Abo Rom 6:6 - O̩TAKADA O̩LA O̩JO̩ 1970

⁶ A chema ka ku ma mʼone̩ kʼa che igbele du kamoli manyʼowñ, todu kʼaño̩la e-adure ki gbogili te̩, kʼawa ki we echʼuko̩lo̩ adu ñw adure;

Abo Rom 6:6 ပူးပေါင်းရင်းမြစ်များ

Abo Galatia 2:20

Ma fʼumi kamoli manyu Kraisti; i la chʼomi ño̩ deju-i ge̩ n, chai Kraist deju ef umi; oñ edeju kʼu nadeju ef año̩la fai, nadeju ef e̩do̩-ekono e-O̩ma O̩jo̩ kʼi afe̩do̩ mi kʼi laño̩ mʼo̩la-wñ onugo du chele todu mi.

Abo E̩fe̩sus 4:22

kʼame̩ ki mʼone̩ e-igbele, ugbo e̩wñ kʼi te̩tache akwoubi le̩, kojane̩, abu kʼe-le̩ chile̩che̩ te̩ teju e̩ño̩ e̩wñ ki adʼone̩ ibe;

Abo Galatia 5:24

Oñ abo Kraist Jisus fʼo̩re̩la kpʼudo̩laga-wñ kpʼe̩ño̩ e̩wñ ki ache kamoli me̩.

Abo Galatia 6:14

Ama O̩jo̩ ki kpo̩na nyʼuba e̩ba ñw omi, chai ef oli-uku Ondu-wa Jisus Kraist, lef e-le̩ ile̩-i chʼe̩kamoli ñw omi, omi laño̩ chʼe̩kamoli ñw ile̩.

Abo Ko̩lo̩se 3:5

Todule̩ me̩ ki fʼe̩wñ año̩la-me̩ kʼi jʼoj ane̩-ile̩-i kpa ku; e̩wñ le̩ che e̩wñ abutabu, iwa, udo̩laga e̩wñ ki ma nyo̩ n, e̩ño̩ e̩wñ e̩bie̩ne̩, ejufufu, owñ chʼode eche;

Abo Rom 8:13

todu iche̩wñ kʼame̩ deju achʼe̩wñ tʼikpa o̩re̩la, maku me̩ che ku me̩ ku de̩; ama iche̩wñ ku me̩ nʼAfu le̩ fʼe̩wñ kʼaño̩la ache che ño̩ che̩ kpa ku, ame̩ adeju.

Abo Rom 6:22

Ama fai abu ku me̩ kwotane̩ bʼo̩wo̩ adure te̩ ku me̩ la mud amadu ñw O̩jo̩, me̩ nʼe̩ro-me̩ tef efo̩, ukpoji-wñ la chʼiñmi o̩gbegbele̩.

Abo Rom 6:12

Todule̩ me̩ ki je̩ ñw adure ki chʼonu ef año̩la-me̩ e-uku-i ku me̩ gbʼe̩ño̩ e̩wñ kʼi ache gbo̩ n.

Aizaya 26:13

O Jihofa, O̩jo̩-wa, amodu ojoji ñw uwe̩ te̩tanʼo̩da-wa, a muda adʼodu e-we̩ kate.

2 Amonu 5:17

Taku Neaman kakini, E̩ ma chaka je̩ abe̩le̩ n, nagbo̩ko̩bʼe̩ kʼe̩ je̩ ñwu ma bʼane̩ oj adu imiulu meji ñw adu-we̩-i todu akwʼe̩gba-i adu-we̩-i akʼe̩wñ iche̩bo̩ e̩gujo abe̩k e̩wñ iche̩bo̩ du ñw amo̩jo̩ omune̩ n, chai Jihofa nako ñw u.

Abo Rom 7:14

Todu a chema ka kʼo̩lo̩da chʼe̩wñ afu; omi muda chʼe̩wñ o̩re̩la, ma fʼumi ta tef o̩wo̩ adure.

2 Abo Ko̩rint 5:14

Todu ufe̩do̩ Kraisti mʼuwa ne̩ gaga; a fʼoji-wñ kpa kakini, E̩ne̩ʼka leku tod o̩chaka amone̩, mak o̩chaka amone̩ ku le̩;

Taito̩s 3:3

Todu i ño̩ nʼe̩gba kʼawa onugo ma nʼibe n me̩, a la gbo̩lagbo̩ n, ma ko wa la, a jo̩ achʼadu e̩ño̩ e̩wñ kpʼe̩wñ ube̩do̩ ojoji ojoji, oñ a jo̩ ef e̩wñ e̩bie̩ne̩ eche kpai ule̩na, e̩wñ ulaka a che, a laño̩ nʼulaka omune̩ ache.