Aizaya 10:1 - O̩TAKADA O̩LA O̩JO̩ 1970

¹ Atogwo chʼe-abo ku ma dʼo̩da ibe̩te̩ wane̩! kpai amako̩takada ku ma fʼe̩wñ akanya kʼone̩ ki che ko̩,

Aizaya 10:1 ပူးပေါင်းရင်းမြစ်များ

Luku 11:52

Atogwo ki chʼe-me̩, amam oli-o̩lo̩da! todabu kʼame̩ mʼigede uma-e̩wñ du: ame̩ onugo la gudu tʼejefu n, oñ me̩ fʼo̩na kpanyʼabo ku ma jʼagudu.

Matiu 23:23

Atogwo ñw ame̩, amako̩takada kpai amaFarisi, ame̩nayechi! todabu ku me̩ fʼache̩fa kpai aulu kpai aiñmili kpe̩ rʼe̩gwa, oñ me̩ mʼojiʼka-wñ ko ñw Ondu; me̩ la tʼe̩wñ o̩lo̩da ki woji no̩ tinyo̩, owñ chʼajo̩ o̩kpakpa eka kpai ejumomi eli kpai e̩do̩ ekono. I muda dukpe̩ ku me̩ chʼe̩wñ-i tila, ku me̩ la we etʼe-kibo̩ le̩ no̩ tinyo̩.

Jo̩n 19:6

Todule̩ e̩gba kʼamagboji amatama kpai abimo̩to̩ le̩ fʼowñ li ma kpogu kakini, Me̩ mʼu du kamoli! me̩ mʼu du kamoli! Pailat ka ñwu ma kakini, Ame̩ ki mʼowñ du ku me̩ du kamoli, todu omi li o̩la du kʼi fe̩ n.

Jo̩n 9:22

Abo ku ma bi owñ kʼo̩la kide̩ todabu ku ma railo amaJu; todu amaJu fʼalu jo̩ me̩ kakini, Iche̩wñ kʼe̩ne̩ du gbalu ka kʼowñ le̩ che Kraist, a mʼu du tinyo̩ bʼujeju te̩.

Habakuk 2:6

Abo-i du akpʼita rʼo̩ oji n? ku ma achʼo uke̩ kakini, Atogwo ki chʼe-e̩ne̩ kʼi agba e̩wñ ki ma chʼe-wñ n jo̩!— gbogbo nyʼe̩gba ke?— kpai e̩ne̩ kʼi agbʼe̩wñ tʼofe o̩ko̩ nʼo oji te̩!

Aizaya 5:8

Atogwo! ñw abo ku ma kʼunyi kad omune̩, kʼuche̩-ma te̩ kad omune̩, gbogbo tak uña ño̩ de̩ ge̩ n, kʼame̩ kate ki dodo alumeji ane̩-i.

O̩takada ki kwʼo̩wo̩ Jud 1:11

Atogwo ñwu ma! Todabu ku ma mʼo̩na Ken du, ma laño̩ mʼo̩la-ma darʼef ila Belam ku ma rʼo̩me̩ ñwu ma, oñ ma lenyo̩ rʼef iñwa Ko̩ra.

Matiu 26:24

O̩ma One̩ alo chuu, alu ku ma ko̩ o̩la-wñ tane̩. Ama atogwo ñw e̩ne̩ ku ma adʼO̩ma One̩ ñw amone̩ mu lef uwñ le̩! Ma ma bi e̩ne̩ le̩ n, i ma chʼo̩me̩me̩le̩ ñw u.

Matiu 23:29

Atogwo ñw ame̩, amako̩takada kpai amaFarisi, ame̩nayechi! todabu ku me̩ fʼojinoji amakache̩ ko̩, me̩ laño̩ fʼoji abo o̩kpakpa ñwo̩che jo̩;

Matiu 23:27

Atogwo ñw ame̩, amako̩takada kpai amaFarisi, ame̩nayechi! todabu ku me̩ chebiu oji ku ma dʼafu kuru, e-kʼej o̩do̩da-wñ chʼalifia ego kʼej ef uwñ muda kpe̩ko̩ ñw achiku abo ki ku kpai e̩wñ iwa du.

Habakuk 2:12

Atogwo chʼe-e̩ne̩ kʼi nʼe̩bie̩ akʼunyi, kʼi nʼuji fʼe̩re̩ ewo lonyane̩!

Habakuk 2:9

Atogwo ki chʼe-e̩ne̩ kʼi ajʼile e̩bie̩ne̩ ñw abunyi-wñ, todu kʼi dʼunyi-wñ gugu atate̩, kʼi gbʼo̩ bʼo̩wo̩ e̩wñ e̩bie̩ne̩ te̩!

Maika 6:16

Todu ma fʼe̩wñ uhio̩me̩ O̩mri de me̩, kpʼuko̩lo̩ abo unyi Ehab chaka; e̩ la lule̩ tʼikpa alu ku ma ka; todu kʼu dʼuwe̩ chʼe̩wñ ugoju, kpʼabo ku ma dodo ef uwñ ki mud e̩wñ ku ma agwʼo̩ iñmo je̩; todule̩ ame̩ la ane̩ ina ku ma bʼabo-mi.

