Abakwane̩ 50:24 - O̩TAKADA O̩LA O̩JO̩ 1970

²⁴ Taku Jose̩f ka ñw amo̩maye-wñ kakini, Eku naku; O̩jo̩ muda awa fejudo me̩ chuu, i la ako me̩ kwʼoj ane̩-i tʼoj ane̩ e-kʼi go̩ ñw Ebraham kpai Aise̩k kpai Jeko̩b.

Abakwane̩ 50:24 ပူးပေါင်းရင်းမြစ်များ

Abakwane̩ 35:12

Ane̩ kʼomi du ñw Ebraham kpai Aise̩k, uwe̩ nadʼu ñw u, naño̩ dʼane̩ kide̩ ñw ugbe̩-we̩ ubi-we̩ ge̩.

Abakwane̩ 26:3

Ge̩ne̩ ane̩-i, tak u nadʼugbo-we̩, oñ nade̩nyo̩ ñw e̩; todu nakʼane̩-i du ñw uwe̩ kpai ugbe̩-we̩, alu kʼu go̩ ñw Ebraham ata-we̩ le̩, abe̩le̩ nache.

Abakwane̩ 28:13

Go, Jihofa la dago ugbo oji-wñ ate̩, i kakini, Omi che Jihofa, O̩jo̩ Ebraham, ata-we̩ kpai O̩jo̩ Aise̩k; ane̩ kʼuwe̩ dachi oji-wñ le̩, nadu ñw e̩ kpai ugbe̩-we̩;

Abakwane̩ 48:21

Tak Israe̩l ka ñwu Jose̩f kakini, Go, eku naku-i, O̩jo̩ muda adʼugbo we̩, i adʼuwe̩ dabi tʼane̩ amata-we̩ ge̩.

Abakwane̩ 46:4

Nagwo̩ru nyʼIjipti kpai uwe̩; nañʼadʼuwe̩ te̩gu kwo o̩mo̩ wa chuu; Jose̩f la adʼo̩wo̩-wñ bʼuwe̩ eju ma.

Abakwane̩ 15:18

O̩jo̩ le̩ Jihofa fʼalo-wñ kpe̩ kpai Ebram, i kakini, Ugbe̩-we̩ oñ omi adu ane̩ kide̩ ñw u, akwo ohimini Ijipti le̩ gbogbo wa ohimini lile, owñ chʼohimini Yufretis,

Abakwane̩ 15:7

Tak i ka ñw u kakini, Omi che Jihofa kʼi dʼuwe̩ kwo Ur e-abo Kaldia wa, kʼu dʼane̩ kide̩ ñw e̩ kʼe̩ ne̩.

Abakwane̩ 13:17

Kwane̩, kʼe̩ lule̩ gu ane̩ le̩ du o̩wo̩ ujiji-wñ kpai o̩wo̩ unabe̩-wñ, todu uwe̩ nadu ñw u.

Abakwane̩ 13:15

todu ane̩ du kʼe̩ li le̩ uwe̩ nadu ñw u, kpai ugbe̩-we̩ ogbegbele̩.

Abakwane̩ 12:7

Taku Jihofa kwotejugede ñw Ebram, oñ i kakini, Ugbe̩-we̩ oñ omi adʼane̩ kide̩ ñw u. Tak o̩mo̩ i fʼubo̩ iche̩bo̩ ne ñwu Jihofa, kʼi kwotejugede ñw u le̩.

Abo Hibru 11:22

E̩do̩ ekono chʼe̩wñ ku Jose̩f dibekadʼakwodufu amo̩ma Israe̩l abu kʼi me̩ ediñmi; oñ i fʼuko̩ te̩ ñw ma ugbo o̩la achiku-wñ.

Abo Hibru 9:27

Oñ alu ku ma ko jo̩ ñw amone̩ ku ma ku onuʼkate, tak ubile̩ chʼajo;

Abo Rom 5:12

Tod e-kide̩, alu kʼadure gudu lef e̩ne̩kate wʼef ile̩, kʼuku laño̩ lef adure wa, abe̩le̩ tak uku legudu nyʼugbo amone̩ du, todu o̩chaka-ma dure;

Ako̩la ñw Ujeju 12:7

tak ebutu mudabi tʼane̩pe̩te̩ ugbo kʼi de̩ akwoubi, kʼafu la mudabi tʼugbo O̩jo̩ kʼi dʼu wa.

Ako̩la ñw Ujeju 12:5

ochochi, ama ño̩ railo e̩wñ ki dʼatate̩; e̩wñ okpo la jʼej o̩na; tak oli almond adikoko; kʼakpachi la chʼadu, kʼeñeju e̩wñ ma de̩ ge̩ n; todabu kʼone̩ anyʼunyi-wñ ki chʼogbegbele̩, oñ abo ku ma deku tale ej o̩na ej o̩na;

Job 30:23

I-i, u chema kʼuwe̩ adʼumi wa ñw uku, owñ chʼuña ugbo ku ma dʼujeju te̩ ñw abo du ku ma deju.

O̩lo̩da Eduwa Onukeji 6:10

Tak i awatu, e̩gba ki Jihofa O̩jo̩-we̩ dʼe̩ wʼane̩ e-kʼi go̩ ñw amata-we̩, Ebraham kpai Aise̩k kpai Jeko̩b, kʼi adu ñw e̩, manyʼewo ewo ki nana kʼi nyo̩, e-ki ma chʼuwe̩ ko̩ n,

O̩lo̩da Eduwa Onukeji 1:8

Go, u mʼane̩ le̩ kojo̩ o̩gba-me̩ me̩; me̩ nyʼo̩mo̩ ku me̩ mʼane̩ ki Jihofa go̩ ñw amata-me̩ gba, i go̩ ñw Ebraham kpai Aise̩k kpai Jeko̩b ka kʼi adʼu ñwu ma kpai ugbe̩-ma ubi-ma ge̩.

