Abo Hibru 5:4 - O̩TAKADA O̩LA O̩JO̩ 1970

⁴ E̩ne̩ du la agba ojima e-le̩ ñw o̩la-wñ n, chai e̩gba kʼO̩jo̩ fʼu do̩, alu kʼe-Aro̩n ño̩ de̩.

Abo Hibru 5:4 ပူးပေါင်းရင်းမြစ်များ

Akwodufu 28:1

Tak e̩ mʼo̩maye-we̩, Aro̩n, kpai amo̩ma-wñ e̩ne̩ke̩le̩ ko kwef amo̩ma Israe̩l mʼo̩la, todu ku ma chʼamatama ku ma che e̩wñ ñwu mi—owñ che Aro̩n kpai amo̩ma Aro̩n, Nedab kpai Abaihiu kpai E̩leaza kpai Itamar.

Ekaluka 16:40

kʼi chʼe̩wñ urewa ñw abo Israe̩l, todu kʼe̩ne̩ ejaduña du kʼi ma dʼef ugbe̩ Aro̩n in, kʼi we ete̩ me̩ru kʼi gu e̩wñ ki akpo jo eju Jihofa; kʼi we ede̩ alu ku Ko̩ra kpai ame̩numana-wñ de̩—owñ chʼalu ku Jihofa ñwa ñwu E̩leaza lugbo Mose̩s le̩.

Ekaluka 16:5

oñ i ka ñwu Ko̩ra kpai ame̩numana-wñ kakini, Odudu Jihofa aña wa abo ki chʼabo e-wñ, kpai e̩ne̩ kiafo̩, oñ i aje̩ ñw e̩ne̩ le̩ ki te̩me̩rʼuwñ, e̩ne̩ kʼi du i aje̩ ñw e̩ne̩ le̩ te̩me̩rʼu.

2 Iko Iko E̩wn 26:18

oñ ma gbʼo̩na nyʼUzaya onu, ma ka ñw u kakini, I chʼe-uwe̩. Uzaya, agu otulale jo ñwu Jihofa n, chai amatama ku ma chʼamo̩ma Aro̩n, ku ma fʼuma che ku ma fo̩ ku ma gu otulale jo; e̩ kwef uña kiafo̩-i dufu; todu uwe̩ fʼada je̩ me̩; e-le̩ nʼojima ñw e̩ ugbo Jihofa O̩jo̩ n.

1 Iko Iko E̩wñ 23:13

Amo̩ma Amram e-e̩ne̩ke̩le̩ che̩: Aro̩n kpai Mose̩s; oñ ma fʼAro̩n date̩ ki fo̩ ogbegbele̩ dab e̩wñ ki afo̩ e-efo̩ le̩; owñ kpʼamo̩ma-wñ e̩ne̩ke̩le̩, ku ma gu otulale jo o̩gba Jihofa, ku ma che e̩wñ ñw u, ku ma la de̩nyo̩ ñw one̩ ef odu-wñ ogbegbele̩.

Jo̩n 3:27

Jo̩n dohi kakini, Iche̩wñ ku ma ma du ñw u kwʼefojale n, one̩ neke gba e̩wñ du n.

Ekaluka 16:35

Tak una kwʼugbo Jihofa dufu wa oñ i fʼaboke̩le̩ oli me̩lu ku ma ne̩ e̩wñ ki akpo le̩ wa liye̩.

Ekaluka 18:7

Tak uwe̩ kpai amo̩ma-we̩ e̩ne̩ke̩le̩ manyʼuwe̩ ade uko̩lo̩ atama-me̩ le̩ ugbo e̩wñ ubo̩ iche̩bo̩ chaka, kpai uko̩lo̩ e̩wñ du ki jʼejefu ukpo ugbeju le̩; ame̩ achʼuko̩lo̩ e-le̩. U mʼo̩da uko̩lo̩ atama-me̩ le̩ du chʼame̩ ele. E̩ne̩ ejaduña du kʼi la te̩me̩rʼu, ekpa ma akpa.

Ekaluka 16:10

Kʼowñ la dʼuwe̩ wa me̩rʼu, kpai amo̩maye-we̩ ku ma chʼamo̩ma Lifai manyʼuwe̩? Ame̩ ño̩ tene uko̩lo̩ atama ge̩?

Ekaluka 16:7

me̩ dʼuna tʼefu-wñ, ku me̩ ko e̩wñ ki akpo le̩ bʼoji-wñ ma o̩gba Jihofa o̩na, oñ e̩ne̩ ku Jihofa du, e̩ne̩ le̩ afo̩. I bo̩jo̩ me̩, ame̩, amo̩ma Lifai!

Abo Lifai 8:2

MʼAro̩n manyʼamo̩ma-wñ e̩ne̩ke̩le̩ kpai e̩wñ o̩la-ma kpai ekpo ku ma ba tʼo̩la kpai o̩kokuno̩ e-iche̩bo̩ adure kpai amokolo meji kpai agba kʼakala kʼo̩jo̩wu ma do̩ n jʼefu-wñ le̩ ko;

Ekaluka 3:3

odu odu amo̩ma Aro̩n, amatama ku ma fʼekpo ba tʼuma oji e-kʼi kʼe̩wn nyʼuma o̩wo̩ e̩ko̩ ku ma che e̩wñ atama la de̩.

E̩zra 7:5

o̩ma Abishua, o̩ma Finehas, o̩ma E̩leaza, o̩ma Aro̩n agboji amatama;