Abakwane̩ 32:30 - O̩TAKADA O̩LA O̩JO̩ 1970

³⁰ Oñ Jeko̩b dʼodu ugbo kide̩ ko̩ Pe̩nie̩l, todu i kakini, Eju-mi kpai O̩jo̩ de me̩, iñmi-mi la do̩mo̩ ta.

Abakwane̩ 32:30 ပူးပေါင်းရင်းမြစ်များ

Ekaluka 12:8

Oñ alu-mi kpai owñ ade ef o̩la, ejugede, i la chʼef ita n; i la anʼalu ki Jihofa de̩ ago chii. Mak abile ku me̩ ma railo ekalu nyʼadu-mi, Mose̩s-i, o̩la n?

Abakwane̩ 16:13

Tak i dʼodu Jihofa e-kʼi ko̩la ñw u ko̩, Uwe̩ chʼO̩jo̩ kʼi agane̩, todu i kakini, U ño̩ dʼemi agʼo abu kʼi fʼumi go?

Aizaya 6:5

Tak u kakini, Atogwo chʼe-mi! e-mi ta me̩! todabu kʼomi chʼe̩ne̩ kʼi nʼuko kʼi chechiwa, kʼu laño̩ dodo alumeji amone̩ kʼuko-ma chechiwa: todu eju-mi dʼOnu, owñ che Jihofa ki nʼe̩wñ du!

O̩lo̩da Eduwa Onukeji 5:24

oñ me̩ kakini. Go, Jihofa O̩jo̩-wa mʼojima-wñ kpai unana-wñ du ña wa me̩, a la gbo̩ omuko̩la-wñ kwʼalumeji una le̩; a fuli eñini ka kʼO̩jo̩ ako̩la kpai one̩, oñ e̩ne̩ le̩ adeju kpo̩.

Jo̩n 1:18

E̩ne̩ du li O̩jo̩ mama ta n; O̩jo̩, O̩mokpono kʼi dʼagbe̩do̩ Ata, e-le̩ ka alu kʼi de̩ dufu.

Abo Hibru 11:27

E̩do̩ ekono chʼe̩wñ ki tʼIjipti no̩, kʼi ma la railo e̩do̩fulu onu le̩ n: todu i fʼe̩do̩-wñ ji dabe̩ne̩ kʼi ali e̩ne̩ kʼeju ma li n le̩.

2 Timoti 1:10

fai i la mʼu du tejugede lef ukwotejugede E̩najadu-wa Kraist Jisus kʼi fʼuku gbogili te̩ i laño̩ mʼiñmi kpʼewe eche̩, ejeji-wñ, ko wʼugbo ugane̩ lef Uche̩nyo̩;

Abo E̩fe̩sus 1:17

todu kʼO̩jo̩ e-Ondu-wa Jisus Kraisti, Ata ojima le̩, kʼi nadʼafu e-ibe ñwu me̩ kpai e-o̩la ebite̩ ku me̩ ki fʼowñ ma ogbolo;

Akwodufu 33:14

Tak i kakini, Eju-mi ale bʼuwe̩, oñ nadʼuñmi ñw e̩.

Abo Ko̩lo̩se 1:15

Owñ le̩ dʼalu kʼO̩jo̩ e-kʼeju ma li n de̩ hie̩hie̩, udago-wñ chʼo̩mo̩gba ugbo e̩wñ du kʼO̩jo̩ nyi;

Abo Galatia 1:6

I chʼaye ñwu mi kakini, Ame̩ hika adʼawubi bʼe̩ne̩ ki do̩ me̩ ef ufe̩de̩nyo̩ Kraist te̩ tef uche̩nyo̩ omune̩ ojoji;

2 Abo Ko̩rint 4:6

Todabu kʼO̩jo̩ kʼi kakini, Ef e̩chubi oñ ugane̩ amʼane̩ ne̩ kwo, owñ le̩ mʼane̩ ne̩ ef e̩do̩-wa, todu kʼeju ki ne̩ ugbo ojima O̩jo̩ ema ef eju Jisusi Kraist.

2 Abo Ko̩rint 3:18

Ma la bi e̩wñ le̩ rʼuwa eju chaka kʼa jʼago ojima Ondu dabe̩ne̩ kʼef ogigo, oñ i amʼuwa da tef ojibo e-le̩ gbage̩de̩ kwugbo ojima tef ojima, dabe̩ne̩ ki kwugbo Ondu ki chʼAfu le̩.

1 Amonu 12:25

Taku Je̩ro̩boam fu She̩ke̩m ko̩ ane̩ uwo Ifraim, oñ i dodo o̩mo̩; i la kwʼo̩mo̩ dufu oñ i fu Pe̩nue̩l ko̩.

Amakajo̩ 8:17

I ño̩ fʼo̩do̩go̩ Penue̩l gulo̩ wane̩, oñ i fʼaboke̩le̩ ewo le̩ kpa.

Amakajo̩ 8:8

Tak i kwʼo̩mo̩ mute̩gu nyi Penue̩l oñ i ño̩ ka ñw abo le̩ abe̩le̩ ge̩. Tak aboke̩le̩ Penue̩l ño̩ dohi ñw u alu kʼaboke̩le̩ Suko̩t dohi ñw u le̩.

O̩lo̩da Eduwa Onukeji 34:10

Akache̩ ki dabu Mose̩s kwane̩ ef abo Israe̩l akwihi le̩ ge̩ n, owñ ki Jihofa kʼeju rʼu eju le̩,

Abakwane̩ 28:19

I dʼodu ugbo kide̩ ko̩ Be̩te̩l; odu ewo le̩ muda ko̩ Luz e̩gba ejodudu.

1 Abo Ko̩rint 13:12

Todu abajo̩-i a gane̩ lef ogigo ef ita ta, ama e̩gbale̩ eju meji ade: abajo̩-i u chema e̩wñ kado̩na; ama e̩gbale̩ nama ogbolo, dabalu ku ma ma mi ogbolo.

Jo̩shua 5:13

Oñ i lewatu, e̩gba ki Jo̩shua me̩ru Je̩riko le̩, kʼi la chi eju-wñ nyʼate̩ ago, e̩ la go, e̩ne̩ke̩le̩ʼka dago kpenyʼu, o̩be̩chageli-wñ chʼe̩wo̩ nʼo̩wo̩; taki Jo̩shua nyʼugbo-wñ aka ñw u kakini, E̩ne̩-wa e̩ che̩? abe̩k e̩ dʼef abo ku ma fʼuwa kpama?

Abakwane̩ 35:9

Tak O̩jo̩ ño̩ kwotejugede ñwu Jeko̩b e̩gba kʼi kwo Padan-aram wa ge̩, i la de̩nyo̩ ñw u.

Amakajo̩ 13:17

Taku Manoa ka ñw Onuche̩ Jihofa le̩ kakini, Ab odu-we̩ ko̩? Todu, e̩gba kʼo̩la wache̩, kʼa ki dojima ñw e̩?

Amakajo̩ 13:18

Tak Onuche̩ Jihofa ka ñw u kakini, E̩wñ chi kʼe̩ tene odu-mi? Abu kʼodu-mi ko̩ Awuwu?

Aizaya 9:5

Todu me̩ akʼe̩da du kʼisoja nyi da nyane̩ ef ekuku kpai e̩wñ o̩la-ma ku ma fuli e̩bie̩ chʼiji ku ma ne̩ kʼuna.