Abo Rom 15:18 - O̩TAKADA O̩LA O̩JO̩ 1970

¹⁸ Todu u gbe̩do̩ ako̩la e̩wñ du ki ma chʼe-ki Kraisti che lef umi todu kʼabo uche̩ichi ki mugbagbo̩, ugbo o̩la eka kpai uko̩lo̩ eche n,

Abo Rom 15:18 ပူးပေါင်းရင်းမြစ်များ

E̩wñ kʼAme̩nukpuche̩ Che 15:12

Tak ugwe̩ko̩ amone̩ le̩ chaka jo̩ chii, oñ ma neti abu ki Barnabas kpai Po̩l nacholi ujiwe kpai uno̩ du kʼO̩jo̩ che ef abo uche̩ichi lugbo ma.

Abo Rom 1:5

Lef uwñ a mʼufe̩de̩nyo̩ kpʼuko̩lo̩ uche eje̩ gba todu kʼegbʼo̩la e̩do̩ ekono gbo̩ ki do̩mo̩ ef abo uche̩ichi du tod odu-wñ.

E̩wñ kʼAme̩nukpuche̩ Che 21:19

Tak abu kʼi fʼuma gwa, i fʼe̩wñ kʼO̩jo̩ che ef abo uche̩ichi lef e̩wñ kʼi ache ñw one̩ le̩ choli jʼane̩ ñw ma okoke.

Abo Galatia 2:8

(Todu e̩ne̩ ki chu-ko̩lo̩ ñwu Pita kʼi tef e̩nukpuche̩ e-abo e̩pi-eda ño̩ chuko̩lo̩ ñwu mi kʼu tef e-abo ucheichi ge̩.)

Ita, Ita 25:14

Akpa kpai afu ki ma nʼomi n kpai e̩ne̩ ki aje̩nyʼele kʼi ache ole-mi ofofo chʼe̩re̩ʼka.

2 Abo Te̩se̩lonaika 2:17

owñ le̩ ki nadʼe̩do̩ e̩gbo ñwu me̩ kʼi laño̩ hi ume̩ e̩re̩ nyane̩ ef uko̩lo̩ ki nyo̩ du kpʼef o̩la ki nyo̩ du.

Abo Rom 16:26

ku ma la mʼu du tejugede abajo̩-i, oñ ma je̩ ñw abo uche̩ichi du ku ma mʼo̩ lef o̩takada kʼamakache̩ ko̩ teju alu kʼO̩jo̩ e-ogbegbele̩ fʼuko̩-wñ te̩, kʼama ki mʼo̩la e̩do̩ ekono gbagbo̩;

O̩takada ki kwʼo̩wo̩ Jud 1:9

E̩gba ki Maike̩l, kʼi chʼagboji amonuche̩ O̩jo̩, muda bʼAbulumone̩ tukana año̩la Mose̩s, i gbe̩do̩ egwʼajo̩ nʼo̩ achakpabie̩-wñ n. Chai eka i ka kakini, Ondu ki dejurʼe̩.

1 Jo̩n 3:18

Amo̩ma-mi, awa ki nʼuko̩lo̩ kpʼukpalu ofofo fe̩do̩ n, chai uko̩lo̩ kpʼochochi.

Jeme̩s 1:22

Me̩ ki muda chʼamache e̩wñ kʼo̩la le̩ ka; ku me̩ la we echʼamagbo̩ kate, o̩la-me̩ eda ibe e-le̩ che.

Abo Hibru 11:8

E̩do̩ ekono chʼe̩wñ kʼEbraham gbʼo̩la abu ku ma fʼu do̩ le̩ kʼi ledufu tef uña e-kʼi ache kʼi gba e̩wñ o̩gu; oñ i ledufu, i ma ugbo kʼi anyi o̩gbolo n.

Abo Hibru 5:9

oñ abu kʼi mufu kpoji i mud e̩wñ ki chi kʼujadu ogbegbele̩ do̩mo̩ ñw abo du ku ma gbʼo̩la-wñ gbo̩,

Abo Ko̩lo̩se 3:17

Oñ e̩wñ du ku me̩ che, ef o̩la eka abe̩k ef uko̩lo̩ eche, e̩wñ du ki chʼef odu Ondu Jisusi, me̩ ki nagwʼO̩jo̩ Ata ugwa lef uwñ.

2 Abo Ko̩rint 12:6

Todu iche̩wñ kʼuba eba ma dʼumi e̩do̩, u ma chʼe̩nidada n, todu ochochi naka, u muda ado̩wo̩ mo, tode̩gba kʼe̩ne̩ du alo ka kʼomi tʼalu kʼi li kʼomi de̩ le, abe̩k omi tʼalu kʼi gbo̩ ugbo mi le.

2 Abo Ko̩rint 11:31

O̩jo̩ kʼi ño̩ chʼAta Ondu-wa Jisus, owñ ku ma kele-wñ ogbegbele̩ le̩, owñ chema ka kʼu remi n.

Abo Rom 6:17

O̩jo̩ nʼugwa, todu me̩ chʼadu adure akwoubi, ama me̩ muda mʼe̩wñ ku ma da o̩na nyʼu, kʼi chʼuko̩ o̩la ku ma ko me̩ jo̩ ñw u le̩, gbagbo̩ kpai e̩do̩-me̩ me̩,

E̩wñ kʼAme̩nukpuche̩ Che 26:20

Ama u mudu ka ñw abo Damaskus ejodudu, kpʼabo Je̩rusale̩m kpʼabo ane̩ Judia chaka, kpʼabo uche̩ichi ka ku ma ki ribeda ku ma laño̩ rida abʼO̩jo̩ ku ma nʼuko̩lo̩ ki chʼeju ibe erida ache.

E̩wñ kʼAme̩nukpuche̩ Che 15:4

Tak abu ku ma lewa Je̩rusale̩m, ujeju abudo̩ Ondu kpai ame̩nukpuche̩ kpai abogijo yo̩ ñwu ma, oñ ma mʼaluka e̩wñ du kʼO̩jo̩ che lugbo ma duka ñwu ma.

E̩wñ kʼAme̩nukpuche̩ Che 14:27

Oñ abu ku ma lewa ku ma la fʼujeju abudo̩ Ondu le̩ do̩ jeju, ma mʼaluka e̩wñ du kʼO̩jo̩ che ugbo ma duka ñwu ma, ma ño̩ kak i mʼo̩na e̩do̩ ekono bi ñw abo uche̩ichi.

Mark 16:20

Tak abo le̩ ledufu atakoya ugbo du, Ondu la bʼuma chuko̩lo̩, i je̩ ñw O̩la le̩ lonyane̩ lef ujiwe ki tʼo̩ ubi.]

2 Abo Ko̩rint 6:1

A laño̩ bʼomune̩ chʼuko̩lo̩ o̩ko̩ e̩gba bʼume̩ ku me̩ we egbʼufe̩de̩nyo̩ O̩jo̩ te̩ ofo,

2 Abo Ko̩rint 3:5

I cheka kʼawa bo̩jo̩ kpai ojika o̩la-wa, kʼa ki fʼe̩wñ lo dabe̩ne̩ ki kwʼef e-wa n, chai ebo̩jo̩ e-wa kwugbo O̩jo̩,

Matiu 25:16

Oñ ababa le̩ e̩ne̩ ki gbʼejika me̩gwa le nachinyama; i la jʼile ejika me̩gwa omune̩ manyʼu.