Abo Rom 10:18 - O̩TAKADA O̩LA O̩JO̩ 1970

¹⁸ Ama u kakini, Ama gbo̩ n? Ma gbo̩ mana, Omu-ma dufu tʼugbo du ane̩ ile̩; uko̩la-ma le dufu gbogbo tʼotitala ugbo kʼone̩ dodo kade ile̩-i.

Abo Rom 10:18 ပူးပေါင်းရင်းမြစ်များ

Eli Eko̩ DʼO̩jo̩ 19:4

Iku e̩ñwa-wñ ledufu tʼugbo du ane̩-ile̩-i, uko̩la-ma le tʼukpoji ugbo kʼone̩ dodo kade. I fʼunyabo fa dago ef uwñ tod olu,

Abo Rom 1:8

Ejodudu nagwʼO̩jo̩-mi ugwa lefu Jisus Kraisti todu me̩ chaka, todabu ku ma jʼadʼinabali e̩do̩ ekono-me̩ kpogo ugbo du ile̩-i.

Matiu 24:14

Ma la atakoya Uche̩nyo̩ e-Ojane̩-i ef o̩gbo̩ ile̩ du ugbo kʼone̩ te̩ kade kʼi gbʼibenu ñw abo uche̩ichi du; e̩gba le̩ tak ukpoji-wñ awa.

1 Te̩s 1:8

Todu ugbo me̩ oñ ekuku o̩la Ondu kwo dufu, i chʼoj ane̩ Masidonia kpai Akaya kate n, inabali e̩do̩ ku me̩ konʼO̩jo̩ ño̩ mukpatuka rʼugbo tʼugbo du. Todabe̩le̩ eku-wñ aku wa kʼa ki ka e̩wñ du n.

Abo Ko̩lo̩se 1:23

Iche̩wñ kʼame̩ jʼef e̩do̩-e̩ko̩no alo waa, kʼe̩re̩-me̩ dʼane̩, kʼofe-me̩ chemane̩, ku me̩ ma jʼachi wʼubi bʼibe e̩kono Uche̩nyo̩ ku me̩ gbo̩ le̩ te̩ n, owñ chʼe-ku ma fʼakoya-wñ ta ugbo du kʼO̩jo̩ nyi o̩gane̩ efojale, e-kʼomi, Po̩l, mud ache e̩wñ ñw one̩ ef uwñ.

Abo Ko̩lo̩se 1:6

kʼi wʼugbo me̩ alu kʼi ño̩ dʼugbo du ile̩ kʼi la nʼe̩ro aro. I naya nyo̩gba, alu kʼi te̩tache ef ume̩ akwʼo̩jo̩ ku me̩ fʼu gbo̩ ku me̩ laño̩ fʼufe̩de̩nyo̩ e-O̩jo̩ ef ochochi ma ogbolo,

Mark 16:15

Tak i ka ñwu ma kakini, Me̩ lo tef ile̩ du, ku me̩ natakoya uche̩nyo̩ ñw e̩wñ du kʼO̩jo̩ nyi.

Matiu 28:19

Todule̩ me̩ nyʼafʼabo uche̩ichi uche̩ichi du chʼamako̩che̩; me̩ nache ma baptism tef odu Ata kpai e-O̩ma kpai e-Afu Kiafo̩;

Matiu 26:13

Ami, naka ñwu me̩, kakini, Ugbo du ku ma fʼakoya Uche̩nyo̩-i ta o̩gbo̩ ile̩-i du, ma ñʼadʼe̩wñ kʼonobule̩-i che ka, kʼi chʼurewa-wñ.

Je̩re̩maya 16:19

O Jihofa, ukpahiu-mi kpʼaku-mi, kʼe̩ chʼokoubi-mi iko o̩bata, abo uche̩ichi uche̩ichi du awʼugbo-we̩ kwʼukpoji ukpoji ane̩-ile̩, ma la akakini, Amata-wa je̩ e̩wñ ogu du tʼo̩lemi le̩ n, e̩wñ ibe̩te̩ ki ma nʼile du efu n.

Matiu 4:8

Abulumone̩ le̩ ño̩ dabi mʼowñ du le tʼoj uwo kʼi gbo̩gba tabale, oñ i mʼojane̩, ojane̩ ile̩-i du du ñʼo̩, kpʼojima-wñ.

