Abo Rom 10:12 - O̩TAKADA O̩LA O̩JO̩ 1970

¹² Todu e̩ne̩-Ju kpai e̩ne̩-Grik chʼojoji ñw omune̩ n; todu owñ okate le̩ gbage̩de̩ chʼOndu e̩wñ du, i chʼanana ñw abo du ku ma kwadʼowñ.

Abo Rom 10:12 ပူးပေါင်းရင်းမြစ်များ

Abo Filipai 4:19

O̩jo̩ e-mi la ache kʼe̩wñ kʼeku-wñ aku me̩ ki jo̩ kpa ñwu me̩ teju alu kʼanana-wñ de̩ ef ojima efu Kraist Jisus.

O̩la E̩bite 17:14

Abo-i akʼogu bʼO̩mala le̩, tak O̩mala le̩ afʼuma du todabu kʼowñ chʼOndu amodu kpʼOnu amonu, abo ku ma la jʼugbo-wñ chʼabo ku ma do̩ kpʼabo ku ma chi kpʼabo ku ma chubi-wñ.

Abo Rom 3:22

owñ chʼo̩kpakpa e-O̩jo̩ ki lʼef e̩do̩ ekono Jisus Kraisti tugbo abo du ku ma ke̩do̩no; todu i nʼojoji ojoji n;

Abo Galatia 3:28

Ju kpai Grik neke do̩mo̩ ge̩ n, adu kpai o̩mone̩ la neke do̩mo̩ ge̩ n, e̩ne̩ke̩le̩ kpai onobule̩ la aneke do̩mo̩ ge̩ n; todu o̩chaka me̩ chʼokate efu Kraist Jisus.

Eli Eko̩ DʼO̩jo̩ 86:5

Todu uwe̩, Ondu, chʼe̩ne̩nyo̩, uwe̩ hika tʼo̩la no̩ ñw one̩, ufe̩de̩nyo̩-we̩ la chʼe̩kute̩ ñw abo du ku ma kwadʼuwe̩.

Abo Ko̩lo̩se 3:11

owñ chʼugbo ku Grik kpai Ju kpai e̩pi-eda kpai e̩pi-odukulu kpai e̩ne̩ ki aka o̩gudo̩gudo, kpai Ske̩tain, kpʼadu, kpʼo̩mone̩ ma ño̩ de̩ ge̩ n, chai Kraisti chʼo̩gbo̩dudu e̩wñ, i la dʼef e̩wñ du.

Eli Eko̩ DʼO̩jo̩ 145:18

Jihofa me̩ru abo du ku ma kwadʼowñ, owñ chʼabo du ku ma kwadʼowñ ef ochochi.

1 Timoti 2:5

Todu O̩jo̩ chʼoka, e̩nagbagba O̩jo̩ kpʼamone̩ laño̩ chʼoka ge̩, owñ chʼone̩ Kraisti Jisus,

Abo Filipai 2:11

kʼukpalu du ki la agbalu kakini Jisus Kraist che Ondu tod ojima O̩jo̩ Ata.

Abo E̩fe̩sus 3:6

O̩wñ chʼeka kʼabo uche̩ichi kpai amaju chʼabo kʼama de̩de̩ aje̩ e̩wñ ogu le̩, ama de̩de̩ la chʼaño̩laʼka, ama de̩de̩ la ñʼadama nyʼe̩wñ ku ma ko̩la-wñ tane̩ le̩ efu Kraist Jisus lef Uche̩nyo̩,

O̩la E̩bite 19:16

Oñ i chenʼodu ki che̩ko̩ o̩lʼotogbo-wñ kpʼoj uta-wñ kakini, Onu amonu, kpai Ondu amodu.

Abo E̩fe̩sus 1:7

Ela wa tane̩ ku ma la wa tane̩ a ne̩ ef uwñ lef e̩bie̩-wñ, owñ chʼeto̩no̩ kʼi tʼuñwa-nane̩-wa no̩ ñwu wa tʼeju alu kʼunana ufe̩de̩nyo̩ e-wñ de̩.

