Abakwane̩ 41:49 - O̩TAKADA O̩LA O̩JO̩ 1970

⁴⁹ Jose̩f la kʼe̩wñ e̩yo̩ maja dab e̩lanyi ohimini abadi, i nana tabale, gbogbo tak i to̩no̩ ekaluka; todu i nʼaluka n.

Abakwane̩ 41:49 ပူးပေါင်းရင်းမြစ်များ

Eli Eko̩ DʼO̩jo̩ 78:27

i je̩ ñw e̩la kʼi lo̩ bʼuma oji ma dab ebutu, ame̩we̩ ki nʼika ño̩ dabe̩ne̩ kʼe̩lanyi ohimini abadi;

1 Samiue̩l 13:5

Abo Filistia la kʼo̩la-ma wajo̩ ku ma jogu kpai abo Israe̩l, o̩kogu-ma chʼicham nyʼo̩gwo̩ko̩ ogue̩gwa, amananya che icham nyʼo̩gwo̩ko̩ me̩fa, uwewe amone̩-ma la dab e̩lanyi ki dʼeti ohimini; oñ ma lewa jo̩ Mikmash, o̩wo̩ olodudu Be̩t-afe̩n.

Amakajo̩ 7:12

Oñ abo Midian kpai abo Amale̩k kpai abo o̩wo̩ olodudu le̩ chaka dachi jo̩ ef o̩go̩ le̩, uwewe-ma dab amimiejo; aminyakulumi-ma la nʼaluka n, uwewe-ma dabe̩ne̩ kʼe̩lanyi ki dʼeti ohimini.

Amakajo̩ 6:5

Todu ama kpai ame̩wñukpa-ma kpai unyabo-ma kpe̩re̩ wa; uwewe-ma ki wa dab amimiejo; tʼama, tʼaminyakulumi-ma nʼaluka n; ma la wʼoj ane̩ le̩ ku ma fʼu kpabie̩.

Abakwane̩ 22:17

ka kʼede̩nyo̩ nade̩nyo̩ ñw e̩, ewewe nyo̩gba naje̩ ñw ugbe̩-we̩ ki wewe nyo̩gba alu kʼawo ojale de̩, kpai alu kʼe̩lanyi ki dʼeti ohimini abadi de̩. Ugbe̩-we̩ la agbʼalaku ame̩nebi-ma,

Je̩re̩maya 33:22

Abu ku ma ma neke kʼuwewe e̩wñ ojale aluka n, ku ma ma la neke ñwa e̩lanyi ohimini n; alu le̩ naje̩ ñw ugbe̩ Defid adu-mi, kpʼugbe̩ abo Lifai ku ma che e̩wñ ñwu mi wewe nyʼo̩gba.

Job 1:3

Ame̩wñukpa-wñ ño̩ che ame̩wño̩re̩ egini icham nyʼo̩gwo̩ko̩ ugbo mebie, aminyakulumi-wñ la chʼicham nyʼo̩gwo̩ko̩ ugbo me̩ta, amoku-no̩ ejima ejima ku ma ne̩ lʼuche̩ chʼoli me̩gwa, ole o̩ke̩ke̩te̩ la chʼoli me̩gwa, amikono-wñ ño̩, wewe tabale; tod abe̩le̩ e̩ne̩-i chʼe̩ne̩ lile tʼamo̩ma olodudu le chaka.

Abakwane̩ 41:48

Oñ i fʼuje̩wñ o̩do̩ mebie le̩ e-du ki jʼoj ane̩ Ijipti yajo̩, i la mʼuje̩wñ le̩ ko maja ewo ewo; owñ chʼuje̩wñ oko ki lʼewo ewo daka, e-le̩ i ko jo̩ ewo ewo le̩.

Abakwane̩ 41:50

Ase̩nat, o̩ma Po̩tife̩ra atama On, la fʼo̩ma e̩ne̩ke̩le̩ meji bi ñwu Jose̩f o̩gba tak o̩do̩ ukpo̩ta le̩ wa.