Abakwane̩ 32:10 - O̩TAKADA O̩LA O̩JO̩ 1970

¹⁰ omi nyarʼe̩wñ ke̩ke̩ ki dʼef ufe̩de̩nyo̩ kʼe̩ che kpai ochochi du kʼuwe̩ duña adu-we̩-i, todu omi kpai o̩kpa-mi daba Jo̩rdan-i; fai u la mud ujo̩ meji me̩.

Abakwane̩ 32:10 ပူးပေါင်းရင်းမြစ်များ

Eli Eko̩ DʼO̩jo̩ 18:35

Uwe̩ laño̩ mʼugbe̩yo̩ ujadu-we̩ du ñw mi me̩, o̩wo̩-we̩ awo̩to̩ la mʼumi ne̩ dago, oñ e̩hio̩lawane̩-we̩ je̩ ñw mi nana nyo̩gba.

Abakwane̩ 24:27

Oñ i kakini, Jihofa, ki chʼO̩jo̩ odu-mi Ebraham kʼi nʼele, owñ chʼO̩jo̩ ki ma mʼufe̩do̩-e̩nyo̩-wñ kpai ochochi-wñ ko bʼodu-mi te̩ n. I chʼe-mi, Jihofa fʼumi ne̩ le o̩na tʼunyi amo̩maye odu-mi.

2 Samiue̩l 7:18

Taku Defid onu nyʼejefu, oñ i kwoguguane̩ o̩gba Jihofa; i kakini, O Ondu Jihofa, e̩ne̩ omi che, unyi-mi la chʼe̩wñ, kʼuwe̩ du mi gbogbo wʼemi?

1 Pita 5:5

Abe̩le̩, ame̩, abimo̩to̩, me̩ ki fʼo̩la-me̩ kamuhite̩ ñw abogijo. O̩chaka-me̩, me̩ ki fʼe̩do̩ ehiwane̩ daku nyʼo̩la-me̩ ku me̩ che e̩wñ ñw omune̩; todabu kʼO̩jo̩ ako bʼabo ku ma hi o̩la-ma ne, i muda adu ufe̩de̩nyo̩ ñw abo ku ma hi o̩la-ma wane̩.

2 Abo Ko̩rint 12:11

U mud e̩nidada me̩! ame̩ kʼumi e̩che̩ tʼo̩. Todu i dukpe̩ kʼame̩ ma je̩nyu ñw mi, todu u nyarʼame̩nukpuche̩ ku ma bukpa tʼo̩la-ma le̩ n, abu kʼu ma chaka chʼe̩wñ du n.

Luku 17:10

Abe̩le̩ ame̩ de̩ ge̩, e̩gba ku me̩ fʼe̩wñ du ku ma ñwa ñwu me̩ le̩ chekpa, me̩ ki ka kakini, Awa chʼamadu ki ma nʼeku n le̩; e̩wñ ki chʼukpe̩-wa oñ a che le̩.

Luku 5:8

Abu ku Saimo̩n Pita fʼu li, i kwofiane̩ okuku e̩re̩ Jisus, i kakini, Ondu, kwo bʼumi te̩, todabu kʼu chʼe̩ne̩ke̩le̩ adure.

Maika 7:20

Uwe̩ adʼochochi ña Jeko̩b kpʼufe̩de̩nyo̩ ñw Ebraham, alu kʼe̩ go̩ ñw amata-wa kwʼigbelegbele.

Aizaya 63:7

Naje̩ ñw ma rewa ufe̩de̩nyo̩ Jihofa, kpai uñwulo̩ Jihofa, teju e̩wñ du ki Jihofa ko ñw a, kpai e̩nyo̩ inaina kʼi che ñw abo unyi Israe̩l owñ chʼe-kʼi ko ñw ma teju alu kʼejumomi-wñ de̩, kpai teju alu kʼufe̩de̩nyo̩-wñ chʼo̩be̩le̩ke̩te̩.

Aizaya 6:5

Tak u kakini, Atogwo chʼe-mi! e-mi ta me̩! todabu kʼomi chʼe̩ne̩ kʼi nʼuko kʼi chechiwa, kʼu laño̩ dodo alumeji amone̩ kʼuko-ma chechiwa: todu eju-mi dʼOnu, owñ che Jihofa ki nʼe̩wñ du!

Ita, Ita 4:18

Ikpa e̩no̩kpakpa dabe̩ne̩ kʼo̩jo̩ ki añwa, i ane̩ tule alo waa gbogbo tak o̩jo̩ añwa foo.

Eli Eko̩ DʼO̩jo̩ 85:10

Ufe̩de̩nyo̩ kpai ochochi de kpai o̩la-ma; o̩kpakpa kpai ure̩do̩ fʼalu kʼomu-ne̩ me̩.

