Abo Rom 11:36 - O̩TAKADA O̩LA O̩JO̩ 1970

³⁶ Todu owñ chʼe̩te̩ e̩wñ du, e̩wñ du lef uwñ wa, e̩wñ du la do̩mo̩ ñw owñ. O̩jima ki chʼe-wñ ogbegbele̩. Ami.

Abo Rom 11:36 ပူးပေါင်းရင်းမြစ်များ

1 Abo Ko̩rint 8:6

i muda chʼugbo e-wa O̩jo̩ kʼi chʼAta chʼokate, owñ chʼe̩te̩ e̩wñ du, awa la jo̩ ñw owñ; Ondu Jisusi laño̩ chʼo̩ka, lef owñ e̩wñ du do̩mo̩, awa la do̩mo̩ lef uwñ ge̩.

Abo Hibru 2:10

Todu i chʼeju-wñ ñw owñ, kʼe̩wñ du jʼo̩mo̩ ñw owñ, kʼe̩wñ du laño̩ jʼo̩mo̩ lef uwñ le̩, abu kʼi anʼo̩ma wewe alo tef ojima kʼi fʼUchane̩ ujadu-ma che kpoji lef iwo̩.

1 Timoti 1:17

I Oñ tʼugbo Onu e-ogbegbele̩, kʼi ma nʼe̩chile̩che̩ n, e-kʼeju one̩ ma li n, kʼowñ kate chʼO̩jo̩, ubumo̩ kpai ojima ki dʼugbo owñ tʼogbegbele̩ nyile̩wa. Ami.

Abo Rom 16:27

tʼugbo O̩jo̩ kate ki nʼibe le̩, lefu Jisus Kraisti, owñ ki nʼojima tʼogbegbele̩ nyile̩wa. Ami.

O̩takada ki kwʼo̩wo̩ Jud 1:25

tʼugbo O̩jo̩ okate kʼi chʼE̩najadu-wa, lefu Jisus Kraist, Ondu-wa, ojima kpʼe̩gahi kpʼinaina, kpʼiñmi, kpai o̩da ki chʼe-wñ, o̩gba tak o̩kpanachi du do̩mo̩, tʼifai, kpai tef o̩kpanachi du ki awa. Ami.

E̩wñ kʼAme̩nukpuche̩ Che 17:28

todu a adeju, a la achiche̩, a laño̩ do̩mo̩ ef owñ, dabalu kʼiche̩ka ef amakeli-me̩ onugo ka kakini, Todu awa ño̩ chʼo̩lo̩pu-wñ.

O̩la E̩bite 21:6

Tak i ka ñw mi, kakini, I wache me̩. Omi chʼAlfa kpʼO̩me̩ga, Uchane̩ kpai ubi-otitala. Nadʼomi kwef e̩bi-omie-iñmi ñw e̩ne̩ kʼolugbe̩ akpʼo̩ ele ofo.

Eli Eko̩ DʼO̩jo̩ 115:1

I chʼawa n, O Jihofa, i chʼawa n, chai odu e-we̩, e̩ dʼojima ñw u, todu ufe̩de̩nyo̩-we̩ kpai ochochi-we̩!

2 Pita 3:18

Ama me̩ ki nyo̩gba ef ufe̩de̩nyo̩ kpai ef ema ku me̩ ma Ondu-wa kpai E̩najadu-wa, Jisusi Kraist. Ojima ki chʼe-wñ tʼifai, tʼo̩jo̩ ogbegbele̩. Ami.

2 Timoti 4:18

Ondu agba mi bʼuko̩lo̩ bibi du te̩, i la ajadu mi tef ojane̩-wñ e-efojale: ojima ki chʼe-wñ tʼogbegbele̩ nyile̩wa. Ami.

Ita, Ita 16:4

Jihofa fʼe̩wñ du che tod ukpe̩ e-wñ, ochochi, i chaka chʼame̩ne̩bibi ma chʼutodu o̩jo̩ e̩bie̩ne̩ le̩.

Eli Eko̩ DʼO̩jo̩ 33:6

Lugbo o̩la Jihofa oñ ma che efojale efojale, oñ uwewe e̩wñ du ki jʼefu-wñ wa lef iñmi alu-wñ.

1 Abo Ko̩rint 11:12

Todu alu kʼonobule̩ kwʼef e̩ne̩ke̩le̩ abe̩le̩ oñ e̩ne̩ke̩le̩ do̩mo̩ lef onobule̩ ge̩; O̩jo̩ muda chʼe̩te̩ e̩wñ du.

