Abo Ko̩lo̩se 2:15 - O̩TAKADA O̩LA O̩JO̩ 1970

¹⁵ I mʼame̩nuto̩gba kpai abo̩da gwo̩ kwʼo̩la-wñ, oñ i mʼuma ko nye̩ña ejugede pee. I kwochiya ogu bʼuma ma ef oli uku-wñ.

Abo Ko̩lo̩se 2:15 ပူးပေါင်းရင်းမြစ်များ

Abo Hibru 2:14

Todule̩ abu kʼabimo̩to le̩ nʼuta-ma ata ef e̩bie̩ kpʼo̩re̩la, owñ onugo ño̩ bʼuma mananyʼe̩wñ le̩ pitii abe̩le̩ ge̩; ʼtodu kʼi fʼe̩ne̩ ki nʼo̩da uku gbogili te̩ lef uku, owñ chʼAbulumone̩ le̩,

Abo E̩fe̩sus 4:8

Todule̩ i kakini, Ete̩gu kʼi te̩gu tʼatate̩ i fʼabo kʼogu je̩ le̩ je̩ lelo; oñ i kʼe̩wñ chʼamone̩ e̩le.

Matiu 12:29

Cho̩kpo̩ni ab one̩ ale kʼi neke mugudu tef unyi agbiti kʼi año̩ ane̩-wñ, chai e̩gba kʼi fʼagbiti le̩ ji ejodudu? E̩gba le̩ tak i añʼane̩ unyi-wñ.

Aizaya 53:12

Todule̩ nadʼukpe̩-wñ te̩ ef ame̩ne̩-lile, i la akpe̩ e̩wñ kʼogu le̩ je̩ kpai amagbiti; todabu kʼi mʼonugo-wñ du dafo gbogbo wʼuku, ma la fʼowñ kaluka tef abo ku ma jʼada; i muda ne̩ adure amone̩ wewe, i la fʼologu che tod abo ku ma jʼada.

Abo E̩fe̩sus 6:12

Todu uja-uke̩do̩ e-wa kʼa ja chʼe-ugbo e̩bie̩ kpai o̩re̩la n, chai e-ugbo amagboji kpai abo ukpahiu kpai amugbiti e-e̩chubi ile̩-i kpai amafu bibi ef uña efojale.

Jo̩n 16:11

oñ o̩la ajo̩ chʼutodabu ku ma fʼajo̩ agboji ile̩-i ka me̩.

Luku 10:18

Oñ i ka ñwu ma kakini, U fu Setan li dab o̩mamanya kʼi da kwʼefojale wane̩.

O̩la E̩bite 20:10

Taku ma mʼAbulumone̩ ki ko ma la du rikpolo tef ubu-una kpʼitolu, ugbo kʼe̩la kpʼakache̩ olemi jo̩ le̩; oñ ma ali uwa o̩ro̩-ka kpai odu ogbegbele̩ nyile̩wa.

Eli Eko̩ DʼO̩jo̩ 68:18

Uwe̩ mute̩gu tʼatate̩ me̩, e̩ fʼo̩wo̩ ame̩namu mu lelo, uwe̩ la mʼamone̩ gba ele, i-i, i chaka chʼef abo ku ma chʼagbo̩go̩ ge̩, todu ki Jihofa O̩jo̩ ki gugu o̩mo̩.

Abakwane̩ 3:15

Nanyi o̩la tʼagbagba uwe̩ kpai onobule̩, kpai agbagba ugbe̩-we̩ kpai ugbe̩-wñ; i afʼuwe̩ oji gwenunu, oñ uwe̩ afʼowñ agbe̩re̩ gwenunu.

Abo Ko̩lo̩se 1:16

todu ef uwñ ma nyi e̩wñ du, tʼe-efojale kpai e-ane̩-ile̩-i, tʼe̩wñ kʼeju li, tʼe̩wñ kʼeju ma li n, dagba i chʼede, dagba i chʼodu-eche, dagba i chʼagboji-eche, dagba i chʼo̩da-ene̩; ma nyi e̩wñ du lef uwñ kpʼutod uwñ.

Luku 11:22

ama e̩gba kʼe̩ne̩ kʼi gbiti tʼowñ le lewa bʼo ma, kʼi la fʼu du, i akʼe̩wñ ogu chaka kʼi ke̩do̩no le̩, tak i akʼane̩ ogu le̩ kpe̩.

2 Abo Ko̩rint 4:4

Owñ chʼef abo kʼo̩jo̩ e-okpanachi-i fʼeju ibe e-abo ku ma ma ke̩do̩no n chubi, todu kʼugane̩ Uche̩-nyo ojima Kraisti e-kʼi chʼojibo O̩jo̩ ki we eta dufu.

O̩la E̩bite 12:9

Taku ma mu drago̩n lile le̩ du rikpolo wane̩, owñ chʼejo e-igbele le̩, e-ku ma do̩ ko̩ Abulumone̩ kpai Setan, kʼi kʼo̩gbo̩ amone̩ du ugbo du kʼamone̩ dodo kade la—ma mʼowñ du rikpolo tef ane̩ ile̩, ma ño̩ mʼamonuche̩-wñ ko̩ ro̩ jane̩ manyʼowñ ge̩.

Jo̩n 19:30

Todule̩ e̩gba ku Jisus mʼomi e̩ka le̩ gba, i kakini, I kpoji me̩; tak abu kʼi fʼoji-wñ dalo̩ i mʼafu-wñ du dufu.

1 Abo Ko̩rint 15:24

Ubile̩ chʼukpoji-wñ e̩gba du kʼi mʼo̩da ojane̩ le̩ du ñw O̩jo̩ kʼi laño̩ chʼAta, owñ chʼe̩gba du kʼi fʼagboji chaka kpai o̩da chaka kpai ukpahiu chaka gbogili te̩.

2 Abo Ko̩rint 2:14

O̩jo̩ muda nʼugwa, owñ ki ako wa le ef abo ku ma gwoye ogu efu Kraist e̩gba du, kʼi laño̩ dʼurinyo̩ e̩wñ-ema e-owñ tejugede lef uwa ugbo du.

Abo E̩fe̩sus 3:10

todu ku ma ki je̩ ñw amagboji kpai abo̩da ef uña efojale ma unibe O̩jo̩ ki chʼo̩la ojoji ojoji wewe fai lef ujeju abudo̩ Ondu.

Abo Ko̩lo̩se 2:10

ame̩ laño̩ che̩ko̩ ef uwñ kʼowñ le̩ chʼoji e̩wñ uto̩gba kpai o̩da du.