ kʼi chʼe̩no̩kpakpa, anʼo̩da-wñ lef e̩gahi O̩jo̩ kʼi abu.