Abakwane̩ 41:42 - O̩TAKADA O̩LA O̩JO̩ 1970

⁴² Taku Fero mʼelika-uhiuko̩-wñ gwo̩ kwʼo̩wo̩-wñ, i la mʼu du tunyʼo̩wo̩ Jose̩f, I la mʼotogbo line̩n ku ma hi reju du tʼo̩la-wñ, i ño̩ mʼiyagba o̩jamalia du tʼo̩fa-wñ;

Abakwane̩ 41:42 ပူးပေါင်းရင်းမြစ်များ

Danie̩l 5:29

Taku Be̩lshaza ka, oñ ma nyi Danie̩l otogbo odufa ekpikpa, oñ ma dʼiyagba o̩jamalia tʼo̩ o̩fa, taku ma dʼo̩la-wñ takoya, kʼowñ ki chʼe̩ne̩ e̩ke̩ta ef abo̩da ojane̩ le̩.

Danie̩l 5:7

Onu kwokwa taa, kʼama ki ko amade̩bo̩ kpʼabo Kaldia kpʼamabifa wa. Oñ onu ko̩la ñw amanibe Babilo̩n kakini, E̩ne̩ du ki achʼo̩kalatu orubutu-i kʼi la akʼofe-wñ ñwu mi, e̩wñ o̩la-wñ achʼukpo odufa ekpikpa, ma la dʼiyagba o̩jamalia tʼo̩ o̩fa, owñ la atʼe̩ke̩ta ef abo̩da ojane̩-i.

E̩sta 3:10

Tak onu mʼelika-wñ wo̩ bʼo̩wo̩-wñ te̩, oñ i mʼu du ñw Heman, o̩ma Hamedata, e̩ne̩ Egag, kʼi akobʼamaJu le̩.

Danie̩l 5:16

Omi muda gbo̩ inabali-we̩ ka kʼuwe̩ neke kʼofe e̩wñ dufu, kʼe̩ ño̩ neke fʼo̩la ki gwuji ne̩. I la che̩wñ kʼuwe̩ neke chʼo̩kalatu orubutu-i, kʼe̩ la je̩ ñwu mi ma ofe-wñ, ma anyʼuwe̩ otogbo odufa ekpikpa, oñ iyagba o̩jamalia atʼuwe̩ o̩fa, tak uwe̩ achʼe̩ne̩ e̩ke̩ta ki anʼo̩da ojane̩-i.

E̩sta 8:2

tak onu mʼelika o̩wo̩-wñ gwo̩, owñ chʼe-kʼi gba bʼo̩wo̩ Heman te̩ oñ i mʼu du ñwu Mo̩rde̩kai. Tak E̩sta mʼo̩da unyi Heman le̩ du ñwu Mo̩rde̩kai.

E̩sta 8:15

Taku Mo̩rde̩kai kwʼo̩gba onu ledufu, otogbo onu odufa kpai efufu dʼo̩la-wñ, ike̩be̩ o̩jamalia lile dʼoji-wñ, kpai afe̩ line̩n ku ma hi reju kpai odufa ekpikpa. Oñ abewo Shushan kwocho̩ga, ma la ayo̩.

E̩sta 8:10

Oñ i fʼu ko̩ ef odu onu Ahasurus, tak i nʼelika onu fʼu hiuko̩, i la mʼu ko kpuche̩ lʼo̩wo̩ abo ku ma nʼanya, ku ma tanʼame̩la ki afule o̩me̩me̩le̩, ku ma ne̩ ache uko̩lo̩ onu, e-kʼo̩ko anya onu kpʼiye-ma.

Izikie̩l 27:7

Lemo̩-we̩ chʼukpo line̩n ku ma hi reju taku ma chiya nyʼu ku ma ne̩ kwʼIjipti wa, todu kʼi chʼagaliga ñw e̩; ukpo kʼe̩ du nʼala chʼodufa kpʼodu-fa ekpikpa ki kwʼala ala E̩lisha.

Eli So̩lo̩mo̩n 1:10

Iti-we̩ chʼuto̩ ñw e̩wñ ijaga ku ma re nyʼu, ako̩ chʼe̩che̩nyʼo̩fa-we̩.

Ita, Ita 31:24

I ahi ukpo line̩n reju kʼi dʼu ta; i la akʼanukpo ñw amachinyama.

