Abakwane̩ 3:8 - O̩TAKADA O̩LA O̩JO̩ 1970

⁸ Taku ma gbo̩ abu ku Jihofa O̩jo̩ alule̩ ef uche̩ le̩ adiko e̩gba kʼafu afe̩rʼo̩la, tak one̩ kpai o̩ya-wñ mʼo̩la-ma ko maja bʼeju Jihofa O̩jo̩ te̩ ef ujʼoli uche̩ le̩.

Abakwane̩ 3:8 ပူးပေါင်းရင်းမြစ်များ

Abakwane̩ 18:33

Taku Jihofa le̩ owñ abu kʼi fʼoluka che kpai Ebraham kpa; oñ Ebraham mudabi tʼe̩gu-wñ.

Abakwane̩ 3:10

Oñ i kakini, U gbʼiche̩-we̩ ef uche̩, oñ u railo, todabu kʼu tago ofo; tak u dʼo̩lami maja-i.

Job 22:14

Akpa ki jukpa chʼe̩wñ ubo̩lama-wñ, kʼi we egane̩, i alule̩ oji o̩cha atate̩.

Job 31:33

i la chʼe̩wñ kʼu dʼechada-mi maja dab Ade̩m, kʼu dʼudu kʼu fe̩ maja ef agbe̩do̩-mi,

Job 38:1

Taku Jihofa dʼef ololo adohi ñw Job, i kakini:

Ita, Ita 15:3

Eju Jihofa dʼugbo du, eju-wñ abʼame̩ne̩bie̩ne̩ kpʼame̩ne̩-nyo̩ le.

Je̩re̩maya 23:24

I nʼe̩ne̩ kʼi dʼo̩la-wñ maja ofio̩lifio̩ kʼomi ma li u n? Jihofa aka-i. Omi che̩ko̩ efojale kpʼane̩ ile̩-i n? Jihofa aka-i.

Hosiya 10:8

Ma ñʼakpʼotete otete Afe̩n, kʼi chʼadure Israe̩l le̩, fo̩ ge̩. Ikeke kpʼedudu egbe aya oj ubo̩ iche̩bo̩-ma; taku ma ka ñw uwo uwo ki gbo̩gba kakini, Bʼuwa ma, ma aka ñw uwo uwo kakini, Mulo̩ bʼuwa ma.

Abo Lifai 26:12

Tak u natale efu-me̩ kʼu chʼO̩jo̩-me̩, oñ ame̩ achʼamone̩ ñwu mi.

Jona 1:3

Jona muda kwane̩ kʼi ra nyi Tarshish bʼeju Jihofa te̩. Oñ i gwo̩ru nyi Jo̩pa, i la fʼo̩ko̩ ki anyi Tarshish li; abe̩le̩ i fʼo̩me̩ ule̩-wñ ra, oñ i gwo̩ru nyʼef uwñ kʼi lebʼuma nyi Tarshish, kʼi kwo bʼeju Jihofa te̩.

Abo Rom 2:15

Ma du ñe̩ña ka kʼuko̩lo̩ o̩lo̩da che̩ko̩ rʼef e̩do̩-ma, akone̩o̩la ki dʼefu-ma agbʼo̩ ibenu, oñ ibe ku ma kpe̩ kpʼomune̩ agwajo̩-nʼuma cho̩kpo̩ni i aka e̩wñ ki chi.

O̩lo̩da Eduwa Onukeji 23:14

Todu Jihofa O̩jo̩-we̩ tʼale alumeji uru-we̩, kʼi gbʼuwe̩, kʼi la mʼame̩nebi-we̩ ko jo̩ o̩gba-we̩, uru-we̩ ki la fo̩, kʼi we eli e̩wñ ki ma chʼeju-wñ kʼi ali n ef uwe̩ kʼi muna bʼe̩ te̩ n.

O̩lo̩da Eduwa Onukeji 4:33

One̩ gbo̩ omuko̩la O̩jo̩ kʼi dʼalumeji una ako̩la, alu kʼuwe̩ gbo̩ le̩, kʼe̩ne̩ le̩ deju ta?

O̩lo̩da Eduwa Onukeji 5:25

Todule̩ e̩wñ chi kʼa ñʼaku ge̩? todu una inaina-i afʼuwa liye̩; iche̩wñ kʼa ñʼagbo̩ omuko̩la Jihofa O̩jo̩-wa one̩de̩-i ge̩ mak eku a aku.

Abo Hibru 4:13

Oñ e̩wñ kʼi nyi ki ma tejugede eju-wñ n de̩ n, e̩wñ du la tago ofo, e̩wñ du ño̩ che̩chite̩ eju e̩ne̩ e-kʼa acholi e̩wñ jo̩ ñw u.

O̩la E̩bite 6:15

Oñ amonu ane̩ ile̩-i kpʼame̩ne̩lile kpʼamonu ogu kpʼamanana kpʼabo ki gbiti kpʼadu du kpʼo̩mone̩ du kʼo̩la-ma maja ef owo kpʼef okuta uwo uwo;