Abakwane̩ 41:8 - O̩TAKADA O̩LA O̩JO̩ 1970

⁸ Oñ i lewatʼodudu-wñ i kwodejiji; tak i kpuche̩ nado̩ amachobochi Ijipti chaka wa, kpai amanibe o̩mo̩ chaka: taku Fero mʼo̩na-wñ kʼi na du ka ñwu ma, ama e̩ne̩ du do̩mo̩ kʼi aneke kʼofe-wñ ñwu Fero n.

Abakwane̩ 41:8 ပူးပေါင်းရင်းမြစ်များ

Danie̩l 4:7

Tak amachifamu kpai amade̩bo kpai abo Kaldia kpai amake̩ma lewa; oñ u mʼo̩na kʼu na du ka jane̩ ñw ma; ma muda kʼofe-wñ ñw mi n.

Akwodufu 7:22

Tak amachifamu Ijipti ño̩ fʼe̩wñ ifamu-ma che abe̩le̩ ge̩; oñ e̩do̩ Fero ño̩ gbiti waa, i la ko̩ enyʼuma eti; alu ki Jihofa ka le̩.

Matiu 2:1

Oñ abu ku ma fi Jisus bi Be̩tle̩he̩m e-Judia o̩kpanachi onu He̩ro̩d, me̩ go, amakuli kwʼolodudu lewa Je̩rusale̩m, ma kakini,

Danie̩l 4:5

U fʼo̩na ki bʼumi ailo na; oñ ibe ki wʼef umi oj ate̩ kpai e̩wñ kʼoji-mi li che mi e̩do̩ñwañwala.

Danie̩l 1:20

Oñ ef o̩la ibe du kpʼugbo oji e̩wñ ema, kʼonu tʼuma ene, i li ka kʼama nyo̩ tʼamachifamu kpai amade̩bo̩ du ku ma jʼojane̩-wñ le onu me̩gwa.

Aizaya 29:14

todule̩, go, nañʼachʼe̩wñ awuwu ef amone̩-i, e̩wñ awuwu kpai e̩wñ uno̩ i ache; oñ ibe amanibe-ma alenyo̩, oji e̩wñ ema e-ame̩nugbeju-ma la alenyo̩ rʼeju.

Akwodufu 7:11

Taku Fero fʼamanibe kpai amachobochi do̩ wa; oñ ama, amachifamu Ijipti le̩, ño̩ ne̩ e̩wñ ifamu-ma chʼabe̩le̩ ge̩.

Danie̩l 4:19

Tak ugoju mu Danie̩l, kʼodu-wñ ko̩ Be̩lte̩shaza le̩ da dago gbogbogbogbo; ibe-wñ kʼi akpe̩ la mud e̩do̩ñwañwala ñw u. Oñ onu dohi kakini, Be̩lte̩shaza, o̩na le̩ kpʼofe-wñ eka ki chʼuwe̩ e̩do̩ ñwañwala n. Be̩lte̩shaza dohi oñ i kakini, Odu-mi o̩na le̩ ki che̩ rʼabo ku ma chʼulaka-we̩, ofe-wñ ki la che̩ rʼame̩no̩la-we̩.

Aizaya 8:19

Tak e̩gba ku ma aka ñw e̩ kakini, E̩ natene ugbo abo ku ma dʼaje̩nu kpai abo ku ma dʼe̩bo̩ ku ma ko̩la etikpo̩gu kpai abo ku ma ko̩la ñw o̩la-ma: i dukpe̩ kʼamone̩ atene ugbo o̩jo̩-ma n? Ma ñʼatʼabo ki ku ene tod abo ki deju?

Abo Lifai 19:31

Me̩ ki rida tugbo abo ku ma dʼ iche̩kpa kpai ake̩ma n; me̩ ki tejane̩ ma ku ma fʼume̩ bie̩ n; omi, Jihofa, O̩jo̩-me̩, de̩.

Akwodufu 8:7

Tak amachifamu lewa nʼe̩wñ ifamu e-ma che abe̩le̩ ge̩, oñ ma mʼamo̩bana ko wa abʼane̩ Ijipti ma.

Abakwane̩ 40:8

Taku ma ka ñw u kakini, A fʼo̩na na, i la nʼe̩ne̩ du kʼi neke kʼoji-wñ ñwa n. Taku Jose̩f ka ñwu ma kakini, I chʼO̩jo̩ nʼoji e̩wñ eka n? narodubʼume̩ ku me̩ ka ñwu mi.

Abakwane̩ 40:6

Taku Jose̩f wʼejefu ugbo ma odudu, oñ i li ma, go, eju-ma che̩bu nyʼo̩wo̩.

1 Abo Ko̩rint 1:19

Todu i che̩ko̩tane̩ kakini, Nakpʼofili e-abofili bie̩, naño̩ mʼeju ene̩ e-abʼeju ene̩ du tʼiba.

