Abakwane̩ 41:25 - O̩TAKADA O̩LA O̩JO̩ 1970

²⁵ Taku Jose̩f ka ñwu Fero kakini, O̩na Fero chʼokate; e̩wñ kʼO̩jo̩ ache kʼi che i je̩ ñwu Fero ki ma de̩.

Abakwane̩ 41:25 ပူးပေါင်းရင်းမြစ်များ

Danie̩l 2:45

Abu kʼe̩ li ka ku ma fʼokuta da kwʼibe̩ uwo le̩, ki ma chʼo̩wo̩ one̩ che n, ki la fʼebije kpʼebi-jekpa kpʼama kpʼajifa kpʼo̩jamalia le̩ kpo̩fo̩ rinyo̩, mak O̩jo̩ Inaina je̩ ñw onu ma e̩wñ ki awache ejo̩gba: alu kʼo̩na le̩ de̩ achi n, oji-wñ ogbolo la de̩.

O̩la E̩bite 4:1

E̩ la go, ubi e̩wñ-i u li o̩na efojale ku ma mubite̩, oñ omuko̩la ejodudu kʼu gbo̩ dabe̩ne̩ kʼo̩kakachi ako̩la kpʼomi, kakini, Mute̩gu wʼemi, oñ nakʼe̩wñ ki awache ubi e̩wñ-i tila ñʼuwe̩.

Abo E̩fe̩sus 1:17

todu kʼO̩jo̩ e-Ondu-wa Jisus Kraisti, Ata ojima le̩, kʼi nadʼafu e-ibe ñwu me̩ kpai e-o̩la ebite̩ ku me̩ ki fʼowñ ma ogbolo;

Mark 13:23

Ama me̩ nago; me̩ go, omi fʼe̩wñ du ka ñwu me̩ tane̩ me̩.

Matiu 24:40

E̩gba le̩ one̩ meji ajʼoko; ma adʼoka, ma atʼoka no̩;

Emo̩s 3:7

Ondu Jihofa ache e̩wñ du n tila, chai e̩gba kʼi mʼibe ki dʼef uwñ du biru amadu-wñ, amakache̩, eju.

Danie̩l 2:47

Onu dohi ñwu Danie̩l, oñ i kakini, Ochochi, O̩jo̩-we̩ chʼO̩jo̩ e-amo̩jo̩, kpai Ondu amonu. E̩ne̩ ki la akʼe̩wñ ki maja tejugede i che, abu kʼe̩ neke dʼe̩wñ ki maja-i tejugede.

Aizaya 43:9

Abo uche̩ichi uche̩ichi du ki wa jʼugboʼkate, amone̩ amone̩ ki najeju jo̩. E̩ne̩ dʼef uma kʼi aneke choli e̩wñ-i, kʼi la neke dʼe̩wñ o̩gbo̩gba ña wa? Ama ki kʼame̩nibenu-ma wa, kʼama ki jale, cho̩kpo̩ni ama ki gbo̩ kʼama ki kakini, Ochochi i che.

Eli Eko̩ DʼO̩jo̩ 98:2

Jihofa je̩ ñw one̩ fʼujadu-wñ ma me̩, i la dʼo̩kpakpa-wñ tejugede pee eju abo uche̩ichi.

Jo̩shua 11:6

Taku Jihofa ka ñwu Jo̩shua kakini, E̩ ki railo ma n, todu iko-i o̩na nakʼoku-ma jo̩ ñw abo Israe̩l: e̩ ki fʼilolo e̩re̩ amanya-ma ko̩da kʼe̩ la fʼo̩ko̩ ogu-ma gujo rinyo̩.

Abakwane̩ 41:16

Taku Jose̩f dohi ñwu Fero kakini, I chʼefu-mi i de̩ n; O̩jo̩ adohi ugbe̩do̩ ñwu Fero.

Akwodufu 9:14

E̩ne̩de̩-i nakpe̩ atulubo̩-mi chaka wa bʼe̩ e̩do̩ ma, kpai abʼabuko̩lo̩-we̩ ma, kpai abʼamone̩-we̩ ma, todu kʼuwe̩ ki ma ka ki nʼe̩ne̩ kʼi dab omi ugbo du ane̩-ile̩-i n.

Abakwane̩ 41:26

Amokuno̩ mebie e-ki nyo̩ le̩ chʼo̩do̩ mebie, acha o̩ka mebie e-ki nyo̩ le̩ laño̩ chʼo̩do̩ mebie; o̩na le̩ chʼokate.

Abakwane̩ 41:28

E̩wñ kʼomi ka ñwu Fero le̩ de̩, kakini, E̩wñ kʼO̩jo̩ ache kʼi che, i mʼu du ña Fero.

Abakwane̩ 41:32

Todabu kʼo̩na le̩ chʼugbo meji ñwu Fero chʼutodabu kʼe̩wñ le̩ fʼoji ne̩ ugbo O̩jo̩ me̩, oñ O̩jo̩ adʼu wa faifai.

Abakwane̩ 40:8

Taku ma ka ñw u kakini, A fʼo̩na na, i la nʼe̩ne̩ du kʼi neke kʼoji-wñ ñwa n. Taku Jose̩f ka ñwu ma kakini, I chʼO̩jo̩ nʼoji e̩wñ eka n? narodubʼume̩ ku me̩ ka ñwu mi.