Abo Hibru 9:1 - O̩TAKADA O̩LA O̩JO̩ 1970

¹ Todule̩ e-ejodudu le̩ la ne̩ e̩wñ o̩kpakpa-wñ ku ma ñwa ku ma chʼucholo-wñ, uña-wñ kiafo̩ la chʼe-ile̩-i.

Abo Hibru 9:1 ပူးပေါင်းရင်းမြစ်များ

Akwodufu 25:8

E̩ ki la je̩ ñwu ma che uña kiafo̩ ñwu mi, kʼu gugu efu-ma.

Abo Hibru 8:2

i chʼe̩nabune̩ ugbo e̩wñ kiafo̩ kpʼe-ebu e-ogbolo le̩, e-kʼOndu mu kʼi ma chʼone̩ n.

Abo Lifai 18:30

Todule̩ me̩ ki de e̩wñ ide-mi ka ku me̩ ki we eche e̩wñ o̩hio̩gu ihie̩ne̩ ku ma jʼache o̩gba-me̩ le̩, kʼame̩ ki we ekpʼo̩la-me̩ bie̩ efu-wñ; omi, Jihofa, O̩jo̩-me̩ de̩.

Abo Lifai 22:9

Todule̩ ama ki fʼe̩wñ ide-mi de, tode̩gba ku ma nʼadure todu-wñ, ku ma la ku efu-wñ e̩gba ku ma fʼu bie̩: omi che Jihofa kʼu, naje̩ ñwu ma fo̩.

Abo Hibru 8:7

Todu iche̩wñ kʼe-ejodudu le̩ ma nʼuchalu n, ma ma tene uña tod e-ekeji n.

Abo Ko̩lo̩se 2:8

Me̩ nago tode̩gba kʼe̩ne̩ du do̩mo̩ kʼi ane̩ eju ene̩ kpai o̩gwo̩ ofofo, ki teju e̩wñ-o̩gu amone̩, lo̩na e̩wñ-uko̩che̩ ile̩-i, kʼi ma la lo̩na Kraist in ko me̩ chʼe̩wñ akpa.

Izikie̩l 43:11

I la che̩wñ kʼanyo̩ e̩wñ du ku ma che le̩ fʼuma mu, mak e̩ je̩ ñwu ma ma alu kʼunyi le̩ de̩ eju, kpai alu kʼe̩wñ chʼe̩te̩ru jʼef uwñ, kpʼo̩na aledufu-wñ kpʼo̩na egudu nyʼejefu-wñ kpʼalu kʼi ade̩ eju chaka, kpʼe̩wñ uhio̩me̩-wñ chaka kpʼalu du ki ade̩ eju chaka kpʼuko̩-o̩la-wñ chaka, kʼe̩ fʼu ko̩ eju-ma; kʼama ki de o̩gbo̩-wñ du yiili chaka, kpʼe̩wñ uhio̩me̩-wñ chaka, ku ma che teju-wñ.

Ekaluka 9:12

Ma atʼe-du no̩ gbʼodudu n, ma la agu achiku-wñ oka che̩ n; alu ku ma kpʼoji o̩la Elaloji le̩ du, abe̩le̩ ama ade.

Abo Hibru 8:13

Ef e-kʼi ka kʼetito̩ le̩, mak i fʼe-ejodudu dʼigbele me̩. E-ki mud igbele kʼi achʼogijo alo me̩rʼelenyo̩ rʼeju.

Luku 1:6

Ama meji le̩ la chʼame̩no̩kpakpa eju O̩jo̩, ma nʼule̩-ma ale ef o̩la uko̩ Ondu kpʼe̩wñ o̩kpakpa-wñ du, ma nʼuchalu n.

Abo Rom 9:4

Ama chʼabo Israe̩l, kʼugugu o̩ga o̩ma kpai ojima kpai alo ku ma kpe̩ kpai edʼo̩lo̩da te̩ kpai ucholo O̩jo̩ eche kpai e̩wñ ku ma katane̩ le̩ chʼe-ma;

Abo Hibru 9:24

Todu Kraisti mugudu tef uña kiafo̩ e-kʼo̩wo̩ one̩ che e-ki chʼujiwe ki bi e-ogbolo le̩ n; chai tef ojale onugo, kʼi kwotejugede fa-i eju O̩jo̩ todu wa.