Abo Ko̩lo̩se 4:1 - O̩TAKADA O̩LA O̩JO̩ 1970

¹ Amodu one̩, me̩ nache e-ki chʼo̩kpakpa kpai e-ki chʼeju-wñ ñw amadu-me̩; abu ku me̩ chema ka kʼame̩ ño̩ nʼOndu efojale ge̩.

Abo Ko̩lo̩se 4:1 ပူးပေါင်းရင်းမြစ်များ

O̩la E̩bite 17:14

Abo-i akʼogu bʼO̩mala le̩, tak O̩mala le̩ afʼuma du todabu kʼowñ chʼOndu amodu kpʼOnu amonu, abo ku ma la jʼugbo-wñ chʼabo ku ma do̩ kpʼabo ku ma chi kpʼabo ku ma chubi-wñ.

Jeme̩s 2:13

Todu ajo̩ e̩ne̩ ki ma ali ejumomi one̩ n anʼejumomi eli ef uwñ n. Ejumomi muda abuba ñw ajo̩.

Jeme̩s 5:4

Me̩ go, ome̩ abuko̩lo̩ ku ma kpa e̩wñ oko-me̩ e-ku me̩ gwo̩nyʼu afuma le̩ nakwa; oñ ukwa abo ku ma kʼe̩wñ oko-me̩ wʼunyi la raugudu tʼeti Ondu ki nʼe̩wñ du me̩.

Ako̩la ñw Ujeju 5:8

Iche̩wñ kʼe̩ li abu ku ma tʼame̩nu-kpa mane̩, kʼame̩nafuma mʼoii ajo̩ ochochi, kpʼo̩kpakpa ko bʼoj ane̩ʼka te̩, o̩la le̩ ki chʼe̩ awuwu n; todu e̩ne̩ ki dʼate̩ ñw abo ate̩ anyeti; abo ku ma jʼate̩ ñw ama do̩mo̩.

O̩la E̩bite 19:16

Oñ i chenʼodu ki che̩ko̩ o̩lʼotogbo-wñ kpʼoj uta-wñ kakini, Onu amonu, kpai Ondu amodu.

Luku 19:15

Oñ i leatu, ef edabiwa-wñ, abu kʼi mʼojane̩ le̩ gba, i ka kʼama ki fʼamadu kʼi kʼo̩ko̩ ñwu ma le̩ do̩ wʼugbo-wñ, todu kʼi ma ile e̩wñ ku ma je̩ ef inyama ku ma che.

Malakai 3:5

Tak omi ate̩me̩rʼume̩ tod ajo̩; oñ nagbibenu piopio nyʼamochu, kpai abo ku ma tene o̩ya one̩ kpai abo ku ma go̩ olemi kpai abo ku ma che abuko̩lo̩ uji ef o̩me̩ ku ma ra ñwu ma, kpai abo ku ma che o̩yaukuo̩ko̩ kpai e̩ne̩ ki ma nʼata n uji; kpai abo ku ma fʼilowa ke̩che̩ tʼo̩wo̩ʼka, ku ma ma la railo mi n, Jihofa ki nʼe̩wñ du ka-i.

Abo Lifai 19:13

E̩ ki la che ekeji-we̩ o̩lachi n, e̩ ki jʼowñ oji n. O̩me̩ e̩nuko̩lo̩-we̩ ki le̩ ñw o̩jo̩ o̩wo̩-we̩ n.

Aizaya 58:3

E̩wñ chi kʼa ji alu kʼe̩ ma la li n? E̩wñ chi kʼa chʼonugo-wa o̩bata kʼe̩ ma la dibetʼo̩ n? Go, o̩jo̩ alu eji-me̩ me̩ li e̩wñ ki arʼame̩ onugo e̩do̩, oñ me̩ dʼame̩nuko̩lo̩-me̩ mʼane̩.

Matiu 20:4

Oñ i ka ñw abo le̩ kakini, Ame̩ ki ño̩ nyʼef uche̩ achiwebe̩te̩ma-mi, tak e̩wñ du kʼi chʼo̩kpakpa-wñ nara ñwu me̩. Oñ ma le.