Abo Rom 14:9

Todu e̩wñ le̩ Kraisti leku, i ño̩ deju ge̩, owñ chʼutodu kʼi mud Ondu abo ki ku kpai abo ki deju.

Abo Rom 2:4

Abe̩k uwe̩ adʼunana umo̩la-wñ kpai o̩wo̩ kʼi damʼuwe̩ kpai e̩do̩-wñ kʼi je̩ rʼo̩che̩ke̩ne̩? E̩ ma ka kʼumo̩la O̩jo̩ anʼuwe̩ nyʼugbo uribeda n?

Aizaya 55:6

Me̩ tejane̩ Jihofa abu kʼi dʼugbo kʼame̩ ali, me̩ kwadʼo̩ abu kʼi me̩ra anane̩;

Abo Ko̩lo̩se 1:27

Oñ i dʼO̩jo̩ e̩do̩ kʼi je̩ ñw abo le̩ ma e̩wñ ki chʼunana ojima afili-i ef abo uche̩ichi, kʼafili kʼa ka-i che Kraisti ef ume̩, kʼowñ chʼukibeno ojima le̩.

2 Abo Ko̩rint 8:9

Todu ame̩ chema ufe̩de̩nyo̩ e-Ondu-wa Jisus Kraist, kakini, Abu kʼi chaka chʼanana, todu me̩ i mud e̩nale, todu kʼame̩ ki mud anana lef ale-wñ le̩.

1 Abo Ko̩rint 15:47

One̩ e-ejodudu le̩ kwef ane̩ ile̩-i, ebutu i che: one̩ e-ekeji kwʼefojale.

1 Abo Ko̩rint 1:2

tugbo ujeju abudo̩ O̩jo̩ ki de̩ Ko̩rint, ku ma je̩ ñw ma fo̩ efu Kraisti Jisus, abo kiafo̩ tod edo̩ ku ma do̩ ma, manyʼabo ugbo du ku ma jʼakwadʼodu Ondu-wa Jisusi Kraist, e-ma kpai e-wa:

Abo E̩fe̩sus 2:7

todu kʼi dʼunana ufe̩de̩nyo̩ ki tabale ef emo̩la kʼi mo̩la ñw a efu Kraist Jisus le̩ ñe̩ña ef o̩kpanachi du ki awa.

Abo E̩fe̩sus 2:4

Ama O̩jo̩, kʼi chʼanana ef ejumomi eli, lef ufe̩do̩-wñ nana kʼi ne̩ fe̩do̩ wa,

Abo Rom 15:12

Aizaya ño̩ ka kakini, Ili Je̩si ado̩mo̩, kpai e̩ne̩ ki akwane̩ kʼi chʼe̩nuto̩gba abo uche̩ichi uche̩ichi; abo uche̩ichi akibenʼowñ.

E̩wñ kʼAme̩nukpuche̩ Che 9:14

tʼemi ge̩, i ño̩ nʼo̩da kwugbo amagboji amatama kʼi fʼabo du ku ma do̩ odu-we̩ ji.

Abo E̩fe̩sus 3:16

todu kʼi du ñwu me̩, teju alu kʼunana ojima-wñ de̩, kʼukpahiu-me̩ ki nyo̩gba ku me̩ gbiti ef one̩ e-ejefu lef Afu-wñ;

Abo E̩fe̩sus 3:8

Omi ki nya tʼabo kiafo̩ du le, oñ ma du ufe̩de̩nyo̩ kide̩ ñw u, kʼu fʼuche̩nyo̩ unana Kraist e-kʼo̩kpa-wñ ma je̩ ate̩ n le̩ je̩ rʼabo uche̩ichi;

E̩wñ kʼAme̩nukpuche̩ Che 7:59

Oñ abu ku ma narʼokuta do Stifan i nadu-do̩, i kakini, Ondu Jisus, mʼafu-mi gba.