Abo Ko̩lo̩se 3:9 - O̩TAKADA O̩LA O̩JO̩ 1970

⁹ Me̩ ki rʼomune̩ olemi n, abu ku me̩ mʼe̩ne̩ igbele le̩ kpai e̩wñ kʼi ache gwo̩-jane̩,

Abo Ko̩lo̩se 3:9 ပူးပေါင်းရင်းမြစ်များ

Abo E̩fe̩sus 4:25

Lef e-le̩ me̩ nakʼolemi jane̩, kʼe̩ne̩ne̩ne̩ne̩-me̩ ki kʼochochi kpai ekeji-wñ; todabu kʼawa chʼe̩wñ o̩la omune̩.

Abo E̩fe̩sus 4:22

kʼame̩ ki mʼone̩ e-igbele, ugbo e̩wñ kʼi te̩tache akwoubi le̩, kojane̩, abu kʼe-le̩ chile̩che̩ te̩ teju e̩ño̩ e̩wñ ki adʼone̩ ibe;

Abo Lifai 19:11

Ame̩ ki joji n; me̩ ki chuji n; me̩ ki la rʼomune̩ olemi n.

Jo̩n 8:44

E̩te̩-me̩ chʼata-me̩ Abulumone̩ le̩, oñ e̩ño̩ e̩wñ ata-me̩ dʼume̩ e̩do̩ ku me̩ che. E̩ne̩ le̩ chʼakpone̩ kwʼabakwane̩, i la dago ef ochochi n, todabu kʼochochi ma dʼef uwñ n. E̩gba du kʼi ako̩la ki chʼolemi, kwef e̩wñ e-wñ oñ i aka le̩ todabu kʼi chʼe̩nolemi, ata-wñ i la che.

Abo Rom 6:6

A chema ka ku ma mʼone̩ kʼa che igbele du kamoli manyʼowñ, todu kʼaño̩la e-adure ki gbogili te̩, kʼawa ki we echʼuko̩lo̩ adu ñw adure;

Ze̩fanaya 3:13

abo Israe̩l ku ma bo̩ re le̩ achʼuji n, ma ñʼarʼolemi ge̩ n, ma ñʼali ukpalu ayechi ef alu-ma n. Ma muda aje̩ e̩wñ taku ma adachi, i la anʼe̩ne̩ du kʼi anyʼuma okpo n.

O̩la E̩bite 22:15

Amabia kpʼamachobochi kpʼame̩-nabutabu kpʼamakpone̩ kpʼamachode kpʼe̩ne̩ du ki ache̩do̩ e̩wñ olemi ki laño̩ che jʼo̩do̩da-wñ.

O̩la E̩bite 21:27

I la nʼugbo du kʼe̩wñ o̩ja ofo kpʼe̩ne̩ ki ache e̩wñ ihie̩ne̩ kpʼe̩wñ olemi agudu wʼef uwñ n, chai abo ku ma che̩ko̩ rʼef ibuku e-iñmi e-O̩mala le̩ kate.

1 Timoti 1:10

kpʼame̩nabutabu kpʼaboke̩le̩ ku ma bʼaboke̩le̩ dachi kpʼabo ku ma mʼone̩ taje̩ kpʼamaremi kpʼabo ku ma ge̩bo̩ olemi kpʼe̩wñ du ki bo̩ kʼi akobʼuko̩-o̩la o̩lafia

O̩la E̩bite 21:8

I la chʼe-amachokpo, kpʼabo ku ma ko ke̩do̩no, kpʼabo ihie̩ne̩, kpʼamakpone̩, kpʼame̩-nabutabu, kpʼamachobochi, kpʼamachode, kpʼamaremi chaka, ukpe̩ e-ma chʼef ubu ki ajo una kpai itolu; e-le̩ chʼuku ekeji.

Abo Ko̩lo̩se 3:8

Ama fa-i me̩ ki ño̩ kʼe̩wñ-i du rinyo̩ ge̩: owñ chʼuwe̩do̩, e̩do̩fulu, e̩bie̩ne̩ ali, echakpabie̩, kpʼo̩la-anyo̩ ki akwef alu-me̩.

Aizaya 63:8

Todu i kakini, Ochochi, abo-mi ma che, amo̩ma ku ma ma jʼaremi n; abe̩le̩ i mud E̩najadu-ma.

Ze̩karaya 8:16

E̩wñ ku me̩ ache de̩, E̩ne̩ne̩ne̩ne̩-me̩ ki nakʼochochi kpʼeke-ji-wñ, kʼajo lʼo̩na ochochi kpai ure̩do̩ alaku-me̩,

Ita, Ita 13:5

Olemi ero̩ chʼe̩wñ ulaka e̩no̩kpakpa, e̩ne̩bibi muda akʼone̩ e̩do̩fulu ire̩, anyo̩ la amʼu.