Abakwane̩ 50:25 - O̩TAKADA O̩LA O̩JO̩ 1970

²⁵ Taku Jose̩f je̩ ñw amo̩ma Israe̩l go̩, i kakini, O̩jo̩ awa fejudo me̩ chuu, ame̩ ki kʼachiku-mi kwʼemi alo tʼate̩.

Abakwane̩ 50:25 ပူးပေါင်းရင်းမြစ်များ

Jo̩shua 24:32

Taku ma mʼachiku Jose̩f, e-kʼabo Israe̩l ko kwʼIjipti wa, ko ji She̩ke̩m, ef e̩bu ane̩ ki Jeko̩b la o̩wo̩ amo̩ma Hemo̩r kʼi chʼata She̩ke̩m le̩ todu o̩ko̩ ajifa ogume̩lu; oñ e-le̩ mud e̩wñ ogu amo̩ma Jose̩f.

Akwodufu 13:19

Mose̩s ño̩ mʼachiku Jose̩f ko le̩. Todu Jose̩f je̩ ñw amo̩ma Israe̩l go̩ o̩me̩me̩le̩, i kakini, O̩jo̩ awa fejudo me̩ chuu; e̩gba le̩ ame̩ ki mʼachiku-mi ko kwʼemi alo.

Abo Hibru 11:22

E̩do̩ ekono chʼe̩wñ ku Jose̩f dibekadʼakwodufu amo̩ma Israe̩l abu kʼi me̩ ediñmi; oñ i fʼuko̩ te̩ ñw ma ugbo o̩la achiku-wñ.

E̩wñ kʼAme̩nukpuche̩ Che 7:16

Taku ma mʼuma ko kwʼo̩mo̩ nyi Saike̩m, oñ ma ko ma jʼef oji kʼEbraham nʼo̩ko̩ ajifa la o̩wo̩ amo̩ma Emo̩r, abo Saike̩m le̩.

Abakwane̩ 50:5

Ata-mi je̩ ñwu mi go̩, i kakini, Go, eku naku: ef ura-mi e-kʼomi gwa ñw o̩la-mi ane̩ Kenan, o̩mo̩ e̩ dʼumi ji. Todule̩, ifai narodubʼe̩ kʼe̩ je̩ ñwu mi nyʼate̩ o̩mo̩ kʼu fʼata-mi ji; tak u nadakubiwa ge̩.

Akwodufu 3:8

omi la gwo̩ru wa kʼu mʼuma gba kwef o̩wo̩ abo Ijipti-i, kʼu laño̩ mʼuma ko kwʼoj ane̩ le̩ tʼane̩ ki nyo̩, kʼi laño̩ chenana, owñ chʼoj ane̩ ugbo kʼomi e̩nya kpai iño̩ acha, tʼuña abo Kenan kpai abo He̩t kpai abo Amo̩r kpai abo Pe̩re̩z kpai abo Hifai kpai abo Je̩bius.

Akwodufu 3:17

Eka omi ka, ka kʼu nako me̩ kwʼef o̩bata Ijipti dufu wʼane̩ abo Kenan kpai e-abo He̩t kpai e-abo Amo̩r kpai e-abo Pe̩re̩z kpai e-abo Hifai kpai e-abo Je̩bius, owñ chʼane̩ ugbo kʼomi e̩nya kpai iño̩ acha.

Akwodufu 13:18

Ama O̩jo̩ fʼamone̩ le̩ ne̩ dagbala lʼo̩na aje̩tachi lʼo̩wo̩ Ohimini Ekpikpa. Amo̩ma Israe̩l la fʼo̩la ogu ji kwʼoj ane̩ Ijipti dufu alo.

Rutu 1:6

Tak owñ kpai amo̩ya amo̩ma-wñ kwane̩, kʼi mudabi bʼojane̩ Moab te̩, todu i gbo̩ ane̩ Moab le̩ abu ki Jihofa lewa fejudo abo-wñ, kʼi la mʼuje̩wñ ko ñwu ma.