Abo Ko̩lo̩se 2:16 - O̩TAKADA O̩LA O̩JO̩ 1970

¹⁶ Todule̩ e̩ne̩ du kʼi chakajo̩-me̩ ef e̩wñ ku me̩ je̩ abe̩k ef e̩wñ ku me̩ ñmo̩ abe̩k ef uje̩wñ uyo̩ abe̩k ugbo o̩la ochu ki ane̩ etito̩ abe̩k ugbo o̩la o̩jo̩ uñmi n.

Abo Ko̩lo̩se 2:16 ပူးပေါင်းရင်းမြစ်များ

Abo Rom 14:10

E̩wñ chi kʼuwe̩ akajo̩ o̩maye-we̩ taa? abe̩k e̩wñ chi kʼuwe̩ achʼe̩de̩te̩ o̩maye-we̩? todu o̩chaka-wa adago o̩gba e̩de̩ O̩jo̩.

Abo Galatia 4:10

Ame̩ nʼo̩jo̩ ucholo kpai ochu kpai iko iko kpai o̩do̩ ade.

Abo Hibru 13:9

Me̩ ki je̩ ñw uko̩ o̩la ojoji ojoji kpʼe-ejaduña ki ko me̩ alo n; todu i chʼo̩me̩me̩le̩ kʼufe̩de̩nyo̩ ki fʼe̩do̩-me̩ lonyane̩; i ki chʼuje̩wñ, e-ki ma nʼile ñw abo ku ma tale ef uwñ n in.

Izikie̩l 45:17

Oñ i adukpe̩ kʼidachi le̩ ki kʼe̩wñ iche̩bo̩ e̩gujo, kpʼe̩wñ ele, kpʼe̩wñ iche̩bo̩ omi wa, ef uje̩wñ uyo̩-ma, kpʼiko ochu etito̩, kpʼo̩jo̩ uñmi o̩jo̩ uñmi, kpʼe̩gba kʼiko du kʼo̩jo̩ uje̩wñ ku ma date̩ ñw abo unyi Israe̩l jo̩; owñ le̩ añwʼe̩wñ iche̩bo̩ adure kpʼe̩wñ ele kpʼe̩wñ iche̩bo̩ e̩gujo kpʼe̩wñ iche̩bo̩ ure̩do̩ che, kʼi che e̩wñ e̩boma tod abo unyi Israe̩l.

Nihe̩maya 10:33

todu akala e-ku ma te̩ eju O̩jo̩, kpai todu e̩wñ ele ku ma duwa o̩ko̩ko̩lo̩, kpai tod e̩wñ e̩gujo ku ma duwa o̩ko̩ko̩lo̩ ge̩, tod o̩jo̩ uñmi o̩jo̩ uñmi, tod ochu etito̩ ochu etito̩, tod uje̩wñ uyo̩ ki chenʼadiko adiko le̩, kpai tod ame̩wñ kiafo̩, kpai tod e̩wñ ku ma duwa todu adure ku ma che e̩wñ e̩boma tod Israe̩l, kpai tod uko̩lo̩ du ef unyi O̩jo̩-wa.

1 Iko Iko E̩wñ 23:31

ku ma la dago abe̩le̩ e̩gba du ku ma kʼe̩wñ iche̩bo̩ e̩gujo wa ñwu Jihofa o̩jo̩ uñmi o̩jo̩ uñmi kpʼe̩gba kʼochu ne etito̩ kpʼuje̩wñ uyo̩ ku ma dʼiko iko-wñ te̩, aluka-wñ chʼalu kʼo̩da-wñ de̩, ku ma jʼo̩gba Jihofa ache o̩ko̩ko̩lo̩.

Matiu 15:11

I chʼe̩wñ ki agudu tef alu adʼone̩ ji n; chai e-kʼi kwef alu dufu, e-le̩ adʼone̩ ji.

Abo Hibru 9:10

chai ugbo uje̩wñ, kpʼe̩wñ eñmo̩, kpʼe̩wñ ojoji ojoji edu tunyʼomi, o̩kpakpa e̩wñ e-o̩re̩la kate ku ma ko jo̩ ñw amone̩ gbogbo wʼe̩gba ku ma ñwʼe̩wñ che rʼe̩gu-wñ.

Jeme̩s 4:11

Me̩ ki chakpabie̩ omune̩ n, amo̩maye. E̩ne̩ ki achakpabie̩ o̩maye, abe̩k i akpʼo̩maye-wñ abi mak akpabie̩ o̩lo̩da i ache le̩, i akpʼo̩lo̩da abi de̩: i la che̩wñ kʼe̩ kajo̩ o̩lo̩da, i chʼache e̩wñ kʼo̩lo̩da ka oñ e̩ che n, chai e̩ne̩ ki akajo̩ o̩lo̩da uwe̩ che.

Mark 7:19

Todu i chʼef e̩do̩-wñ i atʼo̩ n, chai tʼef ukulu-wñ, tak i adufu ubioko. Oñ uje̩wñ du fe̩.

E̩wñ kʼAme̩nukpuche̩ Che 15:20

kʼa muda kʼo̩takada rʼuma ku ma ki hi-mama e̩wñ ode ki adʼone̩ ji kpai e̩wñ abutabu eche kpai e̩wñ ku ma kpa okutulu kpai e̩bie̩.

Izikie̩l 4:14

Tak u kakini, Aya, Ondu Jihofa! Onugo-mi daji mama ta n; todu akwʼimo̩to ojokolobia-mi gbogbo wʼifai, u je̩ e̩wñ ki ku tinyo̩ ofofo n, kpʼe-kʼame̩la fana n; e̩la ihie̩ne̩ du la tʼef alu-mi mama ta n.

