Abakwane̩ 30:43 - O̩TAKADA O̩LA O̩JO̩ 1970

⁴³ Abe̩le̩ e̩ne̩ le̩ nana nyo̩gba ololo, i la nʼame̩wño̩re̩ egini wewe, kpai amadu onobule̩, kpai amadu e̩ne̩ke̩le̩, kpai aminyakulumi kpai amo̩ke̩ke̩te̩.

Abakwane̩ 30:43 ပူးပေါင်းရင်းမြစ်များ

Abakwane̩ 30:30

Todu e̩wñ kʼuwe̩ ne̩ tak omi wa de̩ re, oñ i mud o̩be̩le̩ke̩te̩ jo̩-i; Jihofa la de̩nyo̩ ñw e̩ ugbo du kʼomi dʼe̩re̩ atʼo̩. E̩gba oñ omi ñʼachʼuko̩lo̩ unyi e-mi onugo ke?

Abakwane̩ 24:35

Jihofa mʼe̩nyo̩ du ñw odu-mi ololo, i la mud anana; i la mʼame̩wño̩re̩ egini kpai amokuno̩, kpai ajifa kpai o̩jamalia, kpai amadu e̩ne̩ke̩le̩ kpai onobule̩, kpai aminyakulumi, kpai amo̩ke̩ke̩te̩ ko ñw u.

Abakwane̩ 13:2

Ame̩wñ ukpa kpai ajifa kpai o̩jamalia Ebram la gbe̩gbe̩.

Ako̩la ñw Ujeju 2:7

U fʼamadu e̩ne̩ke̩le̩ kpʼonobule̩ la; ma ño̩ fʼamabinyi bi ef unyi-mi. U laño̩ ne̩ ujo̩ ujo̩ ame̩wñukpa kpai ame̩wño̩re̩ egini tʼabo du ku ma jo̩ Je̩rusale̩m o̩gba-mi le.

Abakwane̩ 33:11

Agba, e̩ mʼe̩wñ ugwa-mi ku ma du wa le̩ gba, todabu kʼO̩jo̩ chʼufe̩de̩nyo̩ ñwu mi, kʼu laño̩ chenʼe̩wñ du. Abe̩le̩ i kutʼowñ, oñ i mu-gba.

Abakwane̩ 32:10

omi nyarʼe̩wñ ke̩ke̩ ki dʼef ufe̩de̩nyo̩ kʼe̩ che kpai ochochi du kʼuwe̩ duña adu-we̩-i, todu omi kpai o̩kpa-mi daba Jo̩rdan-i; fai u la mud ujo̩ meji me̩.

Abakwane̩ 28:15

Go, omi la dʼugbo-we̩, nafʼe̩ de ugbo du kʼe̩ nyi, u ñʼadʼe̩ dabi tʼoj ane̩-i ge̩; todu natʼuwe̩ no̩ n, gbogbo tak ufʼe̩wñ kʼomi ka o̩la-wñ ñw e̩ che.

Abakwane̩ 12:16

Tak i che e̩nyo̩ ñw Ebram todu owñ; oñ Ebram ne̩ ame̩wño̩re̩ egini kpai amokuno̩ kpai amo̩ke̩ke̩te̩ o̩ko̩ kpai amadu e̩ne̩ke̩le̩ kpai amadu onobule̩ kpai amo̩ke̩ke̩te̩ ole kpai aminyakulumi.

Izikie̩l 39:10

todule̩ ma ñʼachʼiji kwʼoko wa n, ma la alo̩ oli efoko wane̩ n, todu ama anʼe̩wñ ido̩na ogu le̩ kʼuna; oñ abo ku ma ko ma che e̩wñ kʼogu je̩ le̩ amud e̩wñ kʼogu e-ma je̩, ma la akʼabo ku ma ko ma chʼe̩wñ aluje̩ chʼe̩wñ aluje̩ e-ma, Ondu Jihofa ka-i.

Abakwane̩ 31:42

I ma chʼabu kʼO̩jo̩ e-ata-mi, owñ chʼO̩jo̩ e-Ebraham, kpai e̩gahi Aise̩k ki dʼugbo mi n, uwe̩ ma je̩ ñwu mi le o̩wo̩ ofo ochochi. O̩jo̩ fʼo̩bata-mi kpai akanya o̩wo̩-mi li, oñ i dʼo̩la bi uwe̩ odu eñini.

Abakwane̩ 36:7

Todu e̩wñ-ma ku ma ne̩ chenana, i je̩ ñwu ma dodo ugbʼokate n; ane̩ ugbo ku ma ge̩ne̩ le̩ la neke gba ma n todu ame̩wñ ukpa-ma.

Luku 12:45

I muda che̩wñ kʼadu kide̩ ka ef e̩do̩-wñ kakini, Odu-mi akpo̩kpe̩ ewa, tak i chane̩ egwo abimo̩to̩-wñ e̩ne̩ke̩le̩ kpʼonobule̩, kʼi chane̩ eje̩ kpʼeñmo̩ kʼo̩te̩ la fʼu mu,

Abakwane̩ 30:42

ama e̩gba kʼame̩wño̩re̩ egini ku ma chʼe̩gbo wa, i la ko ma jʼefu-wñ n; abe̩le̩ abo e̩gbo chʼe-Leban, abo ku ma nʼukpahiu chʼe-Jeko̩b.

Abakwane̩ 31:1

Tak i gbʼo̩la kʼamo̩ma e̩ne̩ke̩le̩ Leban aka kakini, Jeko̩b mʼe̩wñ ata-wa du ko; e̩wñ ata-wa oñ i du nʼojima-i du.

Abakwane̩ 32:5

u la chenʼamo̩kokuno̩ kpai amo̩ke̩ke̩te̩ kpai ame̩wño̩re̩ ojoji ojoji kpai amadu e̩ne̩ke̩le̩ kpai onobule̩; oñ u fʼone̩ kpe̩ wa-i kʼi ka ñw odu-mi, todu kʼe̩ li mi eju.

Abakwane̩ 32:14

ole ewo chʼo̩gwo̩ko, obuko̩ chʼogu, ole ala chʼo̩gwo̩ko̩ okolo chʼogu,