Abakwane̩ 31:1 - O̩TAKADA O̩LA O̩JO̩ 1970

¹ Tak i gbʼo̩la kʼamo̩ma e̩ne̩ke̩le̩ Leban aka kakini, Jeko̩b mʼe̩wñ ata-wa du ko; e̩wñ ata-wa oñ i du nʼojima-i du.

Abakwane̩ 31:1 ပူးပေါင်းရင်းမြစ်များ

Ako̩la ñw Ujeju 4:4

Tak u li abu kʼakanya uko̩lo̩ du kpʼuko̩lo̩ o̩ka du kʼone̩ ache aje̩ ñw ulie̩na ki dʼagbagba one̩ kpʼekeji-wñ. E-le̩ ño̩ chʼo̩wai kpʼafu ene ule.

1 Pita 1:24

Todu, o̩re̩la du dab egbe, ojima-wñ chaka la dab ododo egbe; egbe-wñ gbe̩, ododo-wñ chi tane̩.

Taito̩s 3:3

Todu i ño̩ nʼe̩gba kʼawa onugo ma nʼibe n me̩, a la gbo̩lagbo̩ n, ma ko wa la, a jo̩ achʼadu e̩ño̩ e̩wñ kpʼe̩wñ ube̩do̩ ojoji ojoji, oñ a jo̩ ef e̩wñ e̩bie̩ne̩ eche kpai ule̩na, e̩wñ ulaka a che, a laño̩ nʼulaka omune̩ ache.

1 Timoti 6:4

mak i fʼafu mu nyʼefu de̩, i mʼe̩wñ du n, chai o̩ga ugbo ene ete̩ kpai uja noj o̩la ki kwef alu ofo i ache le̩, e-le̩ anyʼelie̩na te̩ kpai uja eja kpai echakpabie̩ e̩wñ kpai ibe-bibi ekpe̩

Matiu 4:8

Abulumone̩ le̩ ño̩ dabi mʼowñ du le tʼoj uwo kʼi gbo̩gba tabale, oñ i mʼojane̩, ojane̩ ile̩-i du du ñʼo̩, kpʼojima-wñ.

Izikie̩l 16:44

Go, e̩ne̩ du ki akpʼita, akpʼita o̩la-i nʼe̩ oji kakini, Alu kʼiye de̩ abe̩le̩ o̩ma-wñ onobule̩ de̩.

Je̩re̩maya 9:23

Abu ki Jihofa aka de̩ kakini, Anibe kʼi je̩nyu ibe-wñ n, agbiti kʼi la je̩nyu agbiti-wñ n, anana kʼi la je̩nyu anana-wñ n.

Aizaya 5:14

Todule̩ oñ efu o̩jegu mula i mʼalu-wñ chi te̩ pamaa, oñ ojima Je̩rusale̩m kpʼuwewe one̩-wñ kpʼekuku-wñ, kpʼe̩ne̩ du kʼi dʼefu-wñ ayo̩ agwo̩ru nyʼefu-wñ.

Ita, Ita 27:4

E̩dofulu chʼo̩lachi, uwe̩do̩ la chʼuwobi omi; e̩ne̩ muda abʼelie̩na jo̩?

Ita, Ita 14:30

E̩do̩ ki dachi chʼiñmi o̩re̩la, ulie̩na muda aje̩ ñw achiku che̩.

Eli Eko̩ DʼO̩jo̩ 57:4

Onugo-mi dʼef amidu u dachi ef abo kʼafu ki akwʼef iñmo̩-ma dufu chʼo̩go̩ una; owñ chʼamo̩ma amone̩ kʼenyi-ma chʼo̩kwo̩ kpai o̩fa, kʼukpalu-ma la chʼo̩kwo̩chageli kʼi ale̩.

Eli Eko̩ DʼO̩jo̩ 17:14

nʼo̩wo̩-we̩ gba mi bʼamone̩ te̩, O Jihofa, owñ chʼabo o̩kpanachi-i kʼukpe̩-ma dʼef edeju ku ma deju ile̩-i. E̩ ki la nʼe̩wñ umaja-we̩ kʼuma efu; amo̩ma-ma nʼe̩wñ bʼuma jo̩; ma la tʼe̩wñ-ma ki bo̩ no̩ ñw amo̩me̩kpa e-ma.

Job 31:31

iche̩wñ kʼaboke̩le̩ unyabo-mi ma ka n, kakini, E̩ne̩ ali e̩ne̩ kʼuje̩wñ Job ma kʼo̩ efu n?

E̩sta 5:11

Taku Heman da nʼo̩la ojima anana-wñ aka ñwu ma, kpai uwewe amo̩ma-wñ kpai e̩wñ du e-kʼonu dʼowñ nyo̩gba ef uwñ, kpai alu kʼi dʼowñ tʼo̩gba ñw amagboji kpai abuko̩lo̩ onu.

Abakwane̩ 45:13

Me̩ ki dʼojima-mi ane̩ Ijipti du ka ñw ata-mi, kpai e̩wñ du ku me̩ liʼi. Me̩ nahiane̩ ku me̩ dʼata-mi gwo̩ru wʼemi.

Abakwane̩ 30:43

Abe̩le̩ e̩ne̩ le̩ nana nyo̩gba ololo, i la nʼame̩wño̩re̩ egini wewe, kpai amadu onobule̩, kpai amadu e̩ne̩ke̩le̩, kpai aminyakulumi kpai amo̩ke̩ke̩te̩.

Abakwane̩ 31:2

Oñ Jeko̩b li eju Leban, go, eju-wñ la dʼalu ki de̩ ugbo owñ akwoubi n.

Abakwane̩ 31:43

Taku Le̩ban dohi ñwu Jeko̩b kakini, Amo̩ma onobule̩ le̩ chʼamo̩ma-mi, abimo̩to̩ le̩ la chʼabimo̩to̩-mi, ame̩wño̩re̩ egini-i la chʼame̩wño̩re̩-mi, o̩gbo̩ e̩wñ du kʼe̩ li-i chʼe-mi. Eñini-i, e̩wñ omi neke che amo̩ma-mi onobule̩-i, abe̩k amo̩ma e-ma ku ma bi?