Matiu 11:21

Atogwo ñw e̩, Ko̩raisin! Atogwo ñw e̩, Be̩tsaida! Todu, iche̩wñ kʼuko̩lo̩ ukpahiu kʼi wache ef ume̩ ma che Taya kpai Saido̩n, ma ma kʼukpo eku kpʼelulu nyʼo̩la ku ma ma ribeda kpo̩kpe̩ me̩.

Habakuk 2:19

Atogwo ki chʼe-e̩ne̩ ki aka ñw oli kakini, Mʼolu ji; kʼi la aka ñw okuta ki ma nʼaluko̩la n kakini, Kwane̩! E-le̩ akʼone̩ e̩wñ? Go, ma kʼo̩jamalia kpʼajifa wenyʼu, iñmi du la dʼef uwñ n.

Habakuk 2:15

Atogwo chʼe-e̩ne̩ kʼi adʼe̩wñ ñw ekeji-wñ ñmo̩ ago uwe̩do̩-wñ kʼi ño̩ je̩ ñw u mu dab o̩te̩, kʼi kejurʼago ofo-ma!

Je̩re̩maya 22:13

Atogwo ñw e̩ne̩ ki nʼuji akʼunyi-wñ, kpai afuma ako̩ unyi-wñ ate̩; kʼi aje̩ ñw ekeji-wñ rʼo̩ ofofo, kʼi ma la rʼo̩me̩ uko̩lo̩-wñ ñw u n;

Aizaya 5:18

Atogwo! ñw abo ku ma nʼiku olemi afʼudu wa, ku ma la nʼiku ki jukpa afʼadure wa,

Aizaya 3:11

Atogwo ki chʼe-e̩ne̩bibi! Todu i abie̩ne̩ ñw u, todu e̩wñ kʼo̩wo̩-wñ che oñ ma adʼu chʼo.

Eli Eko̩ DʼO̩jo̩ 58:2

O̩da, me̩ nʼuko̩lo̩ uji ache ef e̩do̩-me̩; me̩ jʼañwa e̩wñ o̩lachi o̩wo̩-me̩ jo̩ ane̩-ile̩.

Aizaya 5:11

Atogwo! ñw abo ku ma takpa kwane̩ odudu, ku ma fule nyʼatene o̩te̩ una, ku ma ño̩ jo̩ gbogbo tʼe̩gba kʼane̩ arefu gbogbo tak omi achiwebe̩te̩ma ko ma e̩do̩ kwane̩!

1 Amonu 21:13

Tak aboke̩le̩ meji, ku ma chʼame̩nebili, lewa gugu o̩gba-wñ. Oñ ame̩nebili le̩ gbʼijali nyʼu, Nebo̩t ma gbanyʼu le̩, eju amone̩, kakini, Nebo̩t ko̩ O̩jo̩ kpʼonu. Taku ma mʼu du kwʼef ewo dufu oñ ma kʼokuta ro̩ dʼo kʼi ku.

Aizaya 3:14

Jihofa abʼabogijo amone̩-wñ kpʼamajo̩fe̩-ma kajo̩: Ame̩ chʼabo ku me̩ kʼuche̩ achiwebe̩te̩ma le̩ je̩ kpa, ane̩ ame̩no̩bata ku me̩ dinya jʼef unyi-me̩.

Aizaya 5:23

ku ma la dale ñw e̩ne̩bibi tod o̩ko̩ ugwa, ku ma ño̩ mʼo̩kpakpa e-e̩no̩kpakpa du bʼo̩ te̩!

Aizaya 29:21

ku ma kpʼone̩ abi tod o̩la ki fʼo̩ alu, ku ma la bʼoku ne te̩ anede e̩ne̩ ki adʼo̩la biu one̩ alaku le̩, ku ma la nʼe̩wñ o̩wai rʼo̩kpakpa da.

Aizaya 59:4

E̩ne̩ du la adʼone̩ ajo̩ lʼo̩na o̩kpakpa n, e̩ne̩ du la akʼomu ajo̩-wñ lʼo̩na ochochi n; e̩wñ uke̩do̩no-ma chʼo̩wai, ma la nʼe̩wñ o̩lemi aka, ma nyʼefu ñw akanya, ma la fʼibe̩te̩ bi.

Aizaya 59:13

ada eje̩ kpai aire̩ Jihofa ere̩ kpai ena bʼetʼO̩jo̩-wa ubi te̩ kpai o̩la e̩tʼone̩ mane̩ kpai o̩la ena tubi eka, kpai efu o̩la o̩lemi enyo̩ kpai eka kwef e̩do̩ dufu.

Akwodufu 23:3

e̩ ki la lʼe̩nubie̩ eju tod ale-wñ ef o̩la n.

Akwodufu 23:6

E̩ ki rʼoji ajo̩ enale-we̩ da n.

Emo̩s 2:7

abo ku ma chʼe̩do̩ fafa tod ebutu ki dʼoji ame̩nubie̩, ku ma laño̩ rʼo̩na ame̩ne̩chikimi da; one̩ kpʼata-wñ la anyʼejefu ugbo o̩ma igbe̩le̩ʼkate, ku ma kpʼodu-mi kiafo̩ bie̩;