E̩wñ kʼAme̩nukpuche̩ Che 17:18

Ama iche̩ka ef abo Epikiurian kpai ef abo Stoik kʼama chʼamache̩do̩ ibe ko bʼo̩. Iche̩ka-ma kakini, E̩wñ dʼako̩la iye̩ye̩ kide̩ e̩do̩ kʼi aka ta? oñ iche̩jibo kakini, i dabe̩ne̩ kʼi adu e̩wñ amebili ejuaduñaʼka ka le̩: todabu kʼi nʼUche̩nyo̩ o̩la Jisus kpʼo̩la udajikwane̩ aje̩ru ma.

E̩wñ kʼAme̩nukpuche̩ Che 7:22

Oñ ma ko̩ Mose̩s e̩wñ ibe e-abo Ijipti chaka. I la nʼukpahiu ef o̩la kpʼuko̩lo̩.

Habakuk 3:16

U gbo̩, tak o̩la-mi kwoga, uko-mi miejo omuko̩la-wñ kʼu gbo̩; e̩che̩ mugudu wʼef achiku-mi, oñ u dago e̩gu-mi agegbulu. Todabu ki dukpe̩ kʼu nagugu yo̩o̩ anede o̩jo̩ o̩bata e̩gba kʼe̩ne̩ kʼi agwo̩ko̩ rʼuwa o̩la awa kobʼuwa.

Danie̩l 8:27

Tak omi Danie̩l mudaku, oñ u fʼo̩ga che ikoʼka; tak u kwane̩ oñ u fʼuko̩lo̩ onu che: u la yaye ane̩ e̩go le̩, e̩ne̩ du muda mʼoji-wñ n.

Danie̩l 7:28

Ukpoji e̩wñ le̩ du de̩. I chʼe-mi Danie̩l, ibe ki wʼef umi che mi e̩do̩ ñwañwala. Eju-mi la murida, u muda fʼo̩la le̩ de ef e̩do̩-mi.

Danie̩l 5:11

E̩ne̩ʼka dʼojane̩-we̩ kʼAfu amo̩jo̩ kiafo̩ dʼef uwñ; o̩kpanachi ata-we̩ ma fʼugane̩ kpʼoji e̩wñ ema kpʼibe li ef uwñ, i dabe̩ne̩ kʼibe amo̩jo̩ abe̩i. Oñ onu Ne̩biukadne̩za ata-we̩, owñ chʼonu kʼi chʼata-we̩ le̩, mʼowñ du chʼodu amachifamu kpʼamade̩bo̩ kpʼabo Kaldia kpʼamake̩ma;

Aizaya 19:3

une̩do̩ Ijipti la adafo alumeji-wñ; u ñʼakʼo̩la ku ma lo mi; taku ma atene ugbo ode ode, kpai ugbo amachifamu, kpai abo ku ma dʼiche̩kpa kpai amake̩ma.

Eli Eko̩ DʼO̩jo̩ 25:14

Afili O̩jo̩ dʼugbo abo ku ma railo-wñ, i la adʼalo kʼi kpe̩ le̩ ña ma.

Abo Lifai 20:6

Onugo e̩ne̩ du kʼi arida tugbo amake̩ma kpai amabifa, ku ma jo̩ko̩ rʼuma ubi, eju-mi akparʼe̩ne̩ le̩, oñ nakʼo̩ da bʼef amone̩-wñ te̩.

Akwodufu 9:11

Amachifamu le̩ la neke dago o̩gba Mose̩s in, todu iketo̩ko̩ le̩, todu iketo̩ko̩ le̩ jʼo̩la amachifamu kpai abo Ijipti du.

Abakwane̩ 41:7

Tak acha o̩ka e̩kwire̩ le mʼacha o̩ka mebie ki de jigbo̩jigbo̩ le ko mi. Taku Fero mʼolu ji. Go, i mud o̩na ena.

Abakwane̩ 41:15

Oñ Fero ka ñwu Jose̩f kakini, Omi fʼo̩na na, i la nʼe̩ne̩ du kʼi aneke kʼofe-wñ n; omi chegbo̩ abu ku ma ka o̩la-we̩, kakini, E̩gba kʼuwe̩ gbo̩ o̩na kʼone̩ na e̩ neke kʼofe-wñ.

1 Samiue̩l 6:2

Tak abo Filistia fʼamatama kpʼamabifa do̩ wa, kakini, E̩wñ a ache kpʼakpati Jihofa-i? ka ñw a kʼa adu hiʼu te̩ kʼa dʼu kpuche̩ ate̩gu-wñ.

Danie̩l 4:6

Todule̩ u dʼo̩da te̩ kʼama ki kʼamanibe Babilo̩n chaka wa o̩gba-mi, ku ma ki je̩ ñw mi ma ofe o̩na le̩.

Danie̩l 4:18

O̩na-i, omi, onu Ne̩biukadne̩za na; oñ uwe̩, O Be̩lte̩shaza, ki kʼofe-wñ dufu, abu kʼamanibe ojane̩-mi du ma neke je̩ ñwu mi ma ofe-wñ n; uwe̩ muda neke che; todu afu amo̩jo̩ kiafo̩ dʼef uwe̩.

Abakwane̩ 41:24

Tak acha e̩kwire̩ le̩ mʼacha mebie e-ki nyo̩ ko mi. Oñ u mudu ka ñw amachobochi, i muda nʼe̩ne̩ du kʼi neke kʼofe-wñ ñwu mi n.