Ekaluka 32:11

Ochochi, eju aboke̩le̩ du ku ma kwʼ Ijipti dufu wa-i, kʼo̩do̩-ma chʼogu nyʼate̩to̩gba-wñ ado ane̩ kʼomi go̩ ñw Ebraham kpai Aise̩k kpai Jeko̩b in, todabu ku ma ma tʼumi ubi ogbolo n;

Akwodufu 33:1

Taku Jihofa ka ñwu Mose̩s kakini, Kwo bʼemi te̩ alo, uwe̩ kpai amone̩ kʼe̩ ko kwʼane̩ Ijipti dufu wa le̩, kʼe̩ nyʼane̩ kʼomi go̩ ñw Ebraham kpai Aise̩k kpai Jeko̩b kakini, Ugbe̩-we̩ oñ nadʼu ñw u.

Akwodufu 4:31

Amone̩ le̩ la dʼo̩ rʼochochi; oñ e̩gba ku ma gbo̩ ka ku Jihofa lewa fejudo amo̩ma Israe̩l, kʼi la go o̩bata-ma, ma fʼoji-ma dalo̩, oñ ma la dojikane̩ ñw u.

Abakwane̩ 50:5

Ata-mi je̩ ñwu mi go̩, i kakini, Go, eku naku: ef ura-mi e-kʼomi gwa ñw o̩la-mi ane̩ Kenan, o̩mo̩ e̩ dʼumi ji. Todule̩, ifai narodubʼe̩ kʼe̩ je̩ ñwu mi nyʼate̩ o̩mo̩ kʼu fʼata-mi ji; tak u nadakubiwa ge̩.

Abakwane̩ 21:1

Taku Jihofa wa fejudo Sara alu kʼi ka le̩, Jihofa la che ñwu Sara alu kʼi ko̩la ñw u.

Abakwane̩ 17:8

Nadʼane̩ ugbo kʼe̩ ge̩ne̩ le̩, owñ chʼane̩ Kenan du, ñw e̩, kpai ugbe̩-we̩ ubi-we̩ kʼi mud e̩wñ-me̩ ogbegbele̩; u ñʼachʼO̩jo̩-ma.

Abakwane̩ 3:19

Ugu atʼe̩ oji tak e̩ jʼuje̩wñ gbogbo tak e̩ dabi tef ane̩, todu efu-wñ oñ ma dʼuwe̩ kwo; ebutu uwe̩ che, e̩ ñʼadabi tef ebutu ge̩.

Abakwane̩ 15:8

Tak i kakini, Ondu Jihofa, lugbo e̩wñ oñ nama ka kʼu nane̩-i?

Akwodufu 3:8

omi la gwo̩ru wa kʼu mʼuma gba kwef o̩wo̩ abo Ijipti-i, kʼu laño̩ mʼuma ko kwʼoj ane̩ le̩ tʼane̩ ki nyo̩, kʼi laño̩ chenana, owñ chʼoj ane̩ ugbo kʼomi e̩nya kpai iño̩ acha, tʼuña abo Kenan kpai abo He̩t kpai abo Amo̩r kpai abo Pe̩re̩z kpai abo Hifai kpai abo Je̩bius.

Akwodufu 13:19

Mose̩s ño̩ mʼachiku Jose̩f ko le̩. Todu Jose̩f je̩ ñw amo̩ma Israe̩l go̩ o̩me̩me̩le̩, i kakini, O̩jo̩ awa fejudo me̩ chuu; e̩gba le̩ ame̩ ki mʼachiku-mi ko kwʼemi alo.

Jo̩shua 24:32

Taku ma mʼachiku Jose̩f, e-kʼabo Israe̩l ko kwʼIjipti wa, ko ji She̩ke̩m, ef e̩bu ane̩ ki Jeko̩b la o̩wo̩ amo̩ma Hemo̩r kʼi chʼata She̩ke̩m le̩ todu o̩ko̩ ajifa ogume̩lu; oñ e-le̩ mud e̩wñ ogu amo̩ma Jose̩f.

Abakwane̩ 47:29

Oñ iko e̩gba kʼIsrae̩l adʼiñmi me̩ru awa, i la fʼo̩ma-wñ Jose̩f do̩ wa, i ka ñw u kakini, Iche̩wñ kʼe̩ li mi eju, narodubʼe̩, e̩ ki dʼo̩wo̩-we̩ nʼuta-mi ka kʼe̩ che e̩wñ e̩nyo̩ kpai ochochi ugbo mi. Narodubʼe̩, e̩ ki du mi ji ane̩ Ijipti n,

Akwodufu 12:41

Oñ i lewatu e̩gba kʼo̩do̩-wñ jo̩ ulo̩ko̩ nyʼogue̩gwa, o̩jo̩ le̩ gbage̩de̩, o̩gbo̩ abo Jihofa du kwʼoj ane̩ Ijipti dufu.

Akwodufu 12:51

O̩jo̩ le̩ gbage̩de̩ oñ Jihofa mʼamo̩ma Israe̩l ko kwʼoj ane̩ Ijipti dufu, udala udala-ma.