Abo Rom 8:24 - O̩TAKADA O̩LA O̩JO̩ 1970

²⁴ Todu ma fʼuwa jadu ñw ibe ekono; eju dʼe̩wñ kʼe̩ kibeno, i ño̩ chʼibe ekono de̩-i ge̩ n; todu one̩ fʼe̩wñ li, abile kʼi akibeno aneju-wñ ge̩?

Abo Rom 8:24 ပူးပေါင်းရင်းမြစ်များ

Abo Hibru 11:1

Oñ e̩do̩ ekono chʼe̩wñ kʼone̩ ma kʼe̩wñ ki akibeno do̩mo̩, owñ chʼe̩wñ ki adʼe̩wñ kʼeju ma li n bi rʼone̩ eju.

2 Abo Ko̩rint 5:7

todu lef e̩do̩ ekono a tale̩-i a le̩ ef e̩wñ kʼeju li n,

2 Abo Ko̩rint 4:18

abu kʼa ma kejurʼe̩wñ kʼeju ali-i n, chai e̩wñ kʼeju ma li n; todu e̩wñ kʼeju ali-i chʼe̩wñ adiko-i, ama e̩wñ kʼeju ma li n le̩ chʼe̩wñ ogbegbele̩.

1 Pita 1:21

ku me̩ ke̩do̩nʼO̩jo̩ lefuwñ. Owñ chʼO̩jo̩ kʼi dʼowñ kwane̩ kwef abo ki ku, kʼi laño̩ mʼojima du ñw u, todu kʼuke̩do̩no-me̩ kpʼukibeno-me̩ ki chʼO̩jo̩.

1 Te̩s 5:8

Ama abu kʼa chʼabo o̩ro̩ka eju-wa ki chene̩, kʼa kʼe̩wñ ube̩do̩ma e-e̩do̩ ekono kpʼufe̩do̩ nyʼo̩la, ukata ebije-wa kʼi chʼukibeno e-ujadu.

1 Pita 1:3

O̩jo̩ kʼi laño̩ chʼAta Ondu-wa Jisusi Kraisti ki nele. I fʼuwa bi etito̩ teju ejumomi-wñ o̩gbaje̩je̩ ñw ukibeno ki deju, lef edajikwane̩ ki Jisusi Kraisti dajikwane̩ kwef abo ki ku.

Abo Rom 12:12

me̩ nayo̩ ef ibe ekono; me̩ nafe̩do̩ lichi ef o̩bata; me̩ gwo̩nyʼadua eche alo waa;

Abo Rom 5:2

lef uwñ, lʼo̩na e̩do̩ ekono, a ño̩ fʼe̩wñ ki adʼuwa gudu tef ufe̩de̩nyo̩ e-kʼa dago ef uwñ-i ne̩ me̩, a la buba noj ojima O̩jo̩ kʼa kibeno.

Abo Rom 15:13

Oñ O̩jo̩ e-ibe ekono le̩ ki naje̩ ñwu me̩ ko̩ ñw uyo̩ du kpai ure̩do̩ ef eke̩do̩no ku me̩ ake̩do̩no, kʼibe ekono-me̩ ki chʼololo ef ukpahiu Afu Kiafo̩.

Abo Ko̩lo̩se 1:27

Oñ i dʼO̩jo̩ e̩do̩ kʼi je̩ ñw abo le̩ ma e̩wñ ki chʼunana ojima afili-i ef abo uche̩ichi, kʼafili kʼa ka-i che Kraisti ef ume̩, kʼowñ chʼukibeno ojima le̩.

Abo Rom 15:4

Todu alu-ka e̩wñ du ku ma ko̩tane̩ o̩gbo̩gba, ma ko̩tane̩ todu kʼi ko wa e̩wñ, todu kʼawa ki nʼibe-ekono lef e̩do̩ e̩lichi kpai lef ugbe̩do̩ e-O̩takada O̩la O̩jo̩.

Abo Galatia 5:5

Todu kwef e̩do̩ ekono ef Afu a jʼafejutʼo̩na anede o̩kpakpa kʼa kibenʼo le̩.

