Abakwane̩ 32:12 - O̩TAKADA O̩LA O̩JO̩ 1970

¹² Uwe̩ la ka kʼuwe̩ ache e̩nyo̩ ñwu mi chuu, kʼuwe̩ aje̩ ñw ugbe̩-mi ki dabu e̩lanyi ohimini abadi, e-ku ma ma neke gbaluka n todu uwewe-wñ.

Abakwane̩ 32:12 ပူးပေါင်းရင်းမြစ်များ

Abo Hibru 6:17

Ef e-kide̩ abu kʼO̩jo̩ neku kʼi ña abo ku ma aje̩ e̩wñ kʼi katane̩ le̩ ogu ololo, ka kʼuneku e-wñ arida n, i mʼego̩ du tʼagbagba-ma;

Taito̩s 1:2

noj ukibeno e-iñmi ogbegbele̩, e-kʼO̩jo̩, ki ma neke remi n, kʼo̩la-wñ tane̩ o̩gba taku ma chane̩ ekaluka o̩kpanachi o̩kpanachi;

2 Timoti 2:13

Iche̩wñ kʼa ma chubi owñ n, owñ le̩ achubi o̩la-wñ kpo. Todu i neke raire̩ o̩la-wñ n.

Matiu 24:35

Efojale kpai ane̩ ile̩-i alale rinyo̩; i muda nʼugbo du kʼo̩la kʼu ka alale rinyo̩ n.

Abakwane̩ 22:17

ka kʼede̩nyo̩ nade̩nyo̩ ñw e̩, ewewe nyo̩gba naje̩ ñw ugbe̩-we̩ ki wewe nyo̩gba alu kʼawo ojale de̩, kpai alu kʼe̩lanyi ki dʼeti ohimini abadi de̩. Ugbe̩-we̩ la agbʼalaku ame̩nebi-ma,

1 Samiue̩l 15:29

E̩wñʼka ño̩ de̩-i ge̩: Ukpahiu Israe̩l aremi n, i ajumama n, todu owñ chʼone̩ ofo tak i ajumama n.

Ekaluka 23:19

O̩jo̩ chʼone̩ ofo kʼowñ aremi n, i la chʼo̩ma one̩, kʼowñ kʼi rʼibe da n. I ka, kʼi ma la ache n? Abe̩k i akʼo̩la, kʼi ma la ache tʼeju-wñ n?

Akwodufu 32:13

E̩ nalibekado Ebraham kpai Aise̩k kpai Israe̩l, amadu-we̩ le̩, e-kʼuwe̩ fʼo̩la-we̩ onugo go̩ ñwu ma, kʼe̩ la ka ñwu ma kakini, Naje̩ ñw ugbe̩-me̩ wewe nyo̩gba dab awo awo ojale, oñ ane̩ kʼomi ko̩la-wñ-i du nadu ñw ugbe̩-me̩, tak i achʼe̩wñ ogu-ma ogbegbele̩.

Abakwane̩ 32:6

Tak amonuche̩ le̩ mudabi wʼugbo Jeko̩b, ma kakini, Awa lewʼugbo o̩maye-we̩ Iso̩, owñ onugo ledʼuwe̩ awa-i, one̩ ulo̩ko̩ jʼugbo-wñ.

Abo Hibru 11:12

Tod e-kide̩ ge̩ kwugbo e̩ne̩ʼka kʼowñ la dabe̩ne̩ kʼoku one̩, uwewe one̩ ku ma dab awo ojale kpʼe̩lanyi ki dʼeti ohimini wate̩.

1 Amonu 4:20

Abo Juda kpai abo Israe̩l la wewe dabe̩ne̩ kʼe̩lanyi ki dʼeti ohimini, abʼuwewe-ma de̩ de̩. Oñ ma jo̩ aje̩ e̩wñ, kpai eñmo̩, kpai iya eche.

Hosiya 1:10

I chaka dʼabe̩le̩ aluka amo̩ma Israe̩l awewe dab e̩lanyi ohimini, e-ki ma jʼañwa n, kʼi ma la jʼakaluka n; oñ i awatu ka kʼugbo ku ma ka ñw ma kakini, Ama chʼabo-mi n, ma aka ñw ma kakini, Amo̩ma O̩jo̩ ki deju.