Abo Ko̩lo̩se 3:17 - O̩TAKADA O̩LA O̩JO̩ 1970

¹⁷ Oñ e̩wñ du ku me̩ che, ef o̩la eka abe̩k ef uko̩lo̩ eche, e̩wñ du ki chʼef odu Ondu Jisusi, me̩ ki nagwʼO̩jo̩ Ata ugwa lef uwñ.

Abo Ko̩lo̩se 3:17 ပူးပေါင်းရင်းမြစ်များ

1 Abo Ko̩rint 10:31

Todule̩ dagba me̩ je̩, dagba me̩ ñmo̩, dagba me̩ che e̩wñ, me̩ ki chʼe̩wñ du tef ojima O̩jo̩.

Abo Ko̩lo̩se 3:23

e̩wñ du ku me̩ che, me̩ nachuko̩lo̩ le̩ kpʼe̩do̩ʼka, dabe̩ne̩ kʼOndu me̩ che ñwu, kʼi ma chʼone̩ n;

Ita, Ita 3:6

E̩ ki fʼowñ ma o̩na du kʼe̩ le, tak owñ adʼikpa ikpa-we̩ o̩kpoo-lo.

Abo E̩fe̩sus 5:20

ugwa egwa O̩jo̩, owñ chʼAta, tod e̩wñ du ef odu Ondu-wa Jisus Kraist ki nʼuda n;

1 Pita 4:11

Iche̩wñ kʼe̩ne̩ du ko̩la, i ki ko̩la dabe̩ne̩ kʼo̩la e-O̩jo̩ i aka; iche̩wñ kʼe̩ne̩ du nʼe̩wñ eche ñw one̩, i ki che dabe̩ne̩ kʼukpahiu e-kʼO̩jo̩ du ñw u i nʼache; todu kʼO̩jo̩ ki nʼojima ef e̩wñ du lefu Jisus Kraisti, e-kʼojima kpai ukpahiu chʼe-wñ tʼogbegbele̩ nyile̩wa. Ami.

1 Te̩s 5:18

Me̩ fʼugwa-wñ gwa ef e̩wñ du, todu e̩wñ ki dʼO̩jo̩ e̩do̩ efu Kraisti Jisus ñwu me̩ le̩ de̩.

1 Pita 2:5

Ama ño̩ jʼako me̩ ne unyi e-Afu dabe̩ne̩ kʼame̩ chʼokuta ki deju, ku me̩ chʼuche̩ amatama kiafo̩, kʼame̩ ki kʼe̩wñ iche̩bo̩ Afu e-ki nyo̩ O̩jo̩ eju kʼi gba lefu Jisus Kraisti wa.

Abo Hibru 13:15

Todule̩ a ki dʼuñwulo̩ wa ñw O̩jo̩ e̩gba du kʼi chʼe̩wñ iche̩bo̩-wñ, e-le̩ chʼe̩ro uko ki agbalu ñw odu-wñ.

1 Jo̩n 3:18

Amo̩ma-mi, awa ki nʼuko̩lo̩ kpʼukpalu ofofo fe̩do̩ n, chai uko̩lo̩ kpʼochochi.

1 Pita 2:9

Ame̩ muda chʼo̩lo̩pu kʼO̩jo̩ chi. Me̩ chʼuche̩ amatama kʼo̩wo̩ onu ne̩ me̩, abo uche̩ichi kiafo̩, amone̩ todu kʼo̩wo̩-wñ ki ne̩ me̩ ki nʼugbo ku me̩ akʼunyo̩-wñ dufu, owñ ki fʼume̩ do̩ kwef e̩chubi tef ugane̩-wñ ki chʼawuwu le̩.

Maika 4:5

Todu amone̩ ojoji ojoji du e̩ne̩ne̩ne̩ne̩ alule̩ ef odu o̩jo̩ e-wñ, awa muda alule̩ ef odu Jihofa O̩jo̩-wa ogbegbele̩ nyile̩wa.

Abo Filipai 2:11

kʼukpalu du ki la agbalu kakini Jisus Kraist che Ondu tod ojima O̩jo̩ Ata.