1 Pita 5:11

Ukpahiu ki chʼe-wñ tʼogbegbele̩ nyile̩wa. Ami.

Abo Filipai 4:20

Ojima ki chʼe-O̩jo̩ kʼi ño̩ chʼAta-wa ogbegbele̩ nyile̩wa, ami.

Abo E̩fe̩sus 3:21

ojima ki chʼe-owñ ef ujeju abudo̩ Ondu kpai efu Kraist Jisus gbogbo tʼo̩gba o̩gba du ogbegbele̩ nyile̩wa. Ami.

Abo Galatia 1:5

Ojima ki chʼe-wñ ogbegbele̩ nyile̩wa. Ami.

O̩la E̩bite 19:1

Ubi e̩wñ-i u gbo̩ dabe̩ne̩ kʼomuko̩la o̩wo̩ amone̩ lile dʼef efojale aka nana kakini, Haleluya; ujadu kpʼojima kpʼukpahiu chʼe-O̩jo̩-wa:

O̩la E̩bite 7:10

Ma la nʼomuko̩la lile akwa kakini, Ujadu ki dʼugbo O̩jo̩-wa kʼi gugu oj ede le̩, kpʼugbo O̩mala le̩.

1 Pita 4:11

Iche̩wñ kʼe̩ne̩ du ko̩la, i ki ko̩la dabe̩ne̩ kʼo̩la e-O̩jo̩ i aka; iche̩wñ kʼe̩ne̩ du nʼe̩wñ eche ñw one̩, i ki che dabe̩ne̩ kʼukpahiu e-kʼO̩jo̩ du ñw u i nʼache; todu kʼO̩jo̩ ki nʼojima ef e̩wñ du lefu Jisus Kraisti, e-kʼojima kpai ukpahiu chʼe-wñ tʼogbegbele̩ nyile̩wa. Ami.

Abo Hibru 13:21

I ki nahi ume̩ iñmi ko ef e̩wñ ki nyo̩ du ku me̩ ki che e̩wñ ki dʼowñ e̩do̩, kʼi nachʼe̩wñ ki nyʼowñ eju ef uwa lefu Jisusi Kraist; ojima ki chʼe-owñ ogbegbele̩ nyile̩wa. Ami.

Luku 19:38

ma kakini, Ekele ma kele Onu kʼi awa ef odu Ondu; ure̩do̩ ki dʼefojale kpai ojima ate̩ ate̩.

Danie̩l 4:34

Tak e̩gba kʼiko-wñ jo̩, omi Ne̩biukadne̩za chʼeju-mi ago ojale, oñ ibe-mi mudabiwa ef umi, tak u kwokele O̩machala, u la diba ñw u, oñ u dojima ñw e̩ne̩ ki deju tʼo̩gbegbele̩, le̩; todu o̩da-wñ chʼo̩da ogbegbele̩, ojane̩-wñ ate̩ tʼo̩gba o̩gba alo;

Aizaya 42:12

Ama ki dʼojima ñw Jihofa, ku ma dʼuñwulo̩-wñ ka dufu ala ala.

1 Timoti 6:16

owñ kate chʼe̩ne̩ ki ma nʼuku n, unyi-wñ dʼef ugane̩ kʼone̩ ma ate̩me̩ru n; owñ chʼe̩ne̩ kʼe̩ne̩ du ma li n, ma la neke liʼu n: owñ ki nʼojima kpai ukpahiu ogbegbele̩. Ami.

Luku 2:14

O̩jo̩ ki nʼojima ef uña atate̩, ure̩do̩ ki la bʼile̩ ma ef amone̩ ku ma nʼali e̩nyo̩.

Matiu 6:13

E̩ ki ko wa nyʼef ajama n, E̩ ki muda mʼuwa gba kwʼugbo e̩ne̩bibi le̩.

Danie̩l 4:3

Ujiwe-wñ gbe̩ gbe̩! Uno̩-wñ la chʼe̩wñ inaina! Ojane̩-wñ chʼojane̩ ogbegbele̩. O̩da-wñ la tʼo̩gba o̩gba alo.

O̩la E̩bite 7:12

kakini, Ami, uje̩nyu kpʼojima kpʼibe kpʼugwa kpʼubumo̩ kpʼukpahiu kpʼugbiñmi ki dʼugbo O̩jo̩-wa ogbegbele̩ nyile̩wa. Ami.