Abakwane̩ 31:3 - O̩TAKADA O̩LA O̩JO̩ 1970

³ Taku Jihofa ka ñwu Jeko̩b kakini, Mudabi tʼane̩ amata-we̩, ugbo ame̩fu-we̩, oñ nadʼugbo-we̩.

Abakwane̩ 31:3 ပူးပေါင်းရင်းမြစ်များ

Abakwane̩ 28:15

Go, omi la dʼugbo-we̩, nafʼe̩ de ugbo du kʼe̩ nyi, u ñʼadʼe̩ dabi tʼoj ane̩-i ge̩; todu natʼuwe̩ no̩ n, gbogbo tak ufʼe̩wñ kʼomi ka o̩la-wñ ñw e̩ che.

Abakwane̩ 32:9

Oñ Jeko̩b kakini, O̩jo̩ e-ata-mi Ebraham, kpai O̩jo̩ e-ata-mi Aise̩k, uwe̩ Jihofa kʼe̩ ka ñwu mi kakini, Mudabi tʼane̩-we̩, ugbo amefu-we̩, tak u nachʼe̩nyo̩ ñw e̩,

Abo Hibru 13:5

Alu ku me̩ de̩ ache e̩wñ ile̩-i ki nʼo̩ko̩ eche̩ño̩-wñ n; e̩wñ ki dʼugbo me̩ abu ku me̩ jo̩-i ki nabʼume̩ jo̩; todu owñ onugo kakini, I nʼugbo du kʼu nabʼo̩wo̩ lo̩ ugbo we̩ n, i la nʼugbo du kʼu nadʼuwe̩ tinyo̩ n.

Aizaya 41:10

e̩ ki railo n, todu omi dʼugbo we̩, e̩ ki gʼemi gʼemi n, todu omi chʼO̩jo̩-we̩; nadʼukpahiu ñw e̩, ochochi, nate̩ko we̩, ochochi, nanʼo̩wo̩ awo̩to̩ o̩kpakpa-mi gwo̩nyʼuwe̩ dago.

Eli Eko̩ DʼO̩jo̩ 50:15

e̩ ki la kwado̩ mi o̩jo̩ o̩pe̩cha; oñ nagbʼe̩, tak uwe̩ adojima ñw mi.

Abakwane̩ 31:13

Omi chʼO̩jo̩ Be̩te̩l, ugbo kʼe̩ dʼekpo danyʼokuta kʼe̩ du gwanyane̩ dago, ugbo kʼe̩ fʼoji da ñwu mi le̩. Kwane̩ kwʼoj ane̩-i dufu, kʼe̩ mudabi tʼoj ane̩ ugbo ku ma bi we̩.

Abakwane̩ 21:22

Oñ i lewatu iko le̩, Abime̩le̩k kpai Fiko̩l, agboji abo ogu-wñ, ka ñw Ebraham kakini, O̩jo̩ dʼugbo we̩ ef e̩wñ du kʼe̩ che;

Eli Eko̩ DʼO̩jo̩ 46:1

O̩jo̩ chʼokoubi-wa kpai ukpahiu-wa, ate̩ko kʼa ali iko o̩pe̩cha, i che.

Abakwane̩ 35:1

Oñ O̩jo̩ ka ñwu Jeko̩b kakini, Kwane̩, kʼe̩ te̩gu nyi Be̩te̩l kʼe̩ gugu o̩mo̩; e̩ ki fʼubo̩ iche̩bo̩ kpa ñw O̩jo̩ o̩mo̩, owñ chʼO̩jo̩ kʼi kwotejugede ñw e̩ e̩gba kʼe̩ ra bʼeju Iso̩ o̩maye-we̩ te̩ le̩.

Abakwane̩ 31:18

oñ i mʼame̩wñ ukpa-wñ ko chaka, kpai ane̩-wñ du kʼi ne̩ jo̩, owñ chʼame̩wñ ukpa-wñ kʼi gba, e-kʼi gbajo̩ Padan-aram le̩, kʼi nyʼugbo Aise̩k ata-wñ oj ane̩ Kenan.

Abakwane̩ 30:25

Oñ i lewatu abu ku Reche̩l fu Jose̩f bi, Jeko̩b ka ñwu Leban kakini, Tʼumi no̩ kʼu nadabi tʼe̩gu-mi, kpai ane̩-mi.

Abakwane̩ 28:13

Go, Jihofa la dago ugbo oji-wñ ate̩, i kakini, Omi che Jihofa, O̩jo̩ Ebraham, ata-we̩ kpai O̩jo̩ Aise̩k; ane̩ kʼuwe̩ dachi oji-wñ le̩, nadu ñw e̩ kpai ugbe̩-we̩;

Abakwane̩ 28:4

I ki ño̩ mʼe̩nyo̩ Ebraham du ñw e̩, kpai ugbe̩-we̩ manyʼuwe̩ ge̩, todu kʼuwe̩ ki nʼane̩ ugbo kʼe̩ ge̩ne̩-i, e-ki Jihofa du ñw Ebraham!

Abakwane̩ 26:24

Oñ Jihofa kwotejugede ñw u odu o̩jo̩ le̩, i kakini, Omi, O̩jo̩ ata-we̩ Ebraham le̩ de̩; e̩ ki chokpo n, todu kʼomi dʼugbo-we̩, u ñʼade̩nyo̩ ñw e̩, nache kʼugbe̩-we̩ ki wewe nyo̩gba todu adu-mi Ebraham.

Abakwane̩ 13:15

todu ane̩ du kʼe̩ li le̩ uwe̩ nadu ñw u, kpai ugbe̩-we̩ ogbegbele̩.

Eli Eko̩ DʼO̩jo̩ 90:15

E̩ ki je̩ ñw e̩do̩-wa ki bo̩ alu kʼo̩jo̩ kʼe̩ de wa ma le̩ kpo̩kpe̩ kade, kpai alu kʼo̩do̩ kʼeju-wa li e̩bie̩ne̩ kade,

Abakwane̩ 50:24

Taku Jose̩f ka ñw amo̩maye-wñ kakini, Eku naku; O̩jo̩ muda awa fejudo me̩ chuu, i la ako me̩ kwʼoj ane̩-i tʼoj ane̩ e-kʼi go̩ ñw Ebraham kpai Aise̩k kpai Jeko̩b.

Abakwane̩ 31:2

Oñ Jeko̩b li eju Leban, go, eju-wñ la dʼalu ki de̩ ugbo owñ akwoubi n.

Abakwane̩ 31:4

Taku Jeko̩b kpʼone̩ ado̩ Reche̩l kpai Lea wʼoko ugbo ame̩wño̩re̩-wñ egini.

Abakwane̩ 35:3

oñ a kwane̩ kʼa te̩gu nyi Be̩te̩l, o̩mo̩ nakpʼubo̩ iche̩bo̩ ñw O̩jo̩ kʼi dohi ñwu mi o̩jo̩ o̩pe̩cha-mi, kʼi laño̩ dʼugbo mi ugbo du kʼu le.

Akwodufu 3:12

I kakini, Nadʼugbo we̩ chuu; e̩wñ ki chʼijali ñw e̩ ka kʼomi kpʼuwe̩ uche̩ de̩ kakini, E̩gba kʼe̩ mʼamone̩ le̩ ko kwʼIjipti dufu, me̩ are̩ O̩jo̩ oj uwo kide̩.

Abakwane̩ 32:5

u la chenʼamo̩kokuno̩ kpai amo̩ke̩ke̩te̩ kpai ame̩wño̩re̩ ojoji ojoji kpai amadu e̩ne̩ke̩le̩ kpai onobule̩; oñ u fʼone̩ kpe̩ wa-i kʼi ka ñw odu-mi, todu kʼe̩ li mi eju.

Abakwane̩ 32:10

omi nyarʼe̩wñ ke̩ke̩ ki dʼef ufe̩de̩nyo̩ kʼe̩ che kpai ochochi du kʼuwe̩ duña adu-we̩-i, todu omi kpai o̩kpa-mi daba Jo̩rdan-i; fai u la mud ujo̩ meji me̩.