Ita, Ita 31:22

I ahi ukpo ki jukpa ñw o̩la-wñ; e̩wñ o̩la-wñ che line̩n ku ma hi reju kpai e-odufa.

E̩sta 8:8

Ame̩ onugo ki fʼo̩takada ko̩ tod amaJu ef odu onu alu ki nyʼume̩ eju, ku me̩ nʼelika onu fʼu hiuko̩; todu orubutu ku ma ko ef odu onu kʼama la nʼelika onu fʼu hiuko̩ e̩ne̩ du neke rida n.

E̩sta 3:12

Taku ma fʼamako̩takada onu le̩ do̩ wa o̩jo̩ e̩ke̩gwe̩ta ochu ejodudu, taku ma fʼo̩la ko̩ teju alu du ku Heman ñwa rʼamigo̩bina kpai amakomonu ku ma nʼo̩da ojane̩ ojane̩ du kpai amagboji amone̩ chaka, rʼojane̩ ojane̩ okoke du teju alu kʼo̩lubutu-wñ de̩, ma ko̩ rʼamone̩ ojoji ojoji chaka alu ichi e-ma; ma fʼu ko̩ ef odu onu Ahasurus, oñ ma nʼelika onu fʼu hiuko̩.

Luku 15:22

Ata le̩ muda ka ñw amadu-wñ kakini, Me̩ mʼotogbo e-ki nyo̩ tʼuma le le̩ du dufu wa piopio ku me̩ du tʼo̩la-wñ ku me̩ ki la dʼelika tʼunyʼu o̩wo̩ kpai e̩da tunyʼu e̩re̩.

Ita, Ita 1:9

todu e-le̩ achʼuloko oji-we̩ ki chʼuto̩, kpai iyagba kʼe̩ ko nyʼo̩fa-we̩.

E̩sta 10:3

Todu Mo̩rde̩kai, e̩ne̩Ju le̩, kpalu nʼonu Ahasurus, i laño̩ chʼe̩ne̩-lile ef amaJu, oñ o̩wo̩ amo̩maye-wñ jʼo̩la-wñ, i tene e̩nyo̩ abo-wñ, i ño̩ nʼo̩la ure̩do̩ aka ñw amugbe̩-wñ chaka.

Abakwane̩ 38:18

Tak i kakini, E̩wñ nadu hiʼuwe̩ o̩wo̩? Oñ i kakini, E̩wñ uhiuko̩-we̩, kpai iyagba-we̩, kpai o̩kpa ki dʼo̩wo̩-we̩ le̩. Tak i mʼu ko ñw u, oñ i nyʼejefu ugbo-wñ i la fefunyo̩ ñw u.

Abakwane̩ 41:43

tak i je̩ ñw u kwo tʼo̩ko̩ ogu ekeji kʼi ne̩; oñ ma kwa rʼo̩ o̩gba kakini, Me̩ kʼoku-ku nyʼane̩! Abe̩le̩ i dʼo̩da ane̩ Ijipti le̩ du ñw u.

1 Samiue̩l 18:4

Taku Jo̩natan mʼotogbo ki dʼo̩la-wñ gwo̩ ñwu Defid kpai e̩wñ o̩la-wñ, tʼugbada-wñ, tʼo̩o̩do̩-wñ, tʼe̩wñ ujago-wñ i mʼu ko ñw u.

Eli Eko̩ DʼO̩jo̩ 73:6

Todule̩ uba lʼuma o̩fa de dabe̩ne̩ kʼiyagba; e̩wñ akpulu bʼuma o̩la ma dab ukpo.

Eli So̩lo̩mo̩n 4:9

Uwe̩ mʼune̩do̩ du ñw mi me̩, o̩maye-mi, o̩ya-mi, eju-we̩ ki go mi onukate dʼune̩dg ñw mi, kpai iyagba o̩fa-we̩ʼka ge̩.

Je̩re̩maya 52:33

I mʼe̩wñ o̩la unyi-uga-wñ ko jane̩. Tak i jʼuje̩wñ o̩gba-wñ o̩jo̩ du kʼudeju-wñ kade.

Aizaya 3:23

kpʼukpo ne̩wu ne̩wu kpʼukpo line̩n ku ma hi reju kpʼalawoni kpʼukpo ubo-jima.