Abakwane̩ 37:32 - O̩TAKADA O̩LA O̩JO̩ 1970

³² taku ma mʼafe̩ kʼina-wñ chʼojoji ojoji le̩ ko kpuche̩, oñ ma mʼu ko wʼugbo ata-ma, ma kakini, E̩wñ kʼa li de̩-i; todu kʼe̩ mejuma abe̩k afe̩ o̩ma-we̩ de̩, abe̩k i chʼe-owñ n?

Abakwane̩ 37:32 ပူးပေါင်းရင်းမြစ်များ

Luku 15:30

ama e̩gba kʼo̩ma-we̩-i e-kʼowñ kpai amajo̩ko̩ mʼe̩wñ udiñmino-we̩ chaka ko kpabie̩ rinyo̩ lewa, e̩ la fʼo̩mokuno̩ ki yoyo kpa ñw u.

Abakwane̩ 37:3

Israe̩l la fe̩do̩ Jose̩f tʼamo̩ma-wñ du le, todabu kʼi chʼo̩ma kʼi bi o̩jʼogijo-wñ; oñ i fʼafe̩ e-kʼina-wñ chʼojoji ojoji ga ñw u.

Abakwane̩ 37:20

Me̩ lewa fai kʼa mʼu du kpa, kʼa mʼu du rikpolo tef o̩fe̩ʼka; tak a akakini, E̩wñ iñmi e̩bie̩ne̩ʼka fʼu kpa je̩, tak a ali abu kʼo̩na-wñ ache̩.

Abakwane̩ 37:31

Taku ma mʼafe̩ Jose̩f ko, ma la fʼo̩mʼewo kpa, oñ ma mʼafe̩ le̩ ko tunyʼe̩bie̩-wñ;

Abakwane̩ 37:33

Oñ i mejuma, i kakini, Afe̩ o̩ma-mi de̩; e̩wñ iñmi e̩bie̩ne̩ʼka dʼu kpa je̩; i nʼabu du ki che n, ma fu Jose̩f fana rinyo̩ pe̩le̩ pe̩le̩ me̩.

Abakwane̩ 38:25

E̩gba ku ma mʼu du dufu, i fʼuche̩ kpe̩ rʼata o̩ko̩-wñ kakini, E̩ne̩ke̩le̩ ki ne̩ e̩wñ-i oñ u nyefu ñw u; i kakini, Narodubʼe̩ kʼe̩ mejuma e̩ne̩ kʼi ne̩ e̩wñ-i, e̩wñ uhiuko̩-i kpai iyagba-i kpai o̩kpa-i.