Abo Hibru 10:20 - O̩TAKADA O̩LA O̩JO̩ 1970

²⁰ owñ chʼo̩na etito̩ ki deju kʼi dunyʼane̩ etito̩ todu wa le̩, lef ukpo ugbo̩na kʼe-le̩ chʼo̩rela-wñ,

Abo Hibru 10:20 ပူးပေါင်းရင်းမြစ်များ

Jo̩n 14:6

Jisus ka ñw u kakini, Omi chʼo̩na kpʼochochi kpʼiñmi: i ma lʼef umi n, e̩ne̩ du awʼugbo Ata n.

Jo̩n 10:9

Omi chʼalugbana; iche̩wñ kʼe̩ne̩ du guduwa lefu mi ma ajadu-wñ; tak i anyʼejefu, i adufu, oñ i ali ije̩ kʼi je̩.

Abo Hibru 9:3

Oñ ejefu ukpo ugbo̩na ekeji le̩, ebu ku ma do̩ ko̩ uña kiafo̩ e-efo̩ do̩mo̩;

Abo Hibru 9:8

Abe̩le̩ oñ Afu Kiafo̩ adudufu ka kʼo̩na tef uña kiafo̩ tejugede abu kʼebu ejodudu le̩ dago o̩mo̩ ta n;

Abo Hibru 6:19

A nʼe-le̩ dab ugbo onugo-wa, e̩wñ o̩kpaka kʼi lonyane̩ i che, i ño̩ mugudu tʼejefu ukpo ugbo̩na,

Jo̩n 10:7

Todule̩ Jisus ño̩ dabi ka ñwu ma kakini, Ami, ami, naka ñwu me̩, ka kʼomi chʼalugbana amala.

1 Jo̩n 4:2

Ef e-i oñ ame̩ ama Afu O̩jo̩: afu du ki agbalu ka ki Jisus Kraisti lewa ef o̩re̩la me̩, mak e̩te̩-wñ chʼO̩jo̩,

1 Pita 3:18

Todabu ku Kraisti ño̩ fʼuwa li tod adure onu ʼkate. E̩no̩kpakpa le̩ li tod ame̩nuji, todu kʼi mʼuwa ko wʼugbo O̩jo̩; ma fʼowñ kpaku ef o̩re̩la, ma muda dʼiñmi ñw u ef Afu;

1 Timoti 3:16

I la nʼiñwa n, afili ekpe̩do̩rʼO̩jo̩ tabale: Owñ ki kwotejugede ef o̩re̩la, ma fʼale da ñw u ef afu, amonuche̩ O̩jo̩ fʼu li, ma fʼakoya-wñ ta ef abo uche̩ichi, ma ke̩do̩nʼowñ ef ile̩, ma mʼu gba tʼate̩ ef ojima.

Luku 23:45

olu kwodade, oñ ukpo uro̩na unyi O̩jo̩ ejefu mukpana alumeji.

Mark 15:38

Oñ ukpo ugbo̩na unyi O̩jo̩ ejefu mukpana meji kwʼate̩ gbogbowa tʼane̩.

Matiu 27:51

Me̩ la go, ukpo ugbeju Unyi O̩jo̩ Ejefu le̩ mukpana meji akwo oji-wñ ate̩ gbogbo wa ane̩; tak ane̩ kwomiejo, apata apata la kpana.

Abo Lifai 16:2

oñ Jihofa ka ñwu Mose̩s kakini, E̩ ka ñw Aro̩n, o̩maye-we̩, kʼi we ewa o̩gba ugugu unyie̩do̩ kʼi bʼoji akpati ibenu ma ejefu ukpo ugbeju ef uña kiafo̩ iko tʼiko du, kʼi we eku; todu omi atejugede ef akpa oj ugugu unyie̩do̩ le̩.

2 Jo̩n 1:7

Todu amadone̩la wewe kwodufu tef ile̩-i me̩, owñ chʼabo ku ma ma gbalu ka ku Jisus awa ef ore̩la n. E̩ne̩ le̩ chʼadone̩la kpai achagwunyu Kraist le̩.

Abo E̩fe̩sus 2:15

abu kʼi fʼolo̩da e-uko̩ ku ma te̩ kpai owu owu ku ma hi le̩ gbogili te̩ ef o̩re̩la-wñ, todu kʼowñ ki fʼama mejeji nyi ef o̩la-wñ tef one̩ etito̩ okate, kʼi fʼure̩do̩ che;

Abo Lifai 21:23

i muda anyʼejefu ukpo ugbeju le̩ n; i la ate̩me̩rʼubo̩ iche̩bo̩ n, todabu kʼi chʼe̩no̩lo̩; kʼi we efʼe̩wñ-mi kiafo̩ bie̩: todu omi che Jihofa kʼu naje̩ ñwu ma fo̩.

Abo Lifai 16:15

E̩gbale̩ tak i akpa o̩mewo e-iche̩bo̩ adure, owñ chʼe-kʼi chʼutodu amone̩ le̩, oñ i adʼe̩bie̩-wñ wʼejefu ukpo ugbeju le̩ kʼi anʼe̩bie̩-wñ che alu kʼi che kpai e̩bie̩ o̩kokuno̩ le̩, kʼi la atafio̩ oj ugugu unyie̩do̩, kpai o̩gba ugugu unyie̩do̩ le̩;