Abo Rom 2:19 - O̩TAKADA O̩LA O̩JO̩ 1970

¹⁹ kʼe̩ la ke̩do̩no ka kʼuwe̩ onugo chʼaña amafeju o̩na, kpʼugane̩ ñw abo ku ma jʼef e̩chubi,

Abo Rom 2:19 ပူးပေါင်းရင်းမြစ်များ

1 Abo Ko̩rint 4:10

Awa chʼame̩ne̩fule̩fu todu Kraist, ame̩ la chʼamanibe efu Kraist; awa chʼame̩ne̩gbo, ame̩ la chʼamagbiti; ame̩ chenʼojima, ma la bumʼuwa re n.

Jo̩n 9:34

Ma dohi ka ñw u kakini, Ef adure ma bi we̩ ogbolo, uwe̩ ñʼako̩ wa e̩wñ? Taku ma mʼowñ du rikpolo tʼo̩do̩da.

Matiu 15:14

Tʼuma no̩; amakpejufo̩ ku ma ña amakpejufo̩ o̩na ma che. I la che̩wñ kʼakpejufo̩ aña akpejufo̩ o̩na, ejeji-ma awane̩ ef o̩go̩.

Matiu 6:23

i muda che̩wñ kʼeju-we̩ che bibi, o̩gbo̩ año̩la-we̩ du achubi. Todule, iche̩wñ kʼugane̩ kʼi dʼef uwe̩ chʼe̩chubi, mak e̩chubi le̩ gbe̩!

Matiu 5:14

Ame̩ chʼugane̩ ile̩. Ewo ki dʼoj uwo jʼamaja n.

Aizaya 56:10

Abide-wñ chʼamafeju, o̩chaka-ma nʼibe n; o̩chaka-ma chʼamabia ajalu, ma neke ko̩ n; ma dachi jo̩ anʼo̩na, olu ele̩ nyo̩ ma eju.

Aizaya 49:6

oñ i kakini, Todu kʼuwe̩ ki chʼadu-mi kʼe̩ kʼabo̩lo̩pu o̩lo̩pu Jeko̩b kwane̩, kʼe̩ kʼabo Israe̩l ku ma fejutʼo̩ le̩ dabi tʼe̩gu-ma, chʼe̩wñ fuye̩ tʼuwe̩ le; naño̩ dʼuwe̩ chʼugane̩ ñw abo uche̩ichi, kʼuwe̩ ki chʼujadu-mi gbogbo tʼukpoji ane̩ ile̩.

Aizaya 5:21

Atogwo! ñw abo ku ma chʼo̩ka eju o̩la-ma, ku ma la chenʼibe eju o̩la-ma!

Ita, Ita 26:12

Uwe̩ cheli one̩ ki chʼanibe eju o̩la-wñ? ake̩do̩nʼo̩la-wñ me̩ tʼowñ le.

Abo Filipai 2:15

todu ku me̩ ki we enʼuchalu, kʼe̩wñ ejaduña ki we egwe̩gwa nyʼume̩, ku me̩ chʼamo̩ma e-O̩jo̩ ku ma ma nʼe̩kpabie̩ o̩la n jʼalumeji o̩gba amone̩ ki mugo ki murida tʼiba-i, ef abo e-le̩ ame̩ kwotejugede dabe̩ne̩ kʼe̩wñ ugane̩ ef ile̩-i,

1 Abo Ko̩rint 3:18

E̩ne̩ du kʼi mʼo̩la-wñ ibe da n. Iche̩wñ kʼe̩ne̩ du dʼef ume̩ kʼi do̩ kʼi chenʼofili ef o̩kpanachi kide̩, i ki namud e̩ne̩ e̩fule̩fu, todu kʼi mud e̩no-fili.

E̩wñ kʼAme̩nukpuche̩ Che 26:18

kʼe̩ mʼuma eju chi kʼama ki rida kwef e̩chubi tef ugane̩ kpai kwef o̩da Setan tugbo O̩jo̩, ku ma gba utʼadure no̩ kpʼukpe̩ e̩wñ ogu ef abo ku ma fo̩ lugbo e̩do̩ ekono ki dʼef umi.

Luku 1:79

kʼi mane̩ ne̩ ñw abo ku ma gugu ef e̩chubi kpai ef ebo uku; kʼi je̩ ñw e̩re̩-wa hitʼo̩na ure̩do̩.

Mark 10:15

Ami naka ñwu me̩ kakini, E̩ne̩ du ki ma agba ojane̩ O̩jo̩ dab imo̩to̩ n, i nʼugbo du kʼi agudu tef uwñ n.

Matiu 4:16

amone̩ du ku ma te̩te̩ gugu ef e̩chubi le̩ fʼugane̩ lile li me̩; ugane̩ la mutadufu ñw abo ku ma te̩te̩gugu oj ane̩ uku kpʼef e̩bo-wñ.

Abo Rom 2:18

kʼe̩ la chema e̩wñ ki dʼowñ e̩do̩, kʼe̩ la fʼe̩wñ ki nyo̩ tule ñwa rʼojoji kʼe̩ la aje̩nyu ñw u abu ku ma nʼalu akʼuwe̩ kwef o̩lo̩da le̩,

Abo Rom 2:20

kpʼe̩ne̩ ki ane̩ ame̩nidada kpʼako̩ amome̩kpa e̩wñ, abu kʼe̩ chenʼuwo̩li alu kʼe̩wñ-ema kpʼochochi de̩ ef o̩lo̩da le̩.