Abo Hibru 9:4 - O̩TAKADA O̩LA O̩JO̩ 1970

⁴ e̩wñ ki jʼef e-le̩ chʼubo̩ iche̩bo̩ ajamalia ku ma kʼe̩wñ ki akpo jʼoji-wñ kpʼakpati e-alo ekpe̩ kʼajamalia chewenyʼo̩la-wñ chaka, ef akpati le̩ ucha ajamalia ku mana jʼef uwñ, kpʼo̩kpa Aro̩n ki dikoko, kpʼalo e-alo ekpe̩ le̩ jo̩

Abo Hibru 9:4 ပူးပေါင်းရင်းမြစ်များ

Ekaluka 17:10

Taku Jihofa ka ñwu Mose̩s kakini, Mʼo̩kpa Aro̩n du dabi tʼo̩gba e̩wñ ibenu le̩ ku ma fʼide-wñ de kʼi chʼujiwe ñw amo̩ma ku ma fʼe̩re̩ ubi ro̩-i; kʼe̩ che kʼeñmini ku ma ka nyu mi o̩la ki muda, kʼama ki we eku.

2 Iko Iko E̩wn 5:10

E̩wñ du dʼef akpati le̩ n chai alo meji ku Mose̩s ko jʼo̩mo̩ Hore̩b e̩gba ki Jihofa kpʼalo kpʼamo̩ma Israe̩l, e̩gba ku ma kwʼIjipti wa le̩.

Abo Lifai 16:12

Tak i akʼe̩ge̩ una e̩ko̩ anadeʼka kwo oji ubo̩ iche̩bo̩ ki dʼo̩gba Jihofa le̩, kpai e̩wñ ki akpo ku ma gwu te̩ke̩te̩ke̩ e̩kʼo̩wo̩-wñ meji; oñ i akʼe-le̩ wʼejefu ukpo ugbeju;

Akwodufu 40:3

Uwe̩ ki dʼakpati ibenu tʼefu-wñ, kʼe̩ la dʼukpo ugbeju le̩ ta gba akpati le̩ eju.

Akwodufu 26:33

Uwe̩ ki kʼukpo ugbeju le̩ ta nyʼatanyi-wñ. Tak e̩ du akpati ibenu wa ejefu ukpo ugbeju; oñ ukpo ugbeju unyi le̩ afʼuña kiafo̩ daru bʼuña efo̩ e-e̩fo̩ te̩ ñw e̩.

Ekaluka 17:5

Oñ i leʼa, o̩kpa e̩ne̩ kʼomi du adikoko; abe̩le̩ u naje̩ ñw eñmini abo Israe̩l ki muda bʼumi o̩la te̩, owñ chʼe-ku ma keñmini nyʼame̩ o̩la le̩.

Akwodufu 34:29

Oñ i lewatu e̩gba ku Mose̩s gwo̩ru kwʼoj uwo Sainai tane̩, alo ibenu meji le̩ jʼef o̩wo̩ Mose̩s e̩gba kʼi gwo̩ru uwo le̩ wane̩, Mose̩s la ma ka kʼaño̩ eju-wñ ade̩ ña ña ña noji eko̩la kʼi ko̩la kpai owñ n.

O̩la E̩bite 8:3

Tak onuche̩ omune̩ lewa dago ugbo ubo̩ iche̩bo̩ le̩, i nʼe̩wñ o̩jamaliaʼka ku ma kʼe̩wñ ki akpo jʼef uwñ; oñ ma kʼe̩wñ ki akpo le̩ ñw u nana, todu kʼi mudu manyʼadua e-abo kiafo̩ chaka ki nʼoj ubʼo iche̩bʼo e-o̩jamalia kʼi dʼo̩gba ede le̩.

1 Amonu 8:21

O̩mo̩ le̩ omi la bʼuña ukpati-wñ te̩, owñ chʼe-kʼalo Jihofa kʼi kpe̩ kpai amata-wa e̩gba kʼi ko ma kwʼIjipti dufu le̩ dʼef uwñ.

1 Amonu 8:9

E̩wñ du la dʼef akpati le̩ n, chai alo okuta meji ku Mose̩s ko jʼo̩mo̩ Ho̩re̩b le̩, owñ chʼe̩gba ki Jihofa kpʼalo kpai amo̩ma Israe̩l, e̩gba ku ma kwʼoj ane̩ Ijipti wa le̩.

1 Amonu 7:50

kpʼagowñ kpʼe̩wñ ku ma ne̩ kpʼuna-wñ lu kpʼochibu-wñ kpʼuko̩de̩-wñ kpʼaido-wñ, e-le̩ chʼo̩jamalia hiolo; kpʼukodo-wñ, tʼe-ki chʼutodu olugbana unyi ejefu, uña kiafo̩ e-efo̩ le̩, kpai todu olugbana unyi, ki chʼunyi e̩gahi onugo, e-o̩jamalia i che.

Ekaluka 17:8

Oñ i lewatu o̩jo̩ñwa-wñ, Mose̩s nyʼef unyabo ibenu; e̩ la go, o̩kpa Aro̩n ki chʼutodu abo unyi Lifai, i bu, i la dʼikoko, oñ almond ki kpa jʼo̩la-wñ.

Akwodufu 39:35

kpai akpati ibenu le̩ manyʼoli ugbo̩lo̩-wñ, kpai ugugu unye̩do̩;

Akwodufu 31:18

E̩gba kʼi fʼoluka che kpai Mose̩s oj uwo Sainai kpa, i la mʼalo ibenu meji le̩ ko ñw u, alo okuta i che, o̩wo̩ O̩jo̩ ko̩.

Akwodufu 32:15

Taku Mose̩s murida gwo̩ru uwo le̩ tane̩, alo ibenu meji le̩ jʼo̩wo̩-wñ, alo ki chʼe̩ko̩ eju mejeji i che; o̩wo̩ʼka-wñ kpʼo̩wo̩ ekeji-wñ che̩ko̩.

Akwodufu 37:25

I la nʼoli akesia che ubo̩ ku ma gu e̩wñ ki akpo le̩ jo̩ oji-wñ; ujiji-wñ chʼo̩hibo̩wo̩ʼka, unabe̩-wñ ño̩ chʼo̩hi-bo̩wo̩ʼka; akolo-wñ me̩le̩ chʼokujo̩; o̩gba-wñ la chʼo̩hibo̩wo̩ meji; igba-wñ la chʼalukate kpai owñ.

O̩lo̩da Eduwa Onukeji 9:9

Egba kʼu nyʼoj uwo kʼu gbʼalo okuta, owñ chʼalo e-alo ki Jihofa kpe̩ kpai ame̩ le̩, kʼomi la gugu oj uwo le̩ o̩ro̩ka o̩gbo̩ meji kpai odu o̩gbo̩ meji; u la je̩ e̩wñ n, u la ñmʼomiofo n.

O̩lo̩da Eduwa Onukeji 9:11

Tak i lewatu, e̩gba kʼo̩ro̩ka o̩gbo̩ meji kpai odu o̩gbo̩ meji le̩ kpoji, taku Jihofa mʼalo okuta meji le̩ ko ñwu mi, owñ chʼalo e-alo kʼi kpe̩ le̩.

O̩la E̩bite 11:19

Taku ma mʼef unyi O̩jo̩ ejefu ki dʼefojale le̩ bite̩; oñ ma li akpati alo-wñ ef unyi-wñ ejefu le̩; tak o̩mamanya kpʼomuko̩la kpʼakpabana kpʼane̩ emiejo kpʼokuto̩mo̩jo̩cha lile lile wate̩.