Aizaya 11:11 - O̩TAKADA O̩LA O̩JO̩ 1970

¹¹ Tak i awache iko le̩ kʼOndu adʼo̩wo̩-wñ tʼo̩ onukeji kʼi fʼe̩bobo̩ amone̩-wñ la ñw o̩la-wñ, owñ chʼabo ku ma bo̩bo̩ kwʼAsiria kpai Ijipti kpai Patro̩s kpai Kush kpai Elam kpai Shainar kpai Hemat kpai ala ala ohimini abadi.

Aizaya 11:11 ပူးပေါင်းရင်းမြစ်များ

Maika 7:12

Iko le̩ ma akwo Asiria gbogbo wʼewo ewo Ijipti wʼugbo we̩, kpʼakwo Ijipti gbogbo wa ohimini le̩, kpʼakwo ohimini abadi tʼohimini abadi, kpʼakwo uwo kad uwo.

Abo Rom 11:26

tak abe̩le̩ ma ajadu abo Israe̩l chaka alu ku ma ko̩tane̩ kakini, Agbone̩ le̩ akwefu Zayo̩n wa, owñ arʼeko̩ ekpe̩do̩rʼO̩jo̩ da bi Jeko̩b te̩;

Aizaya 10:20

Oñ i awatu iko le̩, kʼe̩bo̩bo̩ abo Israe̩l kpai abo unyi Jeko̩b ku ma fʼuma o̩wo̩ tane̩, ma ñʼadabi lo̩nʼe̩ne̩ ki gwo ma le̩ ge̩ n, ma muda alo̩no Jihofa, E̩ne̩ Kiafo̩ e-Israe̩l le̩, ochochi.

Hosiya 11:11

ma achi kwo Ijipti wa kpʼo̩la ega dab ame̩we̩, ma la akwo oj ane̩ Asiria wa dab ikede; tak omi aje̩ ñw ma gugu ef unyi unyi e-ma, Jihofa aka-i.

Aizaya 66:19

tak u nadʼujiwe dago efu-ma. Oñ nakʼabo-ma ku ma fʼo̩wo̩ tane̩ kpuche̩ rʼabo uche̩ichi, nyi Tarshish kpai Pul kpai Lud ku ma tʼo̩fa, kpai Tubal kpai Jafan, tʼugbo ala ala ki jʼo̩najiji, kʼama ma gbʼuwohi-mi n, ku ma ma la li ojima-mi n; tak abo le̩ adʼojima-mi ka dufu ef abo uche̩ichi.

Aizaya 42:4

Ejuduu achʼo n, e̩do̩-wñ akpabie̩ n gbogbo tak i mʼajo̩ o̩kpakpa eka du dago ane̩ ile̩; ala ala aneju uko̩-o̩la-wñ.

Aizaya 24:15

Todule̩, me̩ nadʼojima ñw Jihofa o̩wo̩ olodudu; owñ chʼodu Jihofa, O̩jo̩ Israe̩l le̩, oj ane̩ o̩lʼohimini.

Aizaya 10:9

Kalno dabu Karkemish in? Hamat dabu Arpad in? Samaria dabu Damaskus in?

Abakwane̩ 11:2

Tak i lewatu abu ku ma mʼunyabo chi kwʼo̩wo̩ olodudu awa, kʼama fʼegbili li ane̩ Shainar taku ma kwojo̩ o̩mo̩.

Abakwane̩ 10:22

Amo̩ma e̩ne̩ke̩le̩ She̩m che: Elam, kpai Ashur, kpai Arpaksad, kpai Lud, kpai Aram.

Abakwane̩ 10:10

Uchane̩ ojane̩-wñ la che Bebe̩l, kpai E̩re̩k, kpai Akad, kpai Kalne̩ ojane̩ Shainar.

2 Abo Ko̩rint 3:16

Ama e̩gba du kʼi arida tugbo Ondu ma mʼe-le̩ du bʼo̩ te̩.

Abo Rom 11:15

Todu iche̩wñ kʼeko ma rinyo̩ chʼuño̩ru ñw abo ile̩, emʼuma gba fa ki ma chʼiñmi kwef abo ki ku n?

Ze̩karaya 9:2

kpai He̩mat, ki te̩ kadʼo ge̩, Taya kpai Saido̩n, todabu ku ma chenʼibe ololo.

Ze̩karaya 5:11

Oñ i ka ñwu mi kakini, Ma anyʼane̩ Shaina, ku ma fʼunyi ko̩ ñw u o̩mo̩; tak e̩gba ku ma dʼu nyane̩, ma ahiʼu gugu uña-wñ onugo o̩mo̩.

Ze̩fanaya 2:11

Jihofa achʼe̩wñ ubailo ñw ma; todu owñ aje̩ ñw elu amo̩jo̩ ane̩ ile̩-i du ki muda, tak ala ala abo uche̩ichi du adojikane̩ ñw u, e̩ne̩ne̩ne̩ne̩-ma ache e̩gu-wñ.

