Abo Rom 9:23 - O̩TAKADA O̩LA O̩JO̩ 1970

²³ todu kʼi la je̩ ñw one̩ ma unana ojima-wñ ki dʼo̩la e̩wñ eku e-ejumomi, e-kʼi chʼo̩na-wñ tane̩ todu ojima,

Abo Rom 9:23 ပူးပေါင်းရင်းမြစ်များ

Abo Rom 2:4

Abe̩k uwe̩ adʼunana umo̩la-wñ kpai o̩wo̩ kʼi damʼuwe̩ kpai e̩do̩-wñ kʼi je̩ rʼo̩che̩ke̩ne̩? E̩ ma ka kʼumo̩la O̩jo̩ anʼuwe̩ nyʼugbo uribeda n?

Abo E̩fe̩sus 3:16

todu kʼi du ñwu me̩, teju alu kʼunana ojima-wñ de̩, kʼukpahiu-me̩ ki nyo̩gba ku me̩ gbiti ef one̩ e-ejefu lef Afu-wñ;

Abo E̩fe̩sus 2:10

Todu awa chʼe̩wñ kʼo̩wo̩-wñ che, i nyi wa efu Kraist Jisus todu uko̩lo̩ e̩nyo̩, e-kʼO̩jo̩ chʼo̩na-wñ tane̩ todu kʼawa ki tale ef uwñ.

2 Timoti 2:21

Todule̩ iche̩wñ kʼe̩ne̩ du fʼo̩la-wñ gwe̩ hiolo bʼe-ubiane̩ le̩ te̩ mak i achʼe̩wñ eku tod e̩wñ ojima, i afo̩, kʼi anʼeku ñw odu-wñ kʼi chʼeñwo̩che te̩ tod uko̩lo̩ e̩nyo̩ du.

Abo Ko̩lo̩se 1:27

Oñ i dʼO̩jo̩ e̩do̩ kʼi je̩ ñw abo le̩ ma e̩wñ ki chʼunana ojima afili-i ef abo uche̩ichi, kʼafili kʼa ka-i che Kraisti ef ume̩, kʼowñ chʼukibeno ojima le̩.

Abo E̩fe̩sus 2:7

todu kʼi dʼunana ufe̩de̩nyo̩ ki tabale ef emo̩la kʼi mo̩la ñw a efu Kraist Jisus le̩ ñe̩ña ef o̩kpanachi du ki awa.

Abo E̩fe̩sus 1:18

kʼeju e-e̩do̩-me̩ ki nʼugane̩, ku me̩ ki ma e̩wñ ki chʼukibeno ef udo̩ kʼi ado̩, kpai e̩wñ ki chʼunana ojima e̩wñ ogu-wñ ef abo kiafo̩

Abo Rom 8:29

Todu, abo kʼi ma ma tane̩, i fʼuma date̩ tane̩ ku ma chʼuche̩ ojibo o̩ma e-wñ, kʼowñ ki chʼo̩mo̩gba ef amo̩maye wewe:

Luku 1:17

E̩ne̩-i adʼo̩gba eju-wñ alo ef afu kpai ukpahiu E̩laija, kʼi aje̩ ñw e̩do̩ amata rida tʼugbo amo̩ma, kʼi laño̩ je̩ ñw abo ku ma ko̩ eje̩ ñwu ma tʼuma eju gu ku ma kwotʼef ibe abo̩kpakpa; kʼi fʼabo ku ma mo̩la tane̩ ñwo̩che ñw Ondu.

1 Iko Iko E̩wñ 29:18

O Jihofa, O̩jo̩ e-Ebraham kpʼe-Aise̩k kpʼe-Israe̩l, amata-wa le̩, e̩ ki fejutʼe̩wñ-i kʼi dʼef ibe ki dʼe̩do̩ abo-we̩ ku ma kpe̩ ogbegbele̩, kʼe̩ la fʼe̩do̩-ma lonyane̩ rʼuwe̩.

1 Te̩s 5:9

Todu O̩jo̩ ko wa jo̩ ñw uwe̩do̩ n, chai todu kʼa ki che kʼujadu ki mud e-wa ogbolo lef Ondu-wa Jisus Kraisti,

Abo Ko̩lo̩se 1:12

Me̩ nagwa Ata kʼi je̩ ñw a bʼukpe̩ e̩wñ ogu e-abo kiafo̩ jo̩ ef ugane̩.

Abo E̩fe̩sus 3:8

Omi ki nya tʼabo kiafo̩ du le, oñ ma du ufe̩de̩nyo̩ kide̩ ñw u, kʼu fʼuche̩nyo̩ unana Kraist e-kʼo̩kpa-wñ ma je̩ ate̩ n le̩ je̩ rʼabo uche̩ichi;

E̩wñ kʼAme̩nukpuche̩ Che 9:15

Oñ Ondu ka ñw u kakini, Nalo ke, todu e̩ne̩ kide̩ chʼe̩wñ eku kʼomi du kʼi ane̩ odu-mi o̩gba abo uche̩ichi kpai amonu kpai amo̩ma Israe̩l;

Abo Rom 8:30

oñ abo kʼi fʼuma date̩ tane̩, abo le̩ oñ i fʼuma do̩; abo kʼi fʼuma do̩ le̩, abo le̩ oñ i dale ñwu ma; abo kʼi fʼale da ñwu ma le̩, abo le̩ oñ i dʼojima ñwu ma.