Abo Rom 8:18 - O̩TAKADA O̩LA O̩JO̩ 1970

¹⁸ Todu u fu lo kakini, O̩bata ki de̩ abajo̩-i bo̩jo̩ ku ma du ñwa ojima ku ma che ku ma bite̩ todu wa n.

Abo Rom 8:18 ပူးပေါင်းရင်းမြစ်များ

1 Pita 4:13

Ama dabalu kʼame̩ jʼatuta ef uwa Kraisti le̩, me̩ nayo̩; todu kʼame̩ ki ño̩ nʼugwo̩guyo̩ ayo̩ ef ebite̩ e-ojima-wñ.

Abo Ko̩lo̩se 3:4

E̩gba du ku Kraist kʼi chʼiñmi-wa le̩ kwotejugede, e̩gbale̩ ame̩ ñʼateiugede kpai owñ ef ojima.

E̩wñ kʼAme̩nukpuche̩ Che 20:24

U muda fʼonugo-mi lo ka kʼu chʼe̩wñ o̩me̩me̩le̩ akoko ejʼo̩la-mi n, todu kʼule-mi kʼu nara-i kʼu ra kpoji kpʼuko̩lo̩ e̩wñ eche ñw one̩ kʼu gba kwugbo Ondu Jisus owñ chʼibenu Uche̩nyo̩ ufe̩de̩nyo̩ O̩jo̩ egba nyo̩nyo̩.

1 Jo̩n 3:2

Ame̩nufe̩do̩, fai a chʼamo̩ma O̩jo̩ me̩; alu kʼa la ade̩ ejo̩gba tejugede ta n, a chema ka kʼowñ kwotejugede a adab owñ, ukpe̩ kʼa ali owñ alu kʼi de̩.

1 Pita 1:13

Todule̩ me̩ nafʼe̩wñ lʼago e-ibe-me̩ de. Ibe-me̩ ki chʼewane̩, ku me̩ kibeno ufe̩de̩nyo̩ ku ma ane̩ wa ñwu me̩ ef ebite̩ ku ma abi Jisus Kraisti te̩ tʼukpoji.

2 Abo Te̩se̩lonaika 2:14

Owñ chʼe-kʼi do̩ me̩ tʼef uwñ lef Uche̩nyo̩-wa, todu ku me̩ ki fʼojima Ondu-wa Jisus Kraisti ne̩ ñw o̩la-me̩.

1 Pita 5:1

Todule̩, omi kʼu chʼe̩nogijo kpai ama kpai e̩ne̩ ki ño̩ gbibenu uwa e-ku Kraisti li kʼu laño̩ chʼe̩ne̩ ki atuta ef ojima e-ku ma che ku ma bite̩ le̩ nadʼugbe̩do̩ ñw abogijo ku ma jʼef ume̩ le̩ kakini;

Abo Hibru 11:35

Abobule̩ mʼabo-ma ki ku gba kwef udajikwane̩. Ma la fʼabomune̩ gwo okute̩, abu ku ma ko̩ e̩gba ula-ma tane̩; todu kʼama ki dʼo̩wo̩ dʼudajikwane̩ e-ki nyo̩ tule.

Abo Rom 8:19

Todu eju e̩wñ du kʼO̩jo̩ nyi chefe̩rane̩ aneju iko ku ma ako amo̩ga o̩ma O̩jo̩ bite̩.

Taito̩s 2:13

kʼa jo̩ aneju ugbede kʼa kibeno le̩ kpʼutejugede ojima O̩jo̩ lile kpai E̩najadu-wa Kraist Jisus,