Hosiya 1:11

Taku ma akʼamo̩ma Juda kpʼamo̩ma Israe̩l wa jʼugbokate, oñ ma achi e̩ne̩ ka kʼi chʼagboji-ma; taku ma akwo bʼojane̩ le̩ te̩, todu iko Je̩zree̩l le̩ atabale.

Danie̩l 11:18

Ubi le̩ tak i arʼeju-wñ da tʼo̩wo̩ ane̩ o̩lomi, oñ i agba ane̩ ane̩ o̩lomi le̩ wewe. Agbojiʼka muda afʼoli nʼina-wñ kʼi abu le̩; anoji e-le̩ i aje̩ ñw ina kʼi abu le̩ ki mudabi abʼo oji-wñ onugo ma.

Danie̩l 8:2

Oñ u fʼe̩wñ li ef ane̩ ego le̩; oñ e̩gba kʼu li, u dʼef unyi onu Shushan, owñ chʼe-ki dʼane̩ Elam; oñ u li ef ane̩ ego le̩, u la dʼo̩la ohimini Ulai.

Izikie̩l 30:14

Tak u nache ku Patros ki chihi rinyo̩, oñ nakʼuna Zoan, u la ache e̩wñ kʼoji ajo̩-mi ka abi No ma.

Izikie̩l 27:6

Ma mʼok e-Be̩shan du chʼoche-we̩; ma nʼoli bo̩ks ku ma kʼe̩nyi adagba chʼo̩ñwe̩ nyʼu kwo ala Saipro̩s wa che agbada o̩ko̩.

Je̩re̩maya 49:23

E-Damaskus de̩. Ibe Hamat mudajugu me̩, kpʼe-Arpad, todu ama gbʼinabali e̩bie̩ne̩; ma muya rinyo̩, ejiji eda dʼej ohimini abadi i neke ñmi n.

Je̩re̩maya 44:1

O̩la amaJu du ku ma gugu oj ane̩ Ijipti, ku ma gugu Migdol kpai Tapanhe̩s kpai Me̩mfis kpai oj ane̩ Patro̩s ki lewʼugbo Je̩re̩maya le̩ de̩, kakini,

Je̩re̩maya 31:10

O abo uche̩ichi uche̩ichi, me̩ gbʼo̩la Jihofa, ku me̩ mʼu du ka ane̩ o̩lʼomi o̩najiji; kakini, E̩ne̩ ki fʼabo Israe̩l kpatuka año̩ yajo̩ ge̩, i ade alu kʼadidala ade ujo̩-wñ.

Je̩re̩maya 25:25

kpʼamonu Zimri du kpʼamonu Elam du kpʼamonu Me̩dia chaka;

Aizaya 45:14

Abu ki Jihofa ka de̩ kakini: Akanya uko̩lo̩ kʼabo Ijipti che kpai e̩wñ aja abo Itiopia, kpai abo Sabean, abo ku ma chʼamakachi le̩, adaba wʼugbo we̩, oñ uwe̩ ane̩ ma, ama atʼuwe̩ ubi; igbaligba adʼo̩wo̩-ma kpai e̩re̩-ma oñ ma adaba wa, ma la afʼeju bʼane̩ ma ñw e̩, ma la agbo̩ko̩bʼe̩ kakini: Ochochi, O̩jo̩ dʼubi-we̩, i la nʼomune̩ du n, O̩jo̩ omune̩ du do̩mo̩ n.

Aizaya 42:12

Ama ki dʼojima ñw Jihofa, ku ma dʼuñwulo̩-wñ ka dufu ala ala.

Aizaya 42:10

Me̩ ki kʼeli etito̩ ñw Jihofa, kpai uñwulo̩-wñ kwʼukpoji ane̩ ile̩! Owñ chʼame̩ ku me̩ gwo̩ru nyʼef ohimini abadi ale, kpai e̩wñ du ki jʼef uwñ, ala ala kpai abo ku ma dodo o̩mo̩.

Aizaya 11:16

Tak ikpadala ade̩ tod abo-wñ ku ma bo̩bo̩ ku ma kwo Asiria wa, alu ki de̩ ñw abo Israe̩l iko ku ma kwʼane̩ Ijipti te̩gu wa le̩.

Eli Eko̩ DʼO̩jo̩ 68:22

Ondu kakini, Naño̩ ko ma dabi kwo Beshan wa, nako ma dabi kwʼunefu ohimini abadi wa ge̩,

Abakwane̩ 14:1

Oñ i lewatu adiko Amrafe̩l onu Shainar, Ario̩k onu E̩laser, Chedo̩rlaome̩r onu Elam, kpai Taidal onu Goim,

E̩sta 10:1

Oñ onu Ahasurus fʼe̩wñ ire̩ bu ñw abo ile̩ kpai abo oj e̩da e̩da ohimini.

Aizaya 1:9

Jihofa ki nʼe̩wñ du le̩ ma tʼabubo one̩ no̩ ñw a re n, awa ma dabu So̩do̩m, awa ma biu Go̩mo̩ra.