Aizaya 1:13

Me̩ ki ño̩ kʼe̩wñ ele o̩wai wa ge̩ n; otulale chʼe̩wñ ihie̩ne̩ ñw mi. Ochu etito̩ kpʼo̩jo̩ uñmi kpʼujeju ujeju eda— u neke je̩do̩ kpai e̩wñ ibe̩te̩ kpai ujeju eju e̩kpa n.

Eli Eko̩ DʼO̩jo̩ 81:3

Fʼo̩kakachi fa e̩gba kʼochu ne̩ etito̩, e̩gba kʼochu lewʼubi owñ chʼo̩jo̩ uje̩wñ uyo̩-wa le̩.

Eli Eko̩ DʼO̩jo̩ 42:4

Ibe-mi chekadʼe̩wñ-i, oñ u mʼonugo-mi ejefu ejefu du dajane̩-i; alu kʼu te̩te̩ tʼef ugwe̩ko̩ amone̩ ale, kʼu lebʼuma nyʼunyi O̩jo̩, kpʼomu uyo̩ kpʼugwa, owñ chʼugwe̩ko̩ amone̩ ku ma jʼayo̩ o̩jo̩ uyo̩.

Nihe̩maya 10:31

I la che̩wñ kʼabo ane̩ le̩ kʼe̩wñ eku abe̩k e̩wñ e̩yo̩ wa o̩jo̩ uñmi ku ma ta, awa jʼagba la o̩wo̩-ma o̩jo̩ uñmi kpai o̩jo̩ du kiafo̩ n; kʼa la ñʼatʼo̩do̩ e̩kebie o̩do̩ e̩kebie no̩ kʼane̩ ki ñmi kpai ome̩ du e̩gba.

Nihe̩maya 8:9

Oñ Nihe̩maya kʼi chʼigo̩bina kpai E̩zra atama ki chʼako̩takada kpai abo Lifai ku ma nʼo̩la ako amone̩ ka ñw amone̩ le̩ chaka kakini, Eñini-i chʼo̩je̩ kiafo̩ ñwu Jihofa O̩jo̩ e-me̩; me̩ ki daido̩ n, me̩ ki raku n. Todu amone̩ le̩ chaka kworaku e̩gba ku ma gbo̩ o̩la uko̩-o̩la le̩.

2 Amonu 4:23

Tak i kakini, E̩wñ chi kʼuwe̩ anyʼugbo-wñ eñini? Ochu ne etito̩ n, i la chʼo̩jo̩ uñmi de̩ n. Tak i kakini, I ra ke.

1 Samiue̩l 20:18

Taku Jo̩natan ka ñw u kakini, Ochu ane̩ o̩na, ma atene we̩ chuu, todu e̩wñ ugugu-we̩ ate̩ ofo.

1 Samiue̩l 20:5

Taku Defid ka ñwu Jo̩natan kakini. Go, ochu ane̩ o̩na, i la nʼo̩na kʼomi awe guguane̩ aje̩ e̩wñ kpʼonu n. Uwe̩ ki muda je̩ ñwu mi lo kʼu dʼo̩la-mi maja oko gbogbo nyʼolane̩ o̩jo̩ e̩ke̩ta-wñ.

Abo Lifai 16:31

O̩jo̩ uñmi ku me̩ ñmi choo i che ñwu me̩, me̩ ki la fʼonugo-me̩ dema te̩; uhio̩me̩-wñ che e-ogbegbele̩.

Emo̩s 8:5

ku me̩ kakini, E̩gba oñ ochu etito̩ alale kʼa kʼe̩wñ e̩yo̩ ta? kpʼo̩jo̩ uñmi kʼa kʼo̩ka wit jo̩? kʼa fʼe̩ñwa e̩fa bu wane̩ kʼa la bu to̩ o̩ko̩ ishe̩ke̩l, kʼa la nʼe̩bo̩ olemi achʼone̩ uji,

Ekaluka 10:10

O̩jo̩ uyo̩-me̩ ge̩, kpai ef uje̩wñ uyo̩-me̩ kʼiko iko-wñ chʼe̩date̩, kpai e̩gba kʼochu-me̩ ne, ame̩ ki fa o̩kakachi rʼoji iche̩bo̩ e̩gujo-me̩ kpai iche̩bo̩ ure̩do̩-me̩; tak e-le̩ amud e̩wñ urewa ñwu me̩ o̩gba O̩jo̩-me̩: omi Jihofa O̩jo̩-me̩ de̩.

2 Iko Iko E̩wn 31:3

E̩wñ kʼonu ko kwʼef ane̩-wñ wa chʼutod iche̩bo̩ e̩gujo, tod iche̩bo̩ e̩gujo e-odudu kpʼe-ane̩, kpʼiche̩bo̩ e̩gujo tod o̩jo̩ uñmi o̩jo̩ uñmi, kpai todu ochu ki ane̩ tito̩, kpʼuje̩wñ uyo̩ ku ma dʼo̩jo̩-wñ te̩, alu ku ma ko̩ nyʼuko̩-o̩la Jihofa.

Abo Ko̩lo̩se 2:20

Iche̩wñ ku me̩ bo̩ Kraisti ku kwo bʼe̩wñ uchane̩ uko̩che̩ ile̩-i te̩, e̩wñ chi ku me̩ dʼo̩la-me̩ tef o̩lowu dabe̩ne̩ ku me̩ deju jʼile̩-i?