Abakwane̩ 38:2 - O̩TAKADA O̩LA O̩JO̩ 1970

² Taku Juda fʼo̩ma onobule̩ abo Kenan oka li, odu-wñ ko̩ Shua; i la ne̩ chʼo̩ya oñ i nyʼejefu ugbo-wñ.

Abakwane̩ 38:2 ပူးပေါင်းရင်းမြစ်များ

Abakwane̩ 24:3

oñ naje̩ ñw e̩ fu Jihofa, kʼi chʼO̩jo̩ efojale kpai ane̩-ile̩, go̩, ka kʼuwe̩ anʼo̩ya ñw o̩ma-mi kwef amo̩ma onobule̩ abo Kenan, e-kʼomi gugu efu-ma-i n,

Abakwane̩ 28:1

Tak Aise̩k fu Jeko̩b do̩, oñ i kadua ñw u, i la fʼuko̩ te̩ ñw u, i ka ñw u kakini, E̩ ki nʼo̩ya ef abobule̩ Kenan-i no.

Abakwane̩ 3:6

Tak onobule̩ le̩ li ka kʼoli le̩ chenyo̩ todu uje̩wñ, kʼi laño̩ chʼuto̩ eju, kʼoli le̩ laño̩ chʼe̩wñ ki nyo̩ one̩ eju kʼi aje̩ ñw u nʼibe, i mʼe̩ro-wñ ka i la mudu je̩; i ño̩ mudu ñw o̩ko̩-wñ kpai owñ, i laño̩ je̩ ge̩.

Abakwane̩ 34:2

Oñ She̩ke̩m o̩ma He̩mo̩r, e̩ne̩ Hifai kʼi chʼidachi ane̩ le̩, fʼowñ li. Tak i mʼu du, i bʼo̩ dachi, i la fʼu kpabie̩.

Abakwane̩ 46:12

Amo̩ma Juda e-e̩ne̩ke̩le̩ la che: E̩r kpai O̩nan kpai Shela kpai Pe̩re̩z kpai Zera (Er kpai Onan muda leku ane̩ Kenan); amo̩ma Pe̩re̩z e-e̩ne̩ke̩le̩ la che: He̩zro̩n kpai Hamul.

Abakwane̩ 6:2

amo̩ma O̩jo̩ fʼamo̩ma onobule̩ amone̩ li ku ma chefe̩rʼeju; taku ma fʼuma tu chaka oñ ma nʼo̩ya kwef abo e-le̩ ñw o̩la-ma.

Abakwane̩ 6:4

Amakachi jʼane̩-ile̩ adiko le̩, kpai anubi-wñ ge̩, e̩gba kʼamo̩ma O̩jo̩ wʼejefu ugbo amo̩ma onobule̩ amone̩, ku ma bi amo̩ma ñwu ma. Abo kide̩ chʼamagbiti ku ma do̩mo̩ igbelegbele, ama chʼame̩nuwohi le̩.

2 Samiue̩l 11:2

Oñ i lewatʼolane̩ ku Defid kwane̩ kwʼoj ate̩-wñ oñ i tʼojokunyi onu ale. I dʼojokunyi o̩mo̩ oñ i li onobule̩ʼka kʼi dago agwo̩la; onobule̩ le̩ la che̩fe̩rʼeju tabale.

1 Iko Iko E̩wñ 2:3

Amo̩ma Juda che: E̩r kpai Onan kpai She̩la; O̩ma Shua e̩ne̩ Kenan le̩ fʼabo me̩ta-i bi ñw u. Oñ E̩r, o̩mo̩gba Juda, chʼe̩ne̩bibi eju Jihofa; oñ i mʼu du kpa.

Ekaluka 26:19

Amo̩ma e̩ne̩ke̩le̩ Juda che: E̩r kpai Onan; E̩r kpai Onan la leku ane̩ Kenan.

2 Abo Ko̩rint 6:14

Me̩ ki mud abo ki dama kpʼabo ku ma ma ke̩do̩no n in, ame̩ kpʼama chʼojoji, todu e̩wñ chʼumana o̩kpakpa kpʼugbite̩re̩? E̩wñ chʼuta kʼugane̩ ata kpʼchubi ke?

Amakajo̩ 14:2

Tak i mute̩gu wa aka ñw ata-wñ kpai iye-wñ, i kakini, U fʼonobule̩ li Timna, o̩ma abo Filistia i che: lo kʼe̩ tene owñ ñwu mi.

Amakajo̩ 16:1

Taku Samson nyi Gaza, i fʼajo̩ko̩ʼka li o̩mo̩, oñ i nyʼejefu ugbo-wñ.