Abakwane̩ 40:8 - O̩TAKADA O̩LA O̩JO̩ 1970

⁸ Taku ma ka ñw u kakini, A fʼo̩na na, i la nʼe̩ne̩ du kʼi neke kʼoji-wñ ñwa n. Taku Jose̩f ka ñwu ma kakini, I chʼO̩jo̩ nʼoji e̩wñ eka n? narodubʼume̩ ku me̩ ka ñwu mi.

Abakwane̩ 40:8 ပူးပေါင်းရင်းမြစ်များ

Danie̩l 2:47

Onu dohi ñwu Danie̩l, oñ i kakini, Ochochi, O̩jo̩-we̩ chʼO̩jo̩ e-amo̩jo̩, kpai Ondu amonu. E̩ne̩ ki la akʼe̩wñ ki maja tejugede i che, abu kʼe̩ neke dʼe̩wñ ki maja-i tejugede.

Danie̩l 2:28

O̩jo̩ʼka muda dʼefojale kʼi adʼe̩wñ ki maja tejugede. Owñ le̩ la aje̩ ñw onu Ne̩biukadne̩za ma e̩wñ ki ado̩mo̩ iko o̩jo̩ otitala. O̩na kʼe̩ na kpai ane̩ kʼe̩ go e̩gba kʼe̩ dʼoj ate̩-we̩ le̩, e̩wñ ki che de̩:

Emo̩s 3:7

Ondu Jihofa ache e̩wñ du n tila, chai e̩gba kʼi mʼibe ki dʼef uwñ du biru amadu-wñ, amakache̩, eju.

Danie̩l 4:8

Gbogbo tʼotitala-wñ taku Danie̩l mugudu wʼo̩gba-mi, owñ chʼe̩ne̩ kʼodu-wñ ko̩ Be̩lte̩shaza, ukpodu o̩jo̩-mi, kʼAfu amo̩jo̩ kiafo̩ la dʼef uwñ le̩: tak u kʼo̩na le̩ jane̩ ñw u, u kakini,

Danie̩l 2:11

E̩wñ kʼonu tene-i chekpuna, i la nʼe̩ne̩ du ki neke dʼu dufu o̩gba onu-i n, chai amo̩jo̩ kʼama ma dodo kpenyʼo̩re̩la n.

Aizaya 8:19

Tak e̩gba ku ma aka ñw e̩ kakini, E̩ natene ugbo abo ku ma dʼaje̩nu kpai abo ku ma dʼe̩bo̩ ku ma ko̩la etikpo̩gu kpai abo ku ma ko̩la ñw o̩la-ma: i dukpe̩ kʼamone̩ atene ugbo o̩jo̩-ma n? Ma ñʼatʼabo ki ku ene tod abo ki deju?

Eli Eko̩ DʼO̩jo̩ 25:14

Afili O̩jo̩ dʼugbo abo ku ma railo-wñ, i la adʼalo kʼi kpe̩ le̩ ña ma.

Abakwane̩ 40:9

Tak agboji abo ku ma dʼomi ñw onu ñmo̩ mʼo̩na-wñ du ka ñwu Jose̩f, i ka ñw u kakini, Ef o̩na-mi, go, ikeli achiwebe̩te̩maʼka dʼo̩gba-mi,

Job 33:23

Iche̩wñ kʼonuche̩ʼka dʼugbo-wñ, owñ chʼajomudechi, e̩ne̩ʼka ef one̩ icham nyʼo̩gwo̩ko̩, kʼi añʼone̩ e̩wñ kʼi chʼo̩kpakpa kʼi ache;

Danie̩l 2:3

Tak onu ka ñwu ma kakini, U fʼo̩na na, oñ e̩do̩-mi ache mi akanya kʼu ma oji o̩na le̩.

Danie̩l 2:27

Danie̩l mʼohi du eju onu o̩mo̩ kakini, E̩wñ umaja kʼonu ka le̩, tʼamanibe̩, tʼamade̩bo̩, tʼamachifamu, tʼamake̩ma neke kʼofe-wñ ñw onu n;

Danie̩l 5:16

Omi muda gbo̩ inabali-we̩ ka kʼuwe̩ neke kʼofe e̩wñ dufu, kʼe̩ ño̩ neke fʼo̩la ki gwuji ne̩. I la che̩wñ kʼuwe̩ neke chʼo̩kalatu orubutu-i, kʼe̩ la je̩ ñwu mi ma ofe-wñ, ma anyʼuwe̩ otogbo odufa ekpikpa, oñ iyagba o̩jamalia atʼuwe̩ o̩fa, tak uwe̩ achʼe̩ne̩ e̩ke̩ta ki anʼo̩da ojane̩-i.

Abakwane̩ 41:25

Taku Jose̩f ka ñwu Fero kakini, O̩na Fero chʼokate; e̩wñ kʼO̩jo̩ ache kʼi che i je̩ ñwu Fero ki ma de̩.