Aizaya 52:10

Jihofa mʼo̩wo̩-wñ kiafo̩ du dufu eju abo uche̩ichi du; oñ ukpoji ukpoji ane̩-ile̩-i du ali ujadu e-O̩jo̩-wa.

Aizaya 49:6

oñ i kakini, Todu kʼuwe̩ ki chʼadu-mi kʼe̩ kʼabo̩lo̩pu o̩lo̩pu Jeko̩b kwane̩, kʼe̩ kʼabo Israe̩l ku ma fejutʼo̩ le̩ dabi tʼe̩gu-ma, chʼe̩wñ fuye̩ tʼuwe̩ le; naño̩ dʼuwe̩ chʼugane̩ ñw abo uche̩ichi, kʼuwe̩ ki chʼujadu-mi gbogbo tʼukpoji ane̩ ile̩.

Eli Eko̩ DʼO̩jo̩ 98:3

I rewa ufe̩de̩nyo̩-wñ kpai ubi one̩ kʼi ache ñw abo unyi Israe̩l me̩. Ukpoji ane̩ ile̩-i du fʼujadu O̩jo̩-wa li me̩.

Eli Eko̩ DʼO̩jo̩ 22:27

Ukpoji ukpoji ane̩ ile̩ du arewa oñ ma arida tʼugbo Jihofa; abo akwo̩ra unyi akwo̩ra unyi abo uche̩ichi chaka adojikane̩ o̩gba-we̩.

Aizaya 24:16

A gbo̩ abu ku ma jʼukpoji ile̩ akʼeli dʼO̩jo̩ kakini, E̩no̩kpakpa ki nʼuto̩. U muda kakini, Egbo̩gbe̩ nagbo̩-gbe̩, egbo̩gbe̩ nagbo̩gbe̩. Atogwo chʼe-mi! Todu abo ku ma dʼo̩wo̩ lef ukpo arʼo̩kpo̩, fʼo̩kpo̩-ma ro̩ me̩, ochochi, abo ku ma dʼo̩wo̩ tef ukpo arʼo̩kpo, fʼo̩kpo̩-ma ro̩ bie̩ne̩ bie̩ne̩ me̩.

1 Amonu 18:10

Oji Jihofa, O̩jo̩-we̩, uche̩ichi amone̩ kpʼojane̩ ugbo kʼodu-mi ma kpʼone̩ uche̩ atene we̩ n i de̩ n; oñ e̩gba ku ma kakini, I dʼemi n, i je̩ ñw abo ojane̩ kpai uche̩ichi le̩ go ka kʼama li uwe̩ n.

Abo Rom 15:19

ef ukpahiu ujiwe kpai uno̩ ef ukpahiu Afu Kiafo̩; todabe̩le̩ akwo Je̩rusale̩m kpai ane̩ ki lʼo daka gbogbo wa Iliriko̩m, omi fʼUche̩nyo̩ Kraisti je̩rʼuma kpa;

E̩wñ kʼAme̩nukpuche̩ Che 28:23

Oñ abu ku ma fʼo̩jo̩ da ñw u amone̩ ño̩ wa ef uru ugbo-wñ tule. I fʼo̩la le̩ kajane̩ ñw ma, i gba ojane̩ O̩jo̩ ibenu nyo̩nyo̩, i nʼo̩lo̩da Mose̩s kpʼamakache̩ tʼuma eju gu ugbo e̩wñ Jisus kwʼodudu gbogbo wʼane̩.

Mark 16:20

Tak abo le̩ ledufu atakoya ugbo du, Ondu la bʼuma chuko̩lo̩, i je̩ ñw O̩la le̩ lonyane̩ lef ujiwe ki tʼo̩ ubi.]

E̩wñ kʼAme̩nukpuche̩ Che 26:20

Ama u mudu ka ñw abo Damaskus ejodudu, kpʼabo Je̩rusale̩m kpʼabo ane̩ Judia chaka, kpʼabo uche̩ichi ka ku ma ki ribeda ku ma laño̩ rida abʼO̩jo̩ ku ma nʼuko̩lo̩ ki chʼeju ibe erida ache.

E̩wñ kʼAme̩nukpuche̩ Che 1:8

Me̩ muda agba ukpahiu e̩gba kʼAfu Kiafo̩ lewa bʼume̩ ma, tak ame̩ achʼame̩nibenu-mi Je̩rusale̩m kpai Judia kpai Samaria chaka kpai gbogbo wʼukade ane̩ ile̩.