Abakwane̩ 46:5 - O̩TAKADA O̩LA O̩JO̩ 1970

⁵ Taku Jeko̩b kwo Birshiba alo; oñ amo̩ma Israe̩l mu Jeko̩b ata-ma du, kpai abimo̩to̩-ma, kpai amo̩ya-ma ef o̩ko̩ane̩ e-ku Fero du kpuche̩ wa adʼu.

Abakwane̩ 46:5 ပူးပေါင်းရင်းမြစ်များ

Abakwane̩ 45:21

Tak amo̩ma Israe̩l chʼabe̩le̩; oñ Jose̩f kʼo̩ko̩ane̩ ñwu ma alu ku Fero ka kpʼalu-wñ, i ño̩ kʼe̩wñ ku ma aje̩ ej o̩na ñwu ma.

Abakwane̩ 45:19

U ñwa ñw e̩ me̩, abu ku me̩ ache de̩: me̩ ki mʼo̩ko̩ane̩ kʼamanya afo̩ ko kwo ane̩ Ijipti todu abimo̩to̩-me̩, kpai amo̩ya-me̩, me̩ ki la mʼata-me̩ du ku me̩ lewa.

Abakwane̩ 45:27

Taku ma mʼo̩la Jose̩f e-kʼi ka ñwu ma chaka du ka ñw u, tak e̩gba kʼi fʼo̩ko̩ane̩ e-ku Jose̩f du kpuche̩ wa ku ma du dʼowñ alo li, iñmi Jeko̩b ata-ma ruko;

Akwodufu 10:26

Ame̩wñ ukpa-wa ñʼale bʼuwa tila; etikpaʼkate ama ubi n; todu ef e-le̩ oñ a chi kwo kʼa ko re̩ Jihofa O̩jo̩-wa tila; awa la ma e̩wñ kʼa ne̩ re̩ Jihofa abu kʼa ma nyʼo̩mo̩ ta ni n.

Akwodufu 10:24

Taku Fero fu Mose̩s do̩ wa, i kakini, Me̩ lo ku me̩ re̩ Jihofa; amo̩ma-me̩ ki ño̩ lebʼume̩; chai ame̩wño̩re̩-me̩ egini kpai amokuno̩-me̩ ki bo̩ jʼane̩.

E̩wñ kʼAme̩nukpuche̩ Che 7:15

Taki Jeko̩b mugwo̩ru nyʼIjipti, oñ i leku, owñ kpʼamata-wa le̩.

Abakwane̩ 21:14

Abe̩le̩ Ebraham takpa kwane̩ odudu, oñ i mʼuje̩wñ kpai aiko omi du, oñ i mʼu du ñwu Hega, i la mʼu du nʼika-wñ, i laño̩ mʼimo̩to̩ le̩ du ñw u, tak i je̩ ñw u le. Oñ i kwʼo̩mo̩, i tale aje̩tachi Birshiba.

1 Samiue̩l 12:8

E̩gba ku Jeko̩b lewa Ijipti, kʼamata-me̩ la kwado̩ Jihofa, e̩gbale̩ Jihofa fu Mose̩s kpai Aro̩n kpe̩ wa. Ama le̩ kʼamata-me̩ kwʼIjipti dufu, oñ i je̩ ñwu ma dodo ugbo-i.