E̩wñ kʼAme̩nukpuche̩ Che 4:30

abu kʼe̩ nʼo̩wo̩-we̩ dala kʼe̩ chʼo̩ga kpa; kʼujiwe kpai uno̩ ki wa che lef odu Jisus, imo̩to̩-we̩ kiafo̩.

2 Abo Te̩se̩lonaika 2:17

owñ le̩ ki nadʼe̩do̩ e̩gbo ñwu me̩ kʼi laño̩ hi ume̩ e̩re̩ nyane̩ ef uko̩lo̩ ki nyo̩ du kpʼef o̩la ki nyo̩ du.

Abo Filipai 1:11

E̩ro o̩kpakpa ki kʼume̩ efu lefu Jisus Kraist tod ojima kpai uñwulo̩ O̩jo̩.

E̩wñ kʼAme̩nukpuche̩ Che 19:17

Oñ i mud e̩wñ kʼabo du ku ma dodo E̩fe̩sus ma, tʼamaJu chaka kpai amaGrik; tak ailo lewa abʼuma ma chaka, oñ odu Ondu Jisusi mud inaina.

Abo Ko̩lo̩se 1:12

Me̩ nagwa Ata kʼi je̩ ñw a bʼukpe̩ e̩wñ ogu e-abo kiafo̩ jo̩ ef ugane̩.

Abo E̩fe̩sus 1:17

todu kʼO̩jo̩ e-Ondu-wa Jisus Kraisti, Ata ojima le̩, kʼi nadʼafu e-ibe ñwu me̩ kpai e-o̩la ebite̩ ku me̩ ki fʼowñ ma ogbolo;

Abo Ko̩lo̩se 2:7

abu ku me̩ tʼili mʼane̩ ku ma la fʼume̩ ne ef uwñ kʼe̩re̩-me̩ la chelonyane̩ ef e̩do̩-ekono-me̩, alu ku ma ko̩ me̩ le̩, ugwa egwa-me̩ ki chʼololo.

Matiu 28:19

Todule̩ me̩ nyʼafʼabo uche̩ichi uche̩ichi du chʼamako̩che̩; me̩ nache ma baptism tef odu Ata kpai e-O̩ma kpai e-Afu Kiafo̩;

1 Jo̩n 2:23

E̩ne̩ du ki la araire̩ O̩ma nʼAta n duu; e̩ne̩ ki agbalu O̩ma ño̩ fʼAta ne̩ me̩ ge̩.

Abo Rom 1:8

Ejodudu nagwʼO̩jo̩-mi ugwa lefu Jisus Kraisti todu me̩ chaka, todabu ku ma jʼadʼinabali e̩do̩ ekono-me̩ kpogo ugbo du ile̩-i.

Abo Hibru 1:5

Todu ugbo onuche̩ de̩ kʼi ka ñw u mama kakini, O̩ma-mi uwe̩ che, eñini-i omi fʼuwe̩ bi? Omune̩ ño̩ de̩ ge̩: Omi ache Ata ñw owñ, tak owñ achʼO̩ma ñw mi?

1 Te̩s 1:1

Po̩l kpai Silfano̩s kpai Timoti tʼugbo ujeju abudo̩ Ondu e-Te̩se̩lonaika ef O̩jo̩ Ata kpai Ondu Jisus Kraisti: ufe̩de̩nyo̩ kpai ure̩do̩ ki dʼugbo me̩.

1 Amonu 18:32

Tak i nʼokuta le̩ ko̩ ubo̩ iche̩bo̩ ef odu Jihofa; oñ i fʼo̩go̩lo̩ na le ubo̩ iche̩bo̩ le̩ daka, kʼunana-wñ aje̩ igaluwa meji.

Abo Ko̩lo̩se 3:15

Ure̩do̩ Kraisti ki la dʼef e̩do̩-me̩ kʼi dʼale, ma fʼume̩ do̩ tef e-le̩ ef año̩laʼka; me̩ ki la mud abo ku ma gwugwa.