Eli Eko̩ DʼO̩jo̩ 146:5

E̩ne̩ ki nʼO̩jo̩ e-Jeko̩b kʼi chʼate̩ko-wñ gbede, owñ chʼe̩ne̩ ki akibeno Jihofa O̩jo̩-wñ,

1 Jo̩n 3:3

Oñ e̩ne̩ du ki nʼibe ekonʼowñ-i agwʼo̩la-wñ rinyo̩ ki fe̩ alu kʼe̩ne̩ le̩ chefe̩.

2 Abo Te̩se̩lonaika 2:16

Oñ Ondu-wa Jisus Kraisti onugo kpʼO̩jo̩ Ata-wa kʼi fe̩do̩ wa kʼi laño̩ mʼugbe̩do̩ e-ogbegbele̩ kpʼe̩wñ o̩me̩-me̩le̩ kʼa akibeno ko ñw a ef ufe̩de̩nyo̩,

Abo Ko̩lo̩se 1:23

Iche̩wñ kʼame̩ jʼef e̩do̩-e̩ko̩no alo waa, kʼe̩re̩-me̩ dʼane̩, kʼofe-me̩ chemane̩, ku me̩ ma jʼachi wʼubi bʼibe e̩kono Uche̩nyo̩ ku me̩ gbo̩ le̩ te̩ n, owñ chʼe-ku ma fʼakoya-wñ ta ugbo du kʼO̩jo̩ nyi o̩gane̩ efojale, e-kʼomi, Po̩l, mud ache e̩wñ ñw one̩ ef uwñ.

Abo Ko̩lo̩se 1:5

todu e̩wñ ukibeno ku ma du ne ñwu me̩ efojale, owñ chʼe-ku me̩ gbʼinabali-wñ tane̩ ef o̩la ochochi e-Uche̩nyo̩

1 Abo Ko̩rint 13:13

Oñ fai e̩do̩ ekono kpʼibe eko̩no̩ kpʼufe̩do̩ la jo̩-i, e̩wñ me̩ta-i; ama e-ki tʼo̩gba chʼufe̩do̩.

Ze̩karaya 9:12

Mudabi wʼef aku, ame̩ ame̩namu e-ibe ekono le̩; i chaka chʼeñini kide̩, naka ejugede ka kʼu nabʼukpe̩ meji ñw e̩.

Je̩re̩maya 17:7

E̩ne̩ ki ke̩do̩no Jihofa gbede, kʼuke̩do̩no-wñ che Jihofa.

Eli Eko̩ DʼO̩jo̩ 33:18

Go, eju Jihofa bʼabo ku ma railo-wñ ma, owñ chʼabo ku ma kibenʼufe̩de̩-nyo̩-wñ,

Eli Eko̩ DʼO̩jo̩ 33:22

Ufe̩de̩nyo̩-we̩ ki bʼuwa ma, O Jihofa, alu kʼa te̩takibenʼuwe̩.

Ita, Ita 14:32

Ma ne e̩ne̩bibi tinyo̩ ef e̩wñ e̩bie̩ne̩-wñ, e̩no̩kpakpa muda ane̩ uchubiyo̩ ef uku-wñ.

Abo Rom 4:18

E̩gba ki ma nʼugbo kʼi akibeno ge̩ n, i kʼe̩do̩nʼo̩la ibe ekono le̩ todu kʼi mud ata abo uche̩ichi wewe; owñ chʼalu kʼo̩la ku ma ka le̩ de̩ kakini, Abe̩le̩ oñ ugbe̩-we̩ ade̩.

Abo Rom 8:20

Todu ibe ekono chʼe̩wñ kʼe̩wñ kʼi chʼe̩nyite̩-i chʼe̩kamuhite̩ ñw ibe̩te̩, i gʼe̩do̩la-wñ che n, chai lef e̩ne̩ ki fu kamuhite̩,

Taito̩s 3:7

todu kʼabu kʼufe̩de̩nyo̩-wñ fʼale da ñw a kʼa ki mud abo ku ma je̩ e̩wñ ogu le̩ teju ibe ekono e-iñmi ogbegbele̩.