Aizaya 19:21

Taku Jihofa aje̩ ñw abo ijipti ki fʼowñ ma, oñ abo Ijipti la ama Jihofa o̩jo̩ kʼa ka-i; ochochi, ma anʼe̩wñ iche̩bo̩ kpai e̩wñ ele wa adojikane̩ ñw u, ma la adoji ñw Jihofa, taku ma ache.

Aizaya 19:22

Jihofa la agwo Ijipti, egwo i agwʼo, tak i akpʼagbe-wñ. Ma la adabi wa ñw Jihofa, oñ i anetirʼo̩ko̩ ku ma gbabʼo̩, tak i achʼo̩ga-ma kpa.

Aizaya 37:31

Tak abubo̩ abo Juda ku ma fu tane̩ ñʼatʼili nyʼane̩, ma la aro e̩ro tʼate̩;

Izikie̩l 29:14

tak u narʼamu Ijipti da, oñ naje̩ ñwu ma mudabi tʼojane̩ Patros, owñ chʼoj ane̩ e̩te̩-ma, taku ma achʼojane̩ ki chʼo̩wo̩ wane̩ jʼo̩mo̩.

Izikie̩l 32:24

O̩mo̩ Elam de̩, oñ o̩wo̩ one̩-wñ chaka donyʼojinoji-wñ daka jo̩; abo ku ma kpa ma ma che chaka, ma wane̩ alu o̩kwo̩chageli, ma nʼe̩pi odukulu-ma gwo̩ru nyʼugbo ki chʼo̩gane̩ ane̩-ile̩-i, owñ chʼabo ku ma je̩ ñw ailo-ma ba one̩ oj ane̩ abo ku ma deju. Anyo̩ la mu ma manyʼabo ku ma gwo̩ru nyʼef o̩lo̩ulu.

Izikie̩l 38:8

E̩ jʼo̩jo̩ wewe taku ma awa fejudʼe̩: iko o̩do̩ e-otitala uwe̩ agudu tʼoj ane̩ ku ma bʼo̩kwo̩chageli gba, ku ma ya kwʼef amone̩ amone̩ wewe jo̩, oj uwo uwo Israe̩l, ki te̩te̩chʼegbili e̩lanyi kpʼokuta; ku ma muda du kwef amone̩ amone̩ wa, taku ma adodo jo̩ to̩ko̩o̩, o̩chaka-ma.

Danie̩l 1:2

Tak Ondu mu Jiho̩yakim, onu Juda, du tʼowñ o̩wo̩ manyʼe̩wñ eku unyi O̩jo̩ iche̩ka; oñ i mʼu ño̩ nyʼane̩ Shainar tʼunyi o̩jo̩ e-wñ; tak i mʼe̩wñ eku le̩ ko nyʼunyi e̩wñ akoko o̩jo̩-wñ.

Abakwane̩ 2:13

Odu ohimini ekeji la ko̩ Giho̩n: e-le̩ chʼe-ki ale ane̩ Kush du daka.

O̩lo̩da Eduwa Onukeji 9:29

Todu amone̩ e-we̩ kpai e̩wñ ogu e-we̩ ma che, e-kʼuwe̩ nʼo̩wo̩ e̩gbiti kpai o̩wo̩-we̩ ki nadala te̩ ko ma dufu wa-i.

2 Amonu 17:24

Tak onu Asiria kʼamone̩ kwo Babilo̩n wa, kpai kwo Kuta, kpai kwo Afa, kpai kwo Hemat, kpai Se̩farfe wa, oñ i mʼuma ko jʼef ewo ewo Samaria koji amo̩ma Israe̩l; tak ama gbʼane̩ Samaria nyʼo̩wo̩, oñ ma kwododo ef ewo ewo-wñ.

Aizaya 21:2

Ma dʼane̩ ego ki gbiti ka ñw mi; e̩ne̩ ki dʼo̩wo̩ tef ukpo arʼo̩kpo̩ chʼe̩wñ o̩gwo̩ me̩, akpa e̩wñ bie̩ do̩mo̩ akpa e̩wñ bie̩. O Elam, mute̩gu alo ke, O Me̩dia, kpala nyʼuma; ifi-wñ du kʼi afi naje̩ ñw u we.

Aizaya 22:6

Elam la ne̩ ahiagba-wñ manyʼokogu kʼone̩ che̩ko̩ uwñ kpai amanʼanya, Kir la roʼe̩wñ ko bʼeju ugbe̩yo̩ te̩ me̩.

Aizaya 49:12

Go, abo-i akwʼo̩najiji wa, e̩ la go, abo-i akwo o̩wo̩ o̩pata ate̩ kpai o̩wo̩ olane̩, abo-i la akwo ane̩ Sainim wa.

Hosiya 11:10

Ama alule̩ atu Jihofa ubi, owñ akwa dab idu; todu enuka kʼi anuka, tak abimo̩to̩ anʼo̩la ega akwo o̩wo̩ olane̩ wa;

Ze̩karaya 8:7

Abu ki Jihofa ki nʼe̩wñ du aka de̩ kakini, Go, najadu abo-mi kwo ane̩ olodudu kpai akwo ane̩ o̩wo̩ olane̩;