Eli Eko̩ DʼO̩jo̩ 84:7

Ma lo kwef ukpahiu tef ukpahiu alo waa; okoke-ma du atejugede o̩gba O̩jo̩ efu Zayo̩n.

Eli Eko̩ DʼO̩jo̩ 61:7

I agugu o̩gba O̩jo̩ ogbegbele̩; O, e̩ fʼufe̩de̩nyo̩ kpai ochochi chi jo̩ kʼe-le̩ ki fʼeju tʼo̩!

Eli Eko̩ DʼO̩jo̩ 16:2

Omi ka ñw Jihofa kakini, Uwe̩ chʼOndu-mi; omi nʼe̩nyo̩ du ubi we̩ ojoji n.

Eli Eko̩ DʼO̩jo̩ 8:5

Uwe̩ muda fʼowñ che ki chʼo̩wo̩ wane̩ ñw O̩jo̩, e̩ la kʼojima kpʼubumo̩ chʼukatu dʼo̩ oji.

Job 17:9

I chaka dʼabe̩le̩, e̩no̩kpakpa agwo̩nyʼo̩na-wñ alo, oñ e̩ne̩ kʼo̩wo̩-wñ fe̩ agbiti alo waa.

Job 8:7

Dagba uchane̩-we̩ ma chaka de̩ re, ukpoji-we̩ otitala ma nana ny o̩gba ololo.

O̩lo̩da Eduwa Onukeji 8:18

Uwe̩ ki muda dibekado Jihofa O̩jo̩-we̩, todu owñ chʼe̩ne̩ kʼi dʼukpahiu ñw e̩ kʼuwe̩ ane̩ e̩wñ anana; todu kʼi fʼalo kʼi kpe̩ e-kʼi go̩ ñw amata-we̩ le̩ lonyane̩, alu ki de̩ eñini-i.

Abakwane̩ 32:7

Taku Jeko̩b railo ololo, e̩do̩-wñ chane̩ echʼo o̩bata; i fʼamone̩ ku ma jʼugbo-wñ kpe̩rʼujo̩ meji, kpai ame̩wño̩re̩ egini kpai amokuno̩ kpai aminyakulumi,

Abakwane̩ 32:5

u la chenʼamo̩kokuno̩ kpai amo̩ke̩ke̩te̩ kpai ame̩wño̩re̩ ojoji ojoji kpai amadu e̩ne̩ke̩le̩ kpai onobule̩; oñ u fʼone̩ kpe̩ wa-i kʼi ka ñw odu-mi, todu kʼe̩ li mi eju.

Abakwane̩ 30:43

Abe̩le̩ e̩ne̩ le̩ nana nyo̩gba ololo, i la nʼame̩wño̩re̩ egini wewe, kpai amadu onobule̩, kpai amadu e̩ne̩ke̩le̩, kpai aminyakulumi kpai amo̩ke̩ke̩te̩.

Abakwane̩ 28:15

Go, omi la dʼugbo-we̩, nafʼe̩ de ugbo du kʼe̩ nyi, u ñʼadʼe̩ dabi tʼoj ane̩-i ge̩; todu natʼuwe̩ no̩ n, gbogbo tak ufʼe̩wñ kʼomi ka o̩la-wñ ñw e̩ che.

Abakwane̩ 18:27

Tak Ebraham dohi kakini. Go ta, ibenu naje̩ kʼu ko̩la ñw Ondu-i, omi kʼu chʼebutu kpai elulu.

2 Samiue̩l 17:24

Oñ Defid lewa Mahanaim. Tak Absalom mudaba Jo̩rdan awa, tʼowñ tʼaboke̩le̩ Israe̩l chaka manyʼowñ.

Abakwane̩ 24:12

Tak i kakini, O Jihofa, O̩jo̩ odu-mi Ebraham, e̩ ki je̩ ñwu noji ñwu mi eñini, nagbo̩ko̩bʼe̩ kʼe̩ la mo̩la ñw odu-mi, Ebraham.

Abakwane̩ 28:13

Go, Jihofa la dago ugbo oji-wñ ate̩, i kakini, Omi che Jihofa, O̩jo̩ Ebraham, ata-we̩ kpai O̩jo̩ Aise̩k; ane̩ kʼuwe̩ dachi oji-wñ le̩, nadu ñw e̩ kpai ugbe̩-we̩;

Abakwane̩ 31:3

Taku Jihofa ka ñwu Jeko̩b kakini, Mudabi tʼane̩ amata-we̩, ugbo ame̩fu-we̩, oñ nadʼugbo-we̩.