Abo Rom 6:11 - O̩TAKADA O̩LA O̩JO̩ 1970

¹¹ Abe̩le̩ ame̩ ki nafʼo̩la-me̩ lo rʼef abo ki ku ñw adure, ku me̩ la adeju ñw O̩jo̩ efu Kraisti Jisus.

Abo Rom 6:11 ပူးပေါင်းရင်းမြစ်များ

1 Abo Ko̩rint 6:20

Todu e̩wñ akoko ku ma du la me̩ do̩mo̩; me̩ ki dojima ñw O̩jo̩ ef año̩la-me̩ ke!

Abo Rom 6:2

O̩jo̩ ki kpo̩na! Awa kʼa leku ñw adure, ab a ale kʼa ñʼadeju ef uwñ abajo̩-i ta?

Abo Rom 6:13

Me̩ ki la mʼe̩wñ año̩la-me̩ ko jo̩ ñw adure kʼi chʼido̩na uji n; me̩ ki muda kʼonugo o̩la-me̩ jo̩ ñw O̩jo̩, dabe̩ne̩ kʼame̩ kwef uku adeju me̩, ku me̩ la kʼe̩wñ año̩la chʼido̩na o̩kpakpa jo̩ ñw O̩jo̩.

Abo Ko̩lo̩se 3:17

Oñ e̩wñ du ku me̩ che, ef o̩la eka abe̩k ef uko̩lo̩ eche, e̩wñ du ki chʼef odu Ondu Jisusi, me̩ ki nagwʼO̩jo̩ Ata ugwa lef uwñ.

Abo Rom 8:18

Todu u fu lo kakini, O̩bata ki de̩ abajo̩-i bo̩jo̩ ku ma du ñwa ojima ku ma che ku ma bite̩ todu wa n.

1 Pita 2:5

Ama ño̩ jʼako me̩ ne unyi e-Afu dabe̩ne̩ kʼame̩ chʼokuta ki deju, ku me̩ chʼuche̩ amatama kiafo̩, kʼame̩ ki kʼe̩wñ iche̩bo̩ Afu e-ki nyo̩ O̩jo̩ eju kʼi gba lefu Jisus Kraisti wa.

Abo E̩fe̩sus 2:7

todu kʼi dʼunana ufe̩de̩nyo̩ ki tabale ef emo̩la kʼi mo̩la ñw a efu Kraist Jisus le̩ ñe̩ña ef o̩kpanachi du ki awa.

Jo̩n 20:31

ma muda fʼe-i ko̩ todu ku me̩ ki ke̩do̩no kakini, Jisus che Kraist O̩ma O̩jo̩, todu kʼabu ku me̩ la ke̩do̩no ku me̩ ki nʼiñmi ef odu-wñ.

1 Pita 4:11

Iche̩wñ kʼe̩ne̩ du ko̩la, i ki ko̩la dabe̩ne̩ kʼo̩la e-O̩jo̩ i aka; iche̩wñ kʼe̩ne̩ du nʼe̩wñ eche ñw one̩, i ki che dabe̩ne̩ kʼukpahiu e-kʼO̩jo̩ du ñw u i nʼache; todu kʼO̩jo̩ ki nʼojima ef e̩wñ du lefu Jisus Kraisti, e-kʼojima kpai ukpahiu chʼe-wñ tʼogbegbele̩ nyile̩wa. Ami.

Abo Filipai 1:11

E̩ro o̩kpakpa ki kʼume̩ efu lefu Jisus Kraist tod ojima kpai uñwulo̩ O̩jo̩.

Abo Rom 5:1

Todule̩ abu ku ma fʼale da ñw a kwef e̩do̩-ekono, a ki nʼure̩do̩ ugbo O̩jo̩ lef Ondu-wa Jisus Kraisti,

Abo Rom 6:23

Todu uro̩me̩ adure chʼuku; ele ufe̩de̩nyo̩ e-O̩jo̩ muda chʼiñmi o̩gbegbele̩ efu Kraisti Jisus Ondu-wa.

Abo Filipai 4:7

Tak ure̩do̩ e-O̩jo̩ e-kʼi tʼibe e̩ne̩ du le adonyʼe̩do̩-me̩ kpai ibe-me̩ ku me̩ lo efu Kraist Jisus.

Abo Rom 16:27

tʼugbo O̩jo̩ kate ki nʼibe le̩, lefu Jisus Kraisti, owñ ki nʼojima tʼogbegbele̩ nyile̩wa. Ami.

Abo Rom 6:10

Todu eku kʼi ku, i leku ñw adure onu kate, o̩pioo-wñ de̩; ama edeju kʼi adeju, i adeju ñw O̩jo̩.

Abo Rom 7:4

Todabe̩le̩, amo̩maye-mi, ma la je̩ ñwu me̩ ku ñw o̩lo̩da lef año̩la Kraisti, kʼame̩ ki mud e-e̩ne̩ omune̩, owñ chʼe̩ne̩ ku ma mudu dajikwane̩ kwef abo ki ku le̩, todu kʼawa ki re̩ro ñw O̩jo̩.

Abo Rom 7:6

Ama abajo̩-i o̩lo̩da mugbogili te̩ ñw a, abu kʼa leku ef e̩wñ ki mʼuwa ne̩ gaga le̩; abe̩le̩ oñ awa achuko̩lo̩ adu ef e-etito̩ e-afu, a la che lʼo̩na olubutu igbele le̩ ge̩ n.

Abo Ko̩lo̩se 2:20

Iche̩wñ ku me̩ bo̩ Kraisti ku kwo bʼe̩wñ uchane̩ uko̩che̩ ile̩-i te̩, e̩wñ chi ku me̩ dʼo̩la-me̩ tef o̩lowu dabe̩ne̩ ku me̩ deju jʼile̩-i?

1 Pita 2:24

Owñ onugo la kʼadure-wa ef año̩la-wñ tʼoj oli le̩, todu kʼabu kʼa leku ñw adure kʼa ki deju ñw o̩kpakpa. Lugbo egwenunu ku ma fʼowñ gwenunu o̩ga-wa takpa.