Abakwane̩ 47:11 - O̩TAKADA O̩LA O̩JO̩ 1970

¹¹ Taku Jose̩f hiʼata-wñ kpai amo̩maye-wñ gugu, i la bʼane̩ ñwu ma ku ma ne̩ ane̩ Ijipti, ugbo kʼane̩ nyo̩ tule, oj ane̩ Ramese̩s, alu ku Fero ñwa te̩.

Abakwane̩ 47:11 ပူးပေါင်းရင်းမြစ်များ

Akwodufu 12:37

Tak amo̩ma Israe̩l le kwo Ramese̩s nyi Suko̩t, amo̩kone̩ ku ma le e̩re̩ ofo dab icham nyʼo̩gwo̩ko̩ ulo̩gwa, manyʼabo-ma egini.

Akwodufu 1:11

Taku ma chi amagboji ku ma ñwʼuko̩lo̩ o̩pe̩cha ñwu ma ku ma fʼuma dema; oñ ma fʼewo Pitam kpai Raamse̩s, ugbo ku Fero akʼane̩ jo̩, ko̩ ñw u.

Abakwane̩ 47:6

Ane̩ Ijipti te̩ ñw e̩-i; ugbo kʼane̩ nyo̩ tule e̩ dʼata-we̩ kpai amo̩maye-we̩ gugu; je̩ ñwu ma gugu ane̩ Goshe̩n; i la che̩wñ kʼe̩ ma abo ki le efu-ma, mak e̩ ko ma chʼamagboji abo ku ma de ame̩wñ ukpa e-mi.

Jo̩n 17:24

Ata-mi, i dʼumi e̩do̩ todu kʼabo kʼe̩ ko ñwu mi ki jʼugbo mi ugbo kʼomi de̩, todu kʼama ki gʼojima e-mi kʼe̩ mudu ñwu mi, todabu kʼuwe̩ fe̩do̩ mi o̩gba taku ma kpʼe̩re̩ ile̩-i.

Jo̩n 17:2

dabalu kʼe̩ mʼo̩da o̩re̩la du du ñw u, todu kʼi dʼiñmi ogbegbele̩ ñw abo du kʼe̩ ko ñw u.

Jo̩n 14:23

Jisus la dohi ka ñw u kakini, Iche̩wñ kʼe̩ne̩ du afe̩do̩ mi i adejutʼo̩la-mi, tak Ata-mi afe̩do̩ wñ, oñ a awʼugbo-wñ, kʼa fʼugugu che ugbo-wñ.

Jo̩n 14:2

Ef unyi Ata-mi uña ugugu wewe do̩mo̩; i ma dʼabe̩le̩ n u ma ka ñwu me̩; todabu kʼu nalo kʼu ñwʼuña che ñwu me̩.

Jo̩n 10:28

oñ omi adʼiñmi ogbegbele̩ ñwu ma, i ñʼanʼugbo du ku ma alenyo̩ ogbegbele̩ n, e̩ne̩ du la adʼuma inya kwef o̩wo̩-mi n.

Jo̩n 10:10

Ajoji awa ofo n, chai todu kʼi joji, kʼi la fʼe̩wñ kpa, kʼi ño̩ kpʼe̩wñ bie̩; omi lewa todu ku ma ki nʼiñmi, ku ma ki nʼe̩ ololo.

Abakwane̩ 46:34

Ame̩ ki kakini, Ame̩wñukpa e̩ne̩ chʼobe amadu-we̩-i, akwo o̩jo̩ imo̩to̩-wa gbogbo wa ifai, tʼawa, tʼamata-wa, todu kʼame̩ ki dodo ane̩ Goshen; todu adide ame̩wño̩re̩ egini du chʼe̩wñ ihie̩ne̩ ugbo abo Ijipti.

Abakwane̩ 47:27

Abe̩le̩ Israe̩l gugu Ijipti, oj ane̩ Goshe̩n; oñ ma chane̩ e̩wñ ene̩ o̩mo̩, ma la bi o̩ma oñ ma wewe nyo̩gba ololo.

Ekaluka 33:3

Ma mʼane̩-ma ño̩ kwo Rame̩se̩s o̩jo̩ e̩ke̩gwe̩lu ochu ejodudu; o̩jo̩ñwa Elaloji le̩ abo Israe̩l nʼo̩wo̩ ki dago ale dufu eju abo Ijipti le̩ chaka

Aizaya 22:24

Ma la adʼojima abunyi ata-wñ chaka lo̩ko̩li o̩la-wñ, ugbe̩ kpai ato̩, e̩wñ eku kekele du, akwʼago omi gbogbo tʼugege chaka.