Abo Ko̩lo̩se 4:7 - O̩TAKADA O̩LA O̩JO̩ 1970

⁷ Taikikus, o̩maye-ufe̩do̩, kʼi ache e̩wñ ñw one̩, kʼi ñʼachʼubi odu-wñ, kʼowñ kpʼomi chʼadu ef Ondu, aje̩ ñwu me̩ ma alu kʼe̩wñ du de̩ ugbo mi.

Abo Ko̩lo̩se 4:7 ပူးပေါင်းရင်းမြစ်များ

2 Timoti 4:12

U la fu Taikikus kpuche̩ nyʼE̩fe̩sus.

E̩wñ kʼAme̩nukpuche̩ Che 20:4

Oñ Sopater e-Pairus e̩ne̩ Be̩rea, kpʼAristarkus kpai Sekundus abo Te̩se̩lo̩nia kpai Gayo̩s abo De̩rbi kpai Timoti kpai Taikikus kpai Trofimus abo Esia fʼahite̩ owñ che gbogbo wʼEsia.

Taito̩s 3:12

E̩gba du kʼu nakpe̩ Arte̩mas abe̩-ku Taikikus wʼugbo we̩, e̩ ki che̩do̩ chacha kʼe̩ wʼugbo mi Niko̩po̩lis; todu u fʼibe-mi kpe̩ ka kʼu nagugu o̩mo̩ uwo-i.

Abo Ko̩lo̩se 4:9

One̩simus, kʼi chʼo̩maye kʼi achubi one̩ kpai e-ufe̩do̩, kʼi ño̩ chʼe̩ne̩-me̩ʼka, manyʼu o̩la. Ama le̩ aje̩ ñwu me̩ ma e̩wñ emi chaka.

Abo Ko̩lo̩se 4:12

Ipafras, kʼi chʼe̩ne̩-me̩ kʼi chʼadu Kraist Jisus kʼi afejugbiti todu me̩ e̩gba du ef adua-wñ, todu kʼame̩ ki mufu dago kʼe̩wñ du ki dʼO̩jo̩ e̩do̩ ki jo̩ kpa o̩la-me̩, agwa me̩.

Abo Filipai 2:25

Eju-mi i la dukpe̩ kʼu kpe̩ E̩pafrodaitus, o̩maye-mi kʼi abʼumi chuko̩lo̩ kʼomi kpʼowñ la chʼisoja kʼi la chʼe̩nukpuche̩ e-me̩ kʼi chabune̩ mi ef eku e̩wñ ki ku mi, wʼugbo me̩-i ge̩;

Abo Ko̩lo̩se 1:7

alu ku me̩ ko̩che̩ ugbo Ipafras, e̩nufe̩do̩ kʼa kpʼowñ chʼadu, kʼi ño̩ chʼache e̩wñ e-Kraisti kʼi achʼubi-wñ todu me̩.