Abo Ko̩lo̩se 3:5 - O̩TAKADA O̩LA O̩JO̩ 1970

⁵ Todule̩ me̩ ki fʼe̩wñ año̩la-me̩ kʼi jʼoj ane̩-ile̩-i kpa ku; e̩wñ le̩ che e̩wñ abutabu, iwa, udo̩laga e̩wñ ki ma nyo̩ n, e̩ño̩ e̩wñ e̩bie̩ne̩, ejufufu, owñ chʼode eche;

Abo Ko̩lo̩se 3:5 ပူးပေါင်းရင်းမြစ်များ

Abo Rom 8:13

todu iche̩wñ kʼame̩ deju achʼe̩wñ tʼikpa o̩re̩la, maku me̩ che ku me̩ ku de̩; ama iche̩wñ ku me̩ nʼAfu le̩ fʼe̩wñ kʼaño̩la ache che ño̩ che̩ kpa ku, ame̩ adeju.

Abo Galatia 5:24

Oñ abo Kraist Jisus fʼo̩re̩la kpʼudo̩laga-wñ kpʼe̩ño̩ e̩wñ ki ache kamoli me̩.

Abo Rom 6:13

Me̩ ki la mʼe̩wñ año̩la-me̩ ko jo̩ ñw adure kʼi chʼido̩na uji n; me̩ ki muda kʼonugo o̩la-me̩ jo̩ ñw O̩jo̩, dabe̩ne̩ kʼame̩ kwef uku adeju me̩, ku me̩ la kʼe̩wñ año̩la chʼido̩na o̩kpakpa jo̩ ñw O̩jo̩.

1 Pita 2:11

Ame̩nufe̩do̩, nagbo̩ko̩bʼume̩ ku me̩ hi ubi bʼe̩ño̩ e̩wñ o̩re̩la te̩ dabe̩ne̩ kʼame̩ chʼabononojo kpʼamilowa emi; owñ chʼe̩wñ kʼo̩re̩la achʼe̩ño̩-wñ ki akʼogu bʼonugo one̩.

1 Abo Ko̩rint 6:18

Me̩ ki ra bʼe̩wñ abutabu eche te̩. E̩wñ adure du kʼone̩ chaka ache ej o̩do̩da año̩la i de̩, ama e̩ne̩ ki achʼabutabu kpʼajo̩ko̩, año̩la e-wñ onugo i adure le̩.

Abo E̩fe̩sus 4:19

abo le̩, abu kʼe̩wñ du ma wo̩ ma eju ge̩ n, ma mʼo̩la-ma kojo̩ ñw e̩wñtuñ eche ku ma che uko̩lo̩ du ki ma de̩ hiolo n ef eju-fufu.

2 Abo Ko̩rint 12:21

tode̩gba kʼu lewa kʼO̩jo̩-mi año̩ fa mi wane̩ eju-me̩ ge̩, kʼomi adaido̩ tod abo wewe ku ma dure akwoubi ku ma ma ribeda ugbo e̩wñ iwa kpʼabutabu kpʼe̩wñtuñ ku ma te̩tache le̩ n.

O̩la E̩bite 21:8

I la chʼe-amachokpo, kpʼabo ku ma ko ke̩do̩no, kpʼabo ihie̩ne̩, kpʼamakpone̩, kpʼame̩-nabutabu, kpʼamachobochi, kpʼamachode, kpʼamaremi chaka, ukpe̩ e-ma chʼef ubu ki ajo una kpai itolu; e-le̩ chʼuku ekeji.

Abo Rom 7:23

u muda ali o̩lo̩da omune̩ ef e̩wñ año̩la-mi ki akʼogu bʼo̩lo̩da e-ibe-mi, kʼi amu mi ef o̩lo̩da adure e-ki dʼef e̩wñ año̩la-mi.

Matiu 15:19

Todu ef e̩do̩ oñ ibe bibi elo kpai one̩ ekpa kpai e̩ño̩ya eche kpai e̩wñ abutabu eche kpai oji eji kpai ibenu olemi egba kpai akpabie̩ eka adufu kwo wa.

O̩la E̩bite 22:15

Amabia kpʼamachobochi kpʼame̩-nabutabu kpʼamakpone̩ kpʼamachode kpʼe̩ne̩ du ki ache̩do̩ e̩wñ olemi ki laño̩ che jʼo̩do̩da-wñ.

Jeme̩s 4:1

Uja e̩gidi kpʼogu ki awʼef ume̩ fa, ugbo i kwo ta? I chʼugbo e̩wñ ki abʼume̩ e̩do̩ ki jʼef e̩wñ año̩la-me̩ aja le̩ i kwo n?

1 Abo Ko̩rint 6:13

Uje̩wñ chʼutod ukulu, ukulu la chʼutod uje̩wñ; ama tʼe-i tʼe-le̩ O̩jo̩ aje̩ ñw ejeji-wñ gbogili te̩. Año̩la la chʼutodu e̩wñ abutabu eche n, chai tod Ondu, oñ Ondu chʼutodu año̩la.

Abo Rom 6:6

A chema ka ku ma mʼone̩ kʼa che igbele du kamoli manyʼowñ, todu kʼaño̩la e-adure ki gbogili te̩, kʼawa ki we echʼuko̩lo̩ adu ñw adure;

Abo Hibru 13:4

Echʼo̩ko̩ ñw o̩ya ki chʼe̩wñ ojima ef e̩wñ du, ojʼate̩-ma ki de̩ jali; todu O̩jo̩ akajo̩ ame̩nabutabu kpʼabo ku ma tene o̩ya one̩.

Abo Hibru 12:16

tode̩gba kʼe̩ne̩ du chʼe̩nabutabu abe̩k e̩ne̩ ki ma dinye̩rʼe̩wñ n dabe̩ne̩ kʼIso̩ kʼi mʼo̩da o̩mo̩gba-wñ du ta tod o̩kpa o̩je̩ʼka de̩.

1 Te̩s 4:3

Todu e̩wñ ki dʼO̩jo̩ e̩do̩ de̩, owñ che kʼame̩ ki nafo̩, ku me̩ fʼo̩wo̩ mʼo̩la ne̩ bʼe̩wñ abutabu eche te̩,

1 Abo Ko̩rint 5:1

Ma ro̩ pee kakini, Abutabu eche dʼef ume̩, owñ chʼe̩go̩ abutabu ki ma la dedʼef abo uche̩ichi n, owñ cheka kʼe̩ne̩ʼka ne̩ o̩ya ata-wñ.

Abo Rom 7:5

Todu, e̩gba kʼa jʼef o̩re̩la ali udo̩laga e̩wñ adure ki lef o̩lo̩da wa eche, chuko̩lo̩ ef e̩wñ año̩la-wa, kʼawa re̩ro ñw uku.

Abo Rom 1:29

Uji du che̩ko̩ ef uma kpai e̩wñ bibi kpʼejufufu kpʼe̩bie̩ne̩. Ma che̩ko̩ tiili ñw ulie̩na kpʼone̩ ekpa kpʼaro̩ kpʼo̩gwo̩ kpʼe̩bie̩ne̩ efu. Ma chʼamaka ye̩ye̩ nyʼone̩;

Abo Rom 1:26

Lef e-le̩ O̩jo̩ fʼuma turʼudo̩laga e̩wñ ki achʼone̩ ukata eche; todu i chaka chʼabobule̩, ma fʼe̩wñ ki chʼukpe̩ ku ma che rida tef e̩wñ ki ma chʼukpe̩ kʼone̩ ache n.

1 Te̩s 4:5

i ki we echʼef udo̩laga e-e̩ño̩ e̩wñ eche alu kʼabo uche̩ichi ku ma ma mʼO̩jo̩ n ache le̩,

1 Abo Ko̩rint 6:11

Abo iche̩ka ef ume̩ la dabe̩le̩ akwoubi; ma muda fʼume̩ o̩la gwe, ma fʼume̩ che ku me̩ fo̩ me̩, ma la fʼale da ñw me̩ ef odu Ondu Jisusi Kraisti kpʼef Afu O̩jo̩-wa.

Abo Ko̩lo̩se 2:11

Ef uwñ le̩ ma laño̩ fʼume̩ e̩pi da ef año̩la e-o̩re̩la ekojane̩, ef e̩pi-eda e-Kraist; e-le̩ chʼe̩pi kʼo̩wo̩ one̩ ada de̩ n.

1 Timoti 6:10

Todu eche̩do̩ o̩ko̩ chʼili e̩wñ bie̩ne̩ du; owñ chʼe-kʼabo iche̩ka fʼo̩wo̩ nadala rʼu oñ i ko ma la bʼe̩do̩ ekono te̩, i la nʼiwo̩ wewe gunyʼo̩la-ma.

Abo Hibru 13:5

Alu ku me̩ de̩ ache e̩wñ ile̩-i ki nʼo̩ko̩ eche̩ño̩-wñ n; e̩wñ ki dʼugbo me̩ abu ku me̩ jo̩-i ki nabʼume̩ jo̩; todu owñ onugo kakini, I nʼugbo du kʼu nabʼo̩wo̩ lo̩ ugbo we̩ n, i la nʼugbo du kʼu nadʼuwe̩ tinyo̩ n.

Akwodufu 37:22

Akpo-wñ kpai e̩to̩-wñ chʼalukate kpai owñ; o̩chaka-wñ chʼuko̩lo̩ ku ma nʼo̩jamalia hiolo gwu alukate.