Abo Ko̩lo̩se 1:24 - O̩TAKADA O̩LA O̩JO̩ 1970

²⁴ Fa-i nayo̩ ef iwo̩ kʼu nali todu me̩, oñ nache kʼo̩bata Kraisti ki bo̩ ki jo̩ kpa ef o̩re̩la-mi todu año̩la-wñ, owñ chʼujeju abudo̩ Ondu,

Abo Ko̩lo̩se 1:24 ပူးပေါင်းရင်းမြစ်များ

Abo Rom 5:3

I chʼe-le̩ kate n, ama a ño̩ buba ef o̩bata ge̩; abu kʼa chema ka kʼo̩bata anʼe̩do̩ elichi wa,

2 Timoti 1:8

Todule̩ e̩ ki chanyo̩ o̩la ibenu e-Ondu-wa kpai omi kʼu chʼe̩namu-wñ n: ama e̩ nabʼUche̩nyo̩ le̩ li uwa e̩bie̩ne̩ e̩bie̩ne̩ lʼo̩na ukpahiu O̩jo̩

Abo Filipai 3:10

kʼu fʼowñ kpai ukpahiu udajikwane̩-wñ ma kʼu tuta kpʼowñ ef uwa-wñ kʼu de̩ alu ki dukpe̩ kʼu de̩ ñw uku-wñ alo waa;

2 Abo Ko̩rint 7:4

Eju e̩gbo kʼu nane̩ ko̩la ñw me̩ chenana, eba kʼu nane̩ me̩ ba chenana ge̩; ugbe̩do̩ che̩ko̩ ef umi, uyo̩-mi che̩ko̩ adafo ef o̩bata-wa chaka.

Abo E̩fe̩sus 3:13

Lef e-le̩ oñ nabi me̩ ku me̩ we egwegbo̩ ef o̩bata kʼu nali todu me̩, e-le̩ chʼojima e-me̩.

Jeme̩s 1:2

O̩chaka-wñ ki chʼuyo̩ eju-me̩, amo̩maye-mi, e̩gba du ku me̩ ñwa rʼef ajama ojoji ojoji,

Abo Ko̩lo̩se 1:18

Owñ la chʼoji año̩la, kʼi chʼujeju abudo̩-wñ. Owñ chʼuchane̩, i chʼo̩mo̩gba kwef abo ki ku: todu kʼowñ ki mud e̩ne̩ ki tʼo̩gba ef e̩wñ du.

E̩wñ kʼAme̩nukpuche̩ Che 5:41

Todule̩ ma le dufu bʼeju abo̩hiala le̩ te̩, ma jʼayo̩ todabu ku ma fʼuma li ka ku ma bʼukata echi tod odu le̩ jo̩.

Abo E̩fe̩sus 3:1

Todu e-le̩, omi Po̩l, e̩namu e-Kraist Jisus tod ame̩ abo uche̩ichi—

Abo E̩fe̩sus 1:23

kʼi chʼaño̩la-wñ, kʼi chʼukefu e-e̩ne̩ ki ako̩ e̩wñ tʼe̩wñ du efu le̩.

Abo Rom 8:17

i la che̩wñ kʼa chʼamo̩ma, mak a ño̩ chʼabo ku ma ajʼe̩wñ ogu-wñ ge̩; a chʼabo ku ma ajʼe̩wñ-o̩gu O̩jo̩, a la abo Kraisti je̩ e̩wñ ogu-wñ; abu kʼawa abʼo̩ chʼo̩bata todu kʼawa ki ño̩ bʼo̩ jʼojima.

1 Abo Ko̩rint 12:27

Ame̩ la chʼaño̩la Kraist, e̩wñ ki aronyʼaño̩la-wñ okoke a che.

2 Abo Ko̩rint 6:10

a dabe̩ne̩ kʼa che̩do̩-dudu, ama a jʼayo̩ o̩ko̩ko̩lo̩; a dabe̩ne̩ kʼame̩nale, a la je̩ ñw amone̩ wewe chʼanana; a dabe̩ne̩ kʼa ma nʼe̩wñ du n, a muda chene̩ e̩wñ du.

2 Abo Ko̩rint 12:15

Omi la akʼe̩wñ-mi kpʼo̩la-mi onugo kpabie̩ kpʼe̩do̩ e̩bo tod onugo-me̩. Nafe̩do̩ me̩ ololo tule oñ efe̩do̩ ku me̩ fe̩do̩ mi achʼo̩wo̩ wane̩?

Mark 10:39

Ma ka ñw u, kakini, A chebo̩jo̩. Taku Jisus ka ñwu ma, kakini, Ago-mi kʼomi añmo̩ ame̩ añmo̩ mana; ma ñʼache me̩ baptism e-ku ma che mi ge̩;