Abakwane̩ 36:6 - O̩TAKADA O̩LA O̩JO̩ 1970

⁶ Tak Iso̩ mʼamo̩ya-wñ kpai amo̩ma-wñ e̩ne̩ke̩le̩ kpai amo̩ma-wñ onobule̩ kpai onugo abo unyi-wñ du kpai ame̩wñ ukpa-wñ kpai ame̩la abe̩re̩me̩le̩-wñ chaka, kpai ane̩-wñ du ko, owñ chʼe-kʼifiye̩ jo̩ oj ane̩ Kenan; oñ i kwo bʼo̩maye-wñ Jeko̩b te̩ le tʼane̩ omune̩.

Abakwane̩ 36:6 ပူးပေါင်းရင်းမြစ်များ

Abakwane̩ 32:3

Jeko̩b la fʼamonuche̩ kpe̩ tʼo̩gba-wñ nyʼugbo Iso̩ o̩maye-wñ, ane̩ Seir, kʼi chʼegbili Ido̩m.

O̩la E̩bite 18:13

kpai sinamo̩n kpʼe̩wñ ido̩ro̩ kpʼotulale kpʼekpo ku ma du kurʼo̩la kpai frankinse̩ns kpʼomi achiwebe̩te̩ma kpʼekpo kpʼomu te̩ke̩ te̩ke̩ kpʼo̩ka wit kpʼamokuno̩ kpʼamala, kpʼamanya, kpʼo̩ko̩ kʼanya afo̩ kpʼaño̩la one̩, kpʼamonugo amone̩.

Abakwane̩ 28:4

I ki ño̩ mʼe̩nyo̩ Ebraham du ñw e̩, kpai ugbe̩-we̩ manyʼuwe̩ ge̩, todu kʼuwe̩ ki nʼane̩ ugbo kʼe̩ ge̩ne̩-i, e-ki Jihofa du ñw Ebraham!

Abakwane̩ 25:23

Oñ Jihofa ka ñw u kakini, Amone̩ uche̩ichi meji jʼefu-we̩, Abo meji la adaru bʼomune̩ te̩ kwef ifi-we̩; Oka-wñ anʼukpahiu tʼekeji le; e-ogijo la are̩ e-kekele.

Abakwane̩ 17:8

Nadʼane̩ ugbo kʼe̩ ge̩ne̩ le̩, owñ chʼane̩ Kenan du, ñw e̩, kpai ugbe̩-we̩ ubi-we̩ kʼi mud e̩wñ-me̩ ogbegbele̩; u ñʼachʼO̩jo̩-ma.

Abakwane̩ 13:11

Abe̩le̩ Lo̩t mʼegbili Jo̩rdan chaka du chʼe-wñ, taku Lo̩t lule̩ tʼo̩wo̩ olodudu; abe̩le̩ ma mudaru bʼo̩la-ma te̩.

Abakwane̩ 13:6

ane̩ le̩ la bʼuma jo̩ ku ma bʼo̩la-ma gugu n; todu e̩wñ ku ma ne̩ chenana todu abe̩le̩ ma ma neke bʼo̩la-ma gugu n,

Abakwane̩ 12:5

Taku Ebram mu Se̩rai o̩ya-wñ du, kpai Lo̩t o̩ma o̩maye-wñ le̩, kpai ane̩ ku ma fiye̩ jo̩ chaka, kpai amonugo one̩ ku ma ne̩ efu Haran; oñ ma le dufu ku ma nyʼane̩ Ke̩nan. Oñ ma lewa ane̩ Kenan,

Izikie̩l 27:13

Jafan kpai Jubal kpai Me̩she̩k, abo le̩ chʼamanyaja ugbo we̩; ma kʼonugo one̩ kpʼe̩wñ eku ebije ikpa kpailo̩ tod e̩wñ aja-we̩.

Abakwane̩ 36:5

Oholibama la bi Jeush kpai Jalam kpai Ko̩ra. Abo-i chʼamo̩ma Iso̩ e-e̩ne̩ke̩le̩ ku ma bi ñw